ಮಹಾದೇವಿ ಟಾಕೀಸ್ ಬಳಿ ಜೊತೆಗೆ ಕುಳಿತು ಮದ್ಯ ಕುಡಿದು ಮೊಬೈಲ್ ಕದ್ದೊಯ್ದ ಸ್ನೇಹಿತ

SHIVAMOGGA LIVE NEWS | MOBILE | 16 ಮೇ 2022

ಜೊತೆಗೆ ಕುಳಿತು ಮದ್ಯ ಸೇವಿಸಿದ ಸ್ನೇಹಿತನೆ ಆಟೋ ಚಾಲಕನಿಗೆ ಮೋಸ ಮಾಡಿ ಮೊಬೈಲ್ ಕದ್ದುಕೊಂಡು ಹೋಗಿದ್ದಾನೆ. ಶಿವಮೊಗ್ಗದ ಮಹಾದೇವಿ ಟಾಕೀಸ್ ಮುಂಭಾಗ ಕಂಟ್ರಿ ಕ್ಲಬ್ ರಸ್ತೆಯಲ್ಲಿ ಘಟನೆ ಸಂಭವಿಸಿದೆ.

ಆಟೋ ಚಾಲಕ ರಾಜಯ್ಯ ಅವರ ವೀವೊ ಕಂಪನಿಯ ಮೊಬೈಲ್ ಕಳ್ಳತನವಾಗಿದೆ. ರಾಜೀವ್ ಗಾಂಧಿ ಬಡಾವಣೆಯ ಅಂಗುರಿ ಮತ್ತು ಸಾದಿಕ್ ಎಂಬುವವರ ವಿರುದ್ಧ ದೂರು ದಾಖಲಾಗಿದೆ.

ಘಟನೆ ಸಂಭವಿಸಿದ್ದು ಹೇಗೆ?

ಆಟೋ ಚಾಲಕ ರಾಜಯ್ಯ ಅವರು ಆಟೋ ಓಡಿಸಿ ಸುಸ್ತಾಗಿದ್ದರಿಂದ ರಾತ್ರಿ 10 ಗಂಟೆಗೆ ಮಹಾದೇವಿ ಟಾಕೀಸ್ ಬಳಿ ಬಾರ್’ನಲ್ಲಿ ಮದ್ಯ ಪಾರ್ಸೆಲ್ ತೆಗೆದುಕೊಂಡಿದ್ದಾರೆ. ಕಂಟ್ರಿ ಕ್ಲಬ್’ಗೆ ಹೋಗುವ ರಸ್ತೆಯಲ್ಲಿ ಆಟೋದಲ್ಲಿ ಮದ್ಯ ಸೇವಿಸುತ್ತಿದ್ದಾಗ ಅಂಗುರಿ ಎಂಬಾತ ಬಂದಿದ್ದಾನೆ. ಆತನ ಜೊತೆಗೆ ರಾಜಯ್ಯ ಅವರು ಮದ್ಯ ಸೇವನೆ ಮಾಡಿದ್ದಾರೆ. ಈ ವೇಳೆ ಅಂಗುರಿ, ರಾಜಯ್ಯ ಅವರ ವೀವೊ ಕಂಪನಿಯ ಮೊಬೈಲ್ ಕೈಗೆತ್ತಿಕೊಂಡು ನೋಡಿದ್ದಾನೆ ಎಂದು ಆರೋಪಿಸಲಾಗಿದೆ.

ಸ್ವಲ್ಪ ಸಮಯಕ್ಕೆ ಅಂಗುರಿಯ ಸ್ನೇಹಿತ ಸಾದಿಕ್ ಎಂಬಾತ ಆಟೋ ಬಳಿಗೆ ಬಂದಿದ್ದಾನೆ. ಈ ಹೊತ್ತಿಗಾಗಲೆ ಮದ್ಯ ಸೇವಿಸಿದ್ದರಿಂದ ನಿದ್ರೆ ಬಂದಂತಾಗಿ ರಾಜಯ್ಯ ಆಟೋದಲ್ಲೇ ನಿದ್ರೆಗೆ ಜಾರಿದ್ದಾರೆ. ಎಚ್ಚರವಾದಾಗ ಅಂಗುರಿ, ಸಾದಿಕ್ ಇಬ್ಬರೂ ಇರಲಿಲ್ಲ. ರಾಜಯ್ಯ ಅವರ ಮೊಬೈಲ್ ಕೂಡ ನಾಪತ್ತೆಯಾಗಿತ್ತು ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ಸುಮಾರು 20 ಸಾವಿರ ರೂ. ಮೌಲ್ಯದ ಮೊಬೈಲ್ ಫೋನನ್ನು ಹುಡುಕಿಕೊಡುವಂತೆ ರಾಜಯ್ಯ ಕೋಟೆ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ – ಇವತ್ತಿನ ಎಲ್ಲಾ ಸುದ್ದಿಗಳನ್ನು ಓದಲು ಕ್ಲಿಕ್ ಮಾಡಿ

ನಿಮ್ಮೂರು, ನಿಮ್ಮಾ ಏರಿಯಾದ ಕಾರ್ಯಕ್ರಮಗಳು, ಸಮಸ್ಯೆಗಳು ಸುದ್ದಿಯಾಗಬೇಕಾ? ನೀವೇ ವರದಿಗಾರರಾಗಿ. ವಿಡಿಯೋ, ಫೋಟೊ ಮಾಡಿ 7411700200 ಮೊಬೈಲ್ ನಂಬರ್’ಗೆ ವಾಟ್ಸಪ್ ಮಾಡಿ. ನೆನಪಿರಲಿ, ಸುದ್ದಿ ಪ್ರಕಟಣೆಗೆ ನಾವು ಹಣ ಪಡೆಯುವುದಿಲ್ಲ.