ಶಿವಮೊಗ್ಗದ ಲೈವ್.ಕಾಂ | SHIMOGA NEWS | 16 ಫೆಬ್ರವರಿ 2022
ಶಿವಮೊಗ್ಗದ ಸರ್ಜಿ ಆಸ್ಪತ್ರೆ ಬಳಿ ನಿಲ್ಲಿಸಿದ್ದ ಬೈಕ್’ನಲ್ಲಿ ಹಾವು ಕಾಣಿಸಿಕೊಂಡಿದೆ. ಸ್ಥಳಕ್ಕೆ ಆಗಮಿಸಿದ ಸ್ನೇಕ್ ಕಿರಣ್ ಅವರು ಮೂರುವರೆ ಅಡಿ ಉದ್ದದ ಹಸಿರು ಹಾವನ್ನು ರಕ್ಷಣೆ ಮಾಡಿದ್ದಾರೆ.
ಸಹಕಾರ ನಗರದ ವಾಸಿ ಪ್ರವೀಣ್ ಜವಳಿ ಎಂಬುವವರು ಸರ್ಜಿ ಆಸ್ಪತ್ರೆ ಬಳಿ ಬಂದಾಗ ಬೈಕ್’ನಲ್ಲಿ ಹಾವು ಸೇರಿಕೊಂಡಿರುವುದು ಗೊತ್ತಾಗಿದೆ. ಕೂಡಲೆ ಸ್ನೇಕ್ ಕಿರಣ್ ಅವರಿಗೆ ಮಾಹಿತಿ ನೀಡಿದ್ದಾರೆ.
ಬೈಕ್’ನ ಮುಂಬದಿಯ ಮಾಸ್ಕ್’ನಲ್ಲಿ ಹಾವು ಅವಿತಿತ್ತು. ಮೆಕಾನಿಕ್ ನೆರವಿನಲ್ಲಿ ಮಾಸ್ಕ್ ಬಿಚ್ಚಿಸಿದ ಸ್ನೇಕ್ ಕಿರಣ್, ಹಸಿರು ಹಾವನ್ನು ರಕ್ಷಣೆ ಮಾಡಿದ್ದಾರೆ. ಅಲ್ಲದೆ ಹಾವಿನ ಕುರಿತು ಸ್ಥಳೀಯರಿಗೆ ಮಾಹಿತಿ ನೀಡಿದ್ದಾರೆ.