ಶಿವಮೊಗ್ಗ ಲೈವ್.ಕಾಂ | SHIMOGA NEWS | 15 ನವೆಂಬರ್ 2021
ಜಿಲ್ಲೆಯಲ್ಲಿ ಇವತ್ತೂ ಭಾರಿ ಮಳೆ ಸಾಧ್ಯತೆ ಇದೆ. ಭಾರತೀಯ ಹವಾಮಾನ ಇಲಾಖೆಯು ಶಿವಮೊಗ್ಗ ಜಿಲ್ಲೆಯಲ್ಲಿ ಆರೆಂಜ್ ಅಲರ್ಟ್ ಘೋಷಣೆ ಮಾಡಿದೆ.
ಶಿವಮೊಗ್ಗ ಜಿಲ್ಲೆಯಾದ್ಯಂತ ಮಿಂಚು, ಗುಡುಗು ಸಹಿತಿ ಭಾರಿ ಮಳೆ ಸುರಿಯಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಇದೆ ಕಾರಣಕ್ಕೆ ಈವರೆಗೂ ಯಲ್ಲೋ ಅಲರ್ಟ್ ವ್ಯಾಪ್ತಿಯಲ್ಲಿದ್ದ ಶಿವಮೊಗ್ಗ ಜಿಲ್ಲೆ ಇವತ್ತು ಆರೆಂಜ್ ಅಲರ್ಟ್ ವ್ಯಾಪ್ತಿಗೆ ಬಂದಿದೆ.
ಏನಿದು ಆರೆಂಜ್ ಅಲರ್ಟ್?
ಹವಾಮಾನ ಇಲಾಖೆಯು ಮಳೆ ಪ್ರಮಾಣ ಆಧರಿಸಿ ಅಲರ್ಟ್ ಘೋಷಿಸುತ್ತದೆ. ಕಡಿಮೆ ಮಳೆ ಮತ್ತು ಭಾರಿ ಮಳೆಗೆ ಭಿನ್ನವಾದ ಬಣ್ಣ ಸೂಚಸಲಾಗುತ್ತದೆ. 24 ಗಂಟೆ ಅವಧಿಯಲ್ಲಿ 70 ಮಿ.ಮೀ.ಗಿಂತಲೂ ಕಡಿಮೆ ಮಳೆಯಾದರೆ ಅದನ್ನು ಹಸಿರು ಅಲರ್ಟ್ ಎಂದು ಘೋಷಿಸಲಾಗುತ್ತದೆ. 115.5 ಮಿ.ಮೀ ವರೆಗೆ ಮಳೆಯಾದರೆ ಯಲ್ಲೋ ಅಲರ್ಟ್, 204 ಮಿ.ಮೀ.ವರೆಗೆ ಆರೆಂಜ್ ಅಲರ್ಟ್, ಇದಕ್ಕಿಂತಲೂ ಹೆಚ್ಚಿಗೆ ಮಳೆಯಾಗುವುದಾದರೆ ರೆಡ್ ಅಲರ್ಟ್ ಘೋಷಣೆ ಮಾಡಲಾಗುತ್ತದೆ.