ಶಿವಮೊಗ್ಗದಲ್ಲಿನ ಭೀಕರ ಅಪಘಾತದ ಸಿಸಿಟಿವಿ ವಿಡಿಯೋ ವೈರಲ್, ಡೇಂಜರ್ ಸ್ಪಾಟ್ ಆಗುತ್ತಿದೆ ಈ ಸರ್ಕಲ್, ವಾಹನ ಚಾಲಕರೇ ಎಚ್ಚರ

ಶಿವಮೊಗ್ಗ ಲೈವ್.ಕಾಂ | SHIMOGA | 18 ಜನವರಿ 2020

ಶಿವಮೊಗ್ಗದ ಮಹಾವೀರ ಸರ್ಕಲ್’ನಲ್ಲಿ ಇವತ್ತು ಶುಕ್ರವಾರ ಬೆಳಗ್ಗೆ ಸಂಭವಿಸಿದ ಭೀಕರ ಅಪಘಾತದ ಸಿಸಿಟಿವಿ ವಿಡಿಯೊ ಲಭ್ಯವಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ.

ಅಪಘಾತದ ರಭಸಕ್ಕೆ ದ್ವಿಚಕ್ರ ವಾಹನ ಸವಾರರು ಗಾಳಿಯಲ್ಲಿ ಹಾರಿ ರಸ್ತೆಗೆ ಬೀಳುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ATNC ಕಾಲೇಜು ಕಡೆಯಿಂದ ವೇಗವಾಗಿ ಬಂದ ಕಾರು ಮತ್ತು ರೈಲ್ವೆ ನಿಲ್ದಾಣದ ಕಡೆಯಿಂದ ಬರುತ್ತಿದ್ದ ಬೈಕ್ ನಡುವೆ ಅಪಘಾತ ಸಂಭವಿಸಿದೆ.

ಕಾರು ಮತ್ತು ಬೈಕು ಒಟ್ಟಿಗೆ ಸರ್ಕಲ್ ಮಧ್ಯಕ್ಕೆ ಬಂದಿವೆ. ಅಲ್ಲದೆ ವೇಗವಾಗಿದ್ದಿದ್ದು ಕೂಡ ಅಪಘಾತಕ್ಕೆ ಕಾರಣವಾಗಿದೆ.

ನಗರದ ಅತ್ಯಂತ ಡೇಂಜರ್ ಸರ್ಕಲ್

ಶಿವಮೊಗ್ಗ ನಗರದ ಪಾಲಿಗೆ ಮಹಾವೀರ ಸರ್ಕಲ್ ಅತ್ಯಂತ ಡೇಂಜರ್ ಸ್ಪಾಟ್ ಆಗಿದೆ. ಅತಿ ಹೆಚ್ಚು ಅಪಘಾತಗಳಿಗೆ ಈ ವೃತ್ತ ಸಾಕ್ಷಿಯಾಗಿದೆ. ಇಲ್ಲಿನ ಬಹುತೇಕ ಅಪಘಾತಗಳು ರಾತ್ರಿ ಅಥವಾ ಬೆಳಗಿನ ಜಾವವೇ ಸಂಭವಿಸಿವೆ.

ಸವಳಂಗ ರಸ್ತೆ ಅಗಲೀಕರಣಗೊಂಡು, ಮಹಾವೀರ ಸರ್ಕಲ್’ಗೆ ಡಿಜಿಟಲ್ ಸಿಗ್ನಲ್ ಅಳವಡಿಸಲಾಯಿತು. ಕೆಲವೇ ದಿನದಲ್ಲಿ ಚಾಲಕನ ನಿಯಂತ್ರಣ ತಪ್ಪಿದ ಲಾರಿ, ಸಿಗ್ನಲ್ ಕಂಬಕ್ಕೆ ಗುದ್ದಿ, ಗಾಂಧಿ ಪಾರ್ಕ್’ಗೆ ನುಗ್ಗಿತ್ತು. ಇದಾದ ಬಳಿಕ ಈ ಸರ್ಕಲ್’ನಲ್ಲಿ ಹಲವು ಅಪಘಾತ ಸಂಭವಿಸಿದೆ.

ಹೈ ಮಾಸ್ಕ್ ಲೈಟಿದೆ, ಸಿಗ್ನಲ್ ಇದೆ, ಆದರೂ..

‘ಬೆಳಗ್ಗೆ ಟ್ರಾಫಿಕ್ ಸಿಗ್ನಲ್ ಇರುತ್ತೆ ಮತ್ತು ಸರ್ಕಲ್’ನಲ್ಲಿ ಸದಾ ಪೊಲೀಸರು ಇರುತ್ತಾರೆ. ಹಾಗಾಗಿ ವಾಹನಗಳ ಸ್ಪೀಡ್ ಕಡಿಮೆ ಇರುತ್ತೆ. ರಾತ್ರಿಯಲ್ಲಿ ವಾಹನಗಳು ಕಡಿಮೆ. ಆದರೆ ಎಲ್ಲರು ಸ್ಪೀಡಾಗಿ ಬರುತ್ತಾರೆ. ಇದೇ ಅಪಘಾತಕ್ಕೆ ಕಾರಣ’ ಅಂತಾರೆ ಆಟೋ ಚಾಲಕ ರಂಗನಾಥ.

ಮಹಾವೀರ ಸರ್ಕಲ್’ನಲ್ಲಿ ಬಾಲರಾಜ ಅರಸ್ ರಸ್ತೆ ಮತ್ತು ಸವಳಂಗ ರಸ್ತೆ ಸೇರುತ್ತವೆ. ಇವೆರಡು ರಸ್ತೆಯಲ್ಲಿ 24 ಗಂಟೆಯು ವಾಹನ ಸಂಚಾರವಿರುತ್ತದೆ. ರಾತ್ರಿ ವೇಳೆ ವಾಹನಗಳು ವಿರಳ. ಅದರೆ ಸರ್ಕಲ್ ಸಮೀಪದಲ್ಲಿ ವಾಹನಗಳ ವೇಗ ತಗ್ಗವುದಿಲ್ಲ. ಇದೇ ಬಹುತೇಕ ಅಪಘಾತಗಳಿಗೆ ಕಾರಣ ಅನ್ನುತ್ತಾರೆ ಸಂಚಾರಿ ಪೊಲೀಸರು. ಈ ಸರ್ಕಲ್’ನಲ್ಲಿ ಹೈ ಮಾಸ್ಕ್ ಲೈಟ್’ಗಳಿವೆ, ಪ್ರತಿ ರಾತ್ರಿಯು ರೆಡ್ ಸಿಗ್ನಲ್ ಲೈಟ್ ಬ್ಲಿಂಕ್ ಆಗುತ್ತಲೆ ಇರುತ್ತದೆ. ಆದರು ಚಾಲಕರು ಮುಂಜಾಗ್ರತೆ ವಹಿಸುತ್ತಿಲ್ಲ. ಶುಕ್ರವಾರ ಬೆಳಗ್ಗೆ ಸಂಭವಿಸಿದ ಅಪಘಾತಕ್ಕೂ ಇದೇ ಕಾರಣವಾಗಿದೆ.

ಶಿವಮೊಗ್ಗ ಲೈವ್.ಕಾಂನಲ್ಲಿ ಸುದ್ದಿಗಾಗಿ ಕರೆ ಮಾಡಿ 9964634494

ವಾಟ್ಸಪ್ ನಂಬರ್ | 7411700200

ಈ ಮೇಲ್ ಐಡಿ | shivamoggalive@gmail.com

Mahaveera Circle in Shimoga has become the accident zone. Most of the Accidents here have occurred during night or the early morning.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ