ಚಕ್ರ, ಮಾಣಿ, ಮಾಸ್ತಿಕಟ್ಟೆ ವ್ಯಾಪ್ತಿಯಲ್ಲಿ ಮಳೆ ಚುರುಕು, ಎಲ್ಲೆಲ್ಲಿ ಎಷ್ಟು ಮಳೆಯಾಗಿದೆ? ಡ್ಯಾಂಗಳಿಗೆ ಒಳ ಹರಿವು ಎಷ್ಟಿದೆ?

SHIVAMOGGA LIVE | 8 JULY 2023

HOSANAGARA : ತಾಲೂಕಿನ ಚಕ್ರ, ಮಾಣಿ, ಮಾಸ್ತಿಕಟ್ಟೆ ವ್ಯಾಪ್ತಿಯಲ್ಲಿ ಉತ್ತಮ ಮಳೆಯಾಗಿದೆ (Rain). ಒಂದೇ ದಿನ 90 ಮಿ.ಮೀ.ಗಿಂತಲೂ ಹೆಚ್ಚಿನ ಪ್ರಮಾಣದ ಮಳೆಯಾಗಿದೆ. ಈ ವ್ಯಾಪ್ತಿಯಲ್ಲಿರುವ ಜಲಾಶಯಗಳಿಗೆ ನೀರಿನ ಒಳ ಹರಿವು ಏರಿಕೆಯಾಗಿದೆ.

ಎಲ್ಲೆಲ್ಲಿ ಎಷ್ಟು ಮಳೆಯಾಗಿದೆ?

ಕಳೆದ 24 ಗಂಟೆ ಅವಧಿಯಲ್ಲಿ ಮಾಣಿ ಜಲಾಶಯ ವ್ಯಾಪ್ತಿಯಲ್ಲಿ 92 ಮಿ.ಮೀ, ಯಡೂರು ವ್ಯಾಪ್ತಿಯಲ್ಲಿ 86 ಮಿ.ಮೀ, ಹುಲಿಕಲ್‌ ವ್ಯಾಪ್ತಿಯಲ್ಲಿ 81 ಮಿ.ಮೀ, ಮಾಸ್ತಿಕಟ್ಟೆ ವ್ಯಾಪ್ತಿಯಲ್ಲಿ 90 ಮಿ.ಮೀ, ಚಕ್ರ ವ್ಯಾಪ್ತಿಯಲ್ಲಿ 98 ಮಿ.ಮೀ, ಸಾವೆಹಕ್ಲುವಿನಲ್ಲಿ 80 ಮಿ.ಮೀ ಮಳೆಯಾಗಿದೆ.

ಡ್ಯಾಂಗಳಿಗೆ ಒಳ ಹರಿವು ಹೆಚ್ಚಳ

ಮಳೆ (Rain) ಹೆಚ್ಚಳದಿಂದಾಗಿ ಮಾಣಿ, ಪಿಕ್‌ಅಪ್‌, ಚಕ್ರ ಮತು ಸಾವೆಹಕ್ಲು ಡ್ಯಾಂಗಳಿಗೆ ಒಳ ಹರಿವು ಏರಿಕೆಯಾಗಿದೆ.

ಮಾಣಿ ಜಲಾಶಯಕ್ಕೆ 2725 ಕ್ಯೂಸೆಕ್‌ ಒಳ ಹರಿವು ಇದೆ. ನೀರಿನ ಮಟ್ಟ 572.24 ಎಂಎಸ್‌ಎಲ್‌ಗೆ ತಲುಪಿದೆ. ಕಳೆದ ವರ್ಷ ಈ ದಿನ ನೀರಿನ ಮಟ್ಟ 576.24 ಎಂಎಸ್‌ಎಲ್‌ ಇತ್ತು.

ಪಿಕ್‌ಅಪ್‌ ಡ್ಯಾಂಗೆ 543 ಕ್ಯೂಸೆಕ್‌ ಒಳ ಹರಿವು ಇದೆ. ಪ್ರಸ್ತುತ ನೀರಿನ ಮಟ್ಟ 562.10 ಎಂಎಸ್‌ಎಲ್‌ ಇದೆ. 969 ಕ್ಯೂಸೆಕ್‌ ಹೊರ ಹರಿವು ಇದೆ.

ಇದನ್ನೂ ಓದಿ – ಶಾಲೆಗಳಿಗೆ ರಜೆ ವಿಚಾರ, ವೈರಲ್‌ ಆಯ್ತು ತಪ್ಪು ಸಂದೇಶ, ವಾಸ್ತವದಲ್ಲಿ ಶಿಕ್ಷಣ ಇಲಾಖೆ ಘೋಷಿಸಿದ್ದೇನು?

ಚಕ್ರ ಜಲಾಶಯ 1157 ಕ್ಯೂಸೆಕ್ ಒಳ ಹರಿವು ಇದೆ. ಇವತ್ತು ನೀರಿನ ಮಟ್ಟ 566.66 ಎಂಎಸ್‌ಎಲ್‌ ಇದೆ. ಕಳೆದ ವರ್ಷ ಈ ದಿನ ನೀರಿನ ಮಟ್ಟ 574.62 ಎಂಎಸ್‌ಎಲ್‌ ಇತ್ತು.

ಸಾವೆಹಕ್ಲು ಡ್ಯಾಂಗೆ 1368 ಕ್ಯೂಸೆಕ್‌ ಒಳ ಹರಿವು ಇದ್ದು, ನೀರಿನ ಮಟ್ಟ 574.30 ಎಂಎಸ್‌ಎಲ್‌ ಇದೆ.