SHIVAMOGGA LIVE NEWS | 3 FEBRUARY 2023
SHIMOGA : ಬಾಕಿ ಇರುವ ಟ್ರಾಫಿಕ್ ದಂಡ ಪಾವತಿಸಿದರೆ ಶೇ.50ರಷ್ಟು ರಿಯಾಯಿತಿ (Fine Discount) ನೀಡುವುದಾಗಿ ರಾಜ್ಯ ಸರ್ಕಾರ ತಿಳಿಸಿದೆ. ಫೆ.11ರವರೆಗೆ ಈ ಅವಕಾಶ ಕಲ್ಪಿಸಲಾಗಿದೆ. ಈ ಹಿನ್ನೆಲೆ ಶಿವಮೊಗ್ಗದಲ್ಲಿಯು ಬಾಕಿ ಇರುವ ದಂಡ ಕಟ್ಟಲು ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು ಪೊಲೀಸ್ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.
ಶಿವಮೊಗ್ಗದಲ್ಲಿ ಎಲ್ಲೆಲ್ಲಿ ದಂಡ ಕಟ್ಟಬಹುದು?
ಕರ್ನಾಟಕ ಒನ್ ವೆಬ್ ಸೈಟ್ : ವಾಹನದ ನೋಂದಣಿ ಸಂಖ್ಯೆ / ನೊಟೀಸ್ ನಂಬರ್ ನಮೂದಿಸಿ ವಿವರ ಪಡೆದು ಬಾಕಿ ಇರುವ ದಂಡ ಪಾವತಿ ಮಾಡಬಹುದು.
ಶಿವಮೊಗ್ಗ ಒನ್ ಕೇಂದ್ರ : ಇಲ್ಲಿಯು ಬಾಕಿ ಇರುವ ದಂಡ ಪಾವತಿ ಮಾಡಬಹುದು.
ಪಶ್ಚಿಮ ಸಂಚಾರ ಠಾಣೆ : ಶಿವಮೊಗ್ಗ ನಗರದ ಪಶ್ಚಿಮ ಸಂಚಾರ ಠಾಣೆಯ ಮೊದಲನೆ ಮಹಡಿಯಲ್ಲಿ ಟ್ರಾಫಿಕ್ ಆಟೋಮೇಷನ್ ಸೆಂಟರ್ ನಲ್ಲಿ ವಾಹನದ ನೋಂದಣಿ ಸಂಖ್ಯೆ ವಿವರ ನೀಡಿ ದಂಡ ಕಟ್ಟಬಹುದು.
ಸಂಚಾರ ಠಾಣೆ : ಹತ್ತಿರದ ಸಂಚಾರ ಪೊಲೀಸ್ ಠಾಣೆಗಳಿಗೆ ಭೇಟಿ ನೀಡಿ ವಾಹನದ ನೋಂದಣಿ ಸಂಖ್ಯೆ ನೀಡಿ ದಂಡ ಪಾವತಿ ಮಾಡಬಹುದು.
ಸಂಚಾರ ಪೊಲೀಸ್ : ಕರ್ತವ್ಯ ನಿರತ ಸಂಚಾರ ಠಾಣೆ ಎಎಸ್ಐ, ಪಿಎಸ್ಐ, ಸಿಪಿಐ ಬಳಿ ಟ್ರಾಫಿಕ್ ಸ್ಪಾಟ್ ಫೈನ್ ಡಿವೈಸ್ ಗಳಲ್ಲಿ ಬಾಕಿ ದಂಡ ಪಾವತಿಸಲು ಅವಕಾಶವಿದೆ. ದಂಡ ಕಟ್ಟಿ ರಶೀದಿ ಪಡೆಯಬಹುದು.
ಇದನ್ನೂ ಓದಿ – ಟ್ರಾಫಿಕ್ ಬಾಕಿ ದಂಡ ಶೇ.50ರಷ್ಟು ರಿಯಾಯಿತಿ, ಯಾರಿಗೆ ಈ ನಿಯಮ ಅನ್ವಯ? ಇಲ್ಲಿದೆ ಡಿಟೇಲ್ಸ್
ಹೆಚ್ಚಿನ ಮಾಹಿತಿಗೆ ಪೂರ್ವ ಸಂಚಾರ ಪೊಲೀಸ್ ಠಾಣೆ ದೂ. 08182 240666, ಪಶ್ಚಿಮ ಸಂಚಾರ ಠಾಣೆ ದೂ. 08182 261417, ಭದ್ರಾವತಿ ಸಂಚಾರ ಠಾಣೆ 08181 276314 ಸಂಪರ್ಕಿಸಬಹುದು.