ತೀರ್ಥಹಳ್ಳಿಯ ಇಂಜಿನಿಯರ್‌ಗೆ ರಾತ್ರಿ ಬಂತು ಒಂದು ಮೆಸೇಜ್‌, ಕೆಲವೇ ದಿನದಲ್ಲಿ ಕಾದಿತ್ತು ಶಾಕ್

SHIVAMOGGA LIVE NEWS | 11 NOVEMBER 2023

THIRTHAHALLI : ಟೆಲಿಗ್ರಾಂನಲ್ಲಿ ರಾತ್ರಿ ಬಂದ ಮೆಸೇಜ್‌ನಿಂದ ಇಂಜಿನಿಯರ್‌ (engineer) ಒಬ್ಬರು 93 ಸಾವಿರ ರೂ. ಹಣ ಕಳೆದುಕೊಂಡಿದ್ದಾರೆ. ಈ ಸಂಬಂಧ ತೀರ್ಥಹಳ್ಳಿ ತಾಲೂಕು ಮಾಳೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇಂಜಿನಿಯರ್‌ ಒಬ್ಬನ (ಹೆಸರು ಗೌಪ್ಯ) ಟೆಲಿಗ್ರಾಂಗೆ ನ.4ರಂದು A DAILY TASKS ಎಂಬ ಹೆಸರಿನಲ್ಲಿ ಮೆಸೇಜ್‌ ಬಂದಿತ್ತು. ಟಾಸ್ಕ್‌ಗಳನ್ನು ಪೂರೈಸುವ ಪಾರ್ಟ್‌ ಟೈಮ್‌ ಉದ್ಯೋಗ ಎಂದು ನಂಬಿಸಿ ಹಣ ಹೂಡಿಕೆ ಮಾಡಿಸಿಕೊಳ್ಳಲಾಗಿತ್ತು. ಗೂಗಲ್‌ ರಿವ್ಯೂಸ್‌ ಎಂದು ತಿಳಿಸಿ ಮೊದಲ ದಿನ 300 ರೂ.ಗಳನ್ನು ಇಂಜಿನಿಯರ್‌ (engineer) ಖಾತೆಗೆ ವರ್ಗಾಯಿಸಿದರು.

ಇದನ್ನೂ ಓದಿ- ಶಿವಮೊಗ್ಗದ ವಾಹನ ಸವಾರರೆ ಹುಷಾರ್‌, ಸರ್ಕಲ್‌ನಲ್ಲಿ ಬೃಹತ್‌ ಗುಂಡಿ, ರಸ್ತೆ ತುಂಬೆಲ್ಲ ಹರಡಿದೆ ಜೆಲ್ಲಿ, ಎಲ್ಲಿ ಇದು?

ನಂತರ ಪ್ರೀಪೇಡ್‌ ಟಾಸ್ಕ್‌ ಎಂದು 1 ಸಾವಿರ ರೂ. ಹಾಕಿಸಿಕೊಂಡಿದ್ದು 1300 ರೂ. ಹಣವನ್ನು ಇಂಜಿನಿಯರ್‌ಗೆ ವರ್ಗಾಯಿಸಿದ್ದರು. ಒಮ್ಮೆ 3 ಸಾವಿರ ರೂ. ಹಣ ಹಾಕಿಸಿಕೊಂಡಿದ್ದು ಟಾಸ್ಕ್‌ ಪೂರೈಸಿದರು ಹಣ ಮರಳಿಸಲಿಲ್ಲ. ಹೆಚ್ಚು ಟಾಸ್ಕ್‌ಗಳನ್ನು ಪೂರೈಸಿದರೆ ಒಟ್ಟಿಗೆ ಹಣ ಹಿಂತಿರುಗಿಸುವುದಾಗಿ ನಂಬಿಸಿ 93 ಸಾವಿರ ರೂ. ಹಣ ಹಾಕಿಸಿಕೊಂಡು ವಂಚಿಸಲಾಗಿದೆ. ‌