ಶಿವಮೊಗ್ಗ ದಸರಾಗೆ ತಾರಾ ಮೆರಗು, ನಟಿ ಉಮಾಶ್ರೀ, ಭೀಮಾ ಖ್ಯಾತಿಯ ಪ್ರಿಯಾ ಕಣ್ತುಂಬಿಕೊಂಡ ಜನ

» ಉಮಾಶ್ರೀ, ನಟಿ, ಮಾಜಿ ಸಚಿವೆ

ಶಿಕ್ಷಣ ಮತ್ತು ಸಾಮಾಜಿಕವಾಗಿ ಶಿವಮೊಗ್ಗದ ಜನರು ವಿಶೇಷ ಮನಸ್ಥಿತಿ ಹೊಂದಿದ್ದಾರೆ. ಚಿತ್ರಮಂದಿರಗಳಲ್ಲಿ ಸಿನಿಮಾ ವೀಕ್ಷಿಸುವ ಅನುಭವ ಬೇರೆ. ಮನೆಯಲ್ಲಿ ಶಿಳ್ಳೆ, ಚಪ್ಪಾಳೆ ಬೀಳುವುದಿಲ್ಲ. ಹಾಗಾಗಿ ಚಿತ್ರಮಂದಿರಗಳಲ್ಲಿ ಸಿನಿಮಾ ನೋಡುವಂತಾಗಬೇಕು. ಉತ್ತಮ ಚಿತ್ರಗಳನ್ನು ನೀಡಿದರೆ ಪ್ರೇಕ್ಷಕರು ಖಂಡಿತ ವೀಕ್ಷಿಸುತ್ತಾರೆ. ಕನ್ನಡದ ಮಕ್ಕಳಿಗೆ ರಂಗಭೂಮಿ, ಕನ್ನಡ ಸಿನಿಮಾ ವೀಕ್ಷಿಸುವಂತೆ ಮಾಡಬೇಕು. ಬರಿ ನೆಟ್‌ಫ್ಲಿಕ್ಸ್, ಅಮೇಜಾನ್ ಪ್ರೈಮ್‌ನಲ್ಲಿ ಪರ ಭಾಷೆ ಸಿನಿಮಾ ಮಾತ್ರ ವೀಕ್ಷಿಸುವಂತೆ ಆಗಬಾರದು‌. ಕನ್ನಡದ ಸಾಂಸ್ಕೃತಿಕ ನೆಲೆಗಟ್ಟನ್ನು ತಿಳಿಸುವಂತೆ ಆಗಬೇಕು.

» ಪ್ರಿಯಾ ಶಠಮರ್ಷಣ್‌, ಭೀಮಾ ಖ್ಯಾತಿಯ ನಟಿ

ಮೈಸೂರು ನನ್ನ ತವರು. ಶಿವಮೊಗ್ಗ ಗಂಡನ ಮನೆ. ಎರಡೂ ಕಡೆ ಸಡಗರದ ದಸರಾ ನಡೆಯುತ್ತದೆ. ಇದು ಅತ್ಯಂತ ಖುಷಿ. ಶಿವಮೊಗ್ಗದ ಜನರು ನಿರ್ಭಯವಾಗಿ ಮಾತನಾಡುತ್ತಾರೆ. ಪಕ್ವತೆಗು ಹೆಸರಾಗಿದೆ.

ಇದೇ ವೇಳೆ ನಟಿ ಶಠಮರ್ಷಣ್‌ ಅವರು ಭೀಮಾ ಸಿನಿಮಾ ಡೈಲಾಗ್‌ ಮತ್ತು ರಂಗಗೀತೆ ಹಾಡಿ ಸಭೀಕರನ್ನು ರಂಜಿಸಿದರು.

» ಅವಿನಾಶ್‌ ಶಠಮರ್ಷಣ್‌, ನಟ, ರಂಗಭೂಮಿ ಕಲಾವಿದ

ಶಿವಮೊಗ್ಗದ ಮೆಗ್ಗಾನ್‌ ಆಸ್ಪತ್ರೆಯಲ್ಲಿ ಹುಟ್ಟಿದವನು ನಾನು. ಇಲ್ಲಿಯೇ ಓಡಾಡಿಕೊಂಡು ಇದ್ದೆ. ಭಾಷೆ, ಕಲೆ, ಸಾಹಿತ್ಯದಲ್ಲಿ ಮೈಸೂರು, ಶಿವಮೊಗ್ಗದಲ್ಲಿ ಒಂದೇ ಬಗೆಯ ಒಲವಿದೆ. ಶಿವಮೊಗ್ಗ ಅಂದರೆ ನನಗೆ ಕೋಟೆ ದೇಗುಲ, ಆಂಜನೇಯ ಸದಾ ನೆನಪಾಗುತ್ತದೆ.