ಶಿವಮೊಗ್ಗದ ಲೈವ್.ಕಾಂ | SHIMOGA NEWS | 27 ಫೆಬ್ರವರಿ 2022
ನಿಷೇಧಾಜ್ಞೆ ಸಡಿಲಗೊಂಡ ಹಿನ್ನೆಲೆ ಎರಡನೆ ದಿನವು ಶಿವಮೊಗ್ಗ ನಗರದಲ್ಲಿ ಜನ ಜೀವನ ಸಹಜ ಸ್ಥಿತಿಗೆ ಮರಳಿದೆ. ಅಗತ್ಯ ವಸ್ತುಗಳ ಖರೀದಿಗೆ ಬಿರುಸುಗೊಂಡಿದೆ.
ಬೆಳಗ್ಗೆ 6 ಗಂಟೆಯಿಂದ ನಿಷೇಧಾಜ್ಞೆಗೆ ರಿಲೀಫ್ ನೀಡಲಾಗಿದೆ. ಹೂವು, ಹಣ್ಣು, ತರಕಾರಿ, ದಿನಸಿ ಖರೀದಿ ಮಾಡುತ್ತಿದ್ದಾರೆ. ಭಾನುವಾರ ಆಗಿರುವುದರಿಂದ ಮೀನು, ಮಾಂಸ ಖರೀದಿ ಕೂಡ ಜೋರಿದೆ. ಸಂಜೆ 4 ಗಂಟೆಗೆ ಪುನಃ ನಿಷೇಧಾಜ್ಞೆ ಜಾರಿಗೊಳ್ಳಲಿದೆ. ಆದ್ದರಿಂದ ಮೀನು, ಮಾಂಸ ಖರೀದಿಗೆ ಬೆಳಗ್ಗೆಯಿಂದಲೆ ಜನ ಹೆಚ್ಚಿಗೆ ಸೇರಿದ್ದಾರೆ.
ಕೆಲವು ಸಿಟಿ ಬಸ್ಸುಗಳು ಇವತ್ತು ರಸ್ತೆಗಿಳಿದಿವೆ. ಆಟೋ, ಟ್ರಾಕ್ಸ್, ಕೆಎಸ್ಆರ್’ಟಿಸಿ ಮತ್ತು ಖಾಸಗಿ ಬಸ್ಸುಗಳ ಸಂಚಾರ ಎಂದಿನಂತೆ ಇದೆ.