ನ್ಯೂಟ್ರಿಷನ್ ಕ್ಲಬ್ ಹೆಸರಲ್ಲಿ ಮಹಾ ದಂಧೆ, ಇಲ್ಲದ ಕಾಯಿಲೆ ಹೆಸರಲ್ಲಿ ಹಣ ವಸೂಲಿ ಆರೋಪ, ವಕೀಲರಿಂದ ತನಿಖೆಗೆ ಒತ್ತಾಯ

ಶಿವಮೊಗ್ಗ ಲೈವ್.ಕಾಂ | SHIMOGA | 25 ಜನವರಿ 2020

ತಾಲೂಕಿನಾದ್ಯಂತ ತಲೆ ಎತ್ತಿರುವ ಹರ್ಬಲ್ ನ್ಯೂಟ್ರಿಷನ್ ಕ್ಲಬ್’ಗಳ ಸತ್ಯಾಸತ್ಯತೆ ಬಗ್ಗೆ ತನಿಖೆ ನಡೆಸುವಂತೆ ಒತ್ತಾಯಿಸಿ ವಕೀಲ ಜಿ. ರಾಜಕುಮಾರ್ ತಹಸೀಲ್ದಾರ್‌ಗೆ ಮನವಿ ಸಲ್ಲಿಸಿದ್ದಾರೆ.

ಇತ್ತೀಚಿಗೆ ತಾಲೂಕಿನಾದ್ಯಂತ ಹರ್ಬಲ್ ನ್ಯೂಟ್ರಿಷನ್ ಕ್ಲಬ್ ಎಂಬ ಹೆಸರಿನಲ್ಲಿ ಹಲವಾರು ಕ್ಲಬ್‌ಗಳು ತಲೆ ಎತ್ತಿವೆ. ಇಲ್ಲಿನ ಸಿಬ್ಬಂದಿ ಜನರ ಬಳಿ ಹೋಗಿ ಆರೋಗ್ಯ ಪರಿಶೀಲಿಸುತ್ತಾರೆ. ತಾವೇ ಒಂದು ಯಂತ್ರ ಇಟ್ಟುಕೊಂಡಿದ್ದು ಆ ಯಂತ್ರದಿಂದ ಜನರಿಗೆ ಚೆಕ್‌ಕಪ್ ಮಾಡಿ ನಿಮಗೆ ಬಿಪಿ ಇದೆ, ಶುಗರ್ ಇದೆ. ನಿಮ್ಮ ದೇಹದಲ್ಲಿ ಕೆಲ ವಿಟಮಿನ್ ಕೊರತೆ ಇದೆ ಎಂದು ತಿಳಿಸುತ್ತಾರೆ. ಶುಗರ್‌, ಬಿಪಿ ಇಲ್ಲದೆ ಇದ್ದರೂ ಸದ್ಯದಲ್ಲೇ ಬರುವ ಸಾಧ್ಯತೆ ಇದೆ. ನೀವು ತುಂಬ ದಪ್ಪ ಇದ್ದೀರಿ ಇಲ್ಲವೇ ನೀವು ತುಂಬ ತೆಳ್ಳಗೆ ಇದ್ದೀರಿ. ನೀವು ಕ್ಲಬ್ ಸದಸ್ಯರಾದರೆ ನಾವು ನೀಡುವ ಪೌಡರ್ ಹಾಗೂ ಮಾತ್ರೆ ನೀರಿನಲ್ಲಿ, ಹಾಲಿನಲ್ಲಿ ಬೆರೆಸಿ ಕುಡಿಯುವುದರಿಂದ ನಿಮ್ಮ ಈ ಎಲ್ಲ ಸಮಸ್ಯೆ, ಕಾಯಿಲೆಗಳು ಗುಣಮುಖವಾಗುತ್ತವೆ ಎಂದು ಸುಳ್ಳು ಹೇಳುತ್ತಿದ್ದಾರೆ ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.

ಜತೆಗೆ ಕ್ಲಬ್ ಮೆಂಬರ್ ಆಗಿ, ಈಗ ನೀವು ಮೊದಲಿಗೆ ತಿಂಗಳಿಗೆ 3,500 ರೂ. ನೀಡಿ ಸೇರಿಕೊಳ್ಳಬೇಕು. ನಂತರ ತಿಂಗಳಿಗೆ ನೀಡುವ ಪೌಡರ್ ಹಾಗೂ ಮಾತ್ರೆ ಖರ್ಚು 3,000 ರೂ. ಗಳಿಂದ 5,000 ರೂ.ವರೆಗೂ ಬರುತ್ತದೆ. ಒಂದು ವೇಳೆ ನೀವು ನಮ್ಮ ಕ್ಲಬ್‌ಗೆ ಹೊಸ ಮೆಂಬರ್‌ ಸೇರಿಸುತ್ತ ಹೋದರೆ ನಿಮಗೆ ಪಾಯಿಂಟ್ ಕೌಂಟ್ ಆಗಿ ನೀವು ತೆಗೆದುಕೊಳ್ಳುವ ಔಷಧ ಉಚಿತವಾಗುತ್ತದೆ ಹಾಗೂ ಇನ್ನೂ ಹೆಚ್ಚು ಪಾಯಿಂಟ್ ಮಾಡಿದರೆ ಇದರಿಂದ ಸಾಕಷ್ಟು ಹಣದ ಲಾಭ ಇದೆ ಎಂದೆಲ್ಲ ಜನರ ಬಳಿ ಹೇಳುತ್ತಿದ್ದು ಸಾವಿರಾರು ಜನರಿಂದ ಹಣ ವಸೂಲಿ ಮಾಡಿದ್ದಾರೆ ಎಂದು ಆರೋಪಿಸಿದರು.

ಈ ಕ್ಲಬ್ ಹಿಂದೆ ದೊಡ್ಡ ಜಾಲವೊಂದು ಕೆಲಸ ಮಾಡುತ್ತಿದ್ದು ಒಂದು ವೇಳೆ ಇದರ ಸತ್ಯಾಸತ್ಯತೆ ಹಾಗೂ ಗುಣಮಟ್ಟದ ಬಗ್ಗೆ, ಇದರಿಂದ ಇರುವ ಅನುಕೂಲ, ಅನಾನುಕೂಲಗಳ ಬಗ್ಗೆ ತನಿಖೆಯಾಗದೆ ಹೋದರೆ ಅಮಾಯಕ ಜನರು ಶಿಕಾರಿಯಾಗುವ ಸಂಭವ ಇರುವುದರಿಂದ ಹಾಗೂ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಬೀರುವ ಸಾಧ್ಯತೆ ಇರುತ್ತದೆ. ಈ ಬಗ್ಗೆ ಸಂಬಂಧಪಟ್ಟ ಇಲಾಖೆಗೆ ಸೂಕ್ತದ ಆದೇಶವನ್ನು ಮಾಡುವ ಮೂಲಕ ಈ ಕ್ಲಬ್‌ಗಳ ಸತ್ಯಾಸತ್ಯತೆ ಪರಿಶೀಲನೆ ಮಾಡುವಂತೆ ಅವರು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.

ವಕೀಲರಾದ ಎಂ.ರಾಮಪ್ಪ, ಸಯ್ಯದ್ ಅಹಮದ್, ಸಿ.ಬಿ.ಚಂದ್ರಶೇಖರ್, ಶರತ್, ಜಿ.ದೇವರಾಜ್, ಬಸವರಾಜ್, ಅಶೋಕ್ ಇದ್ದರು.

ಶಿವಮೊಗ್ಗ ಲೈವ್.ಕಾಂನಲ್ಲಿ ಸುದ್ದಿಗಾಗಿ ಕರೆ ಮಾಡಿ 9964634494

ವಾಟ್ಸಪ್ ನಂಬರ್ | 7411700200

ಈ ಮೇಲ್ ಐಡಿ | shivamoggalive@gmail.com

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ