ಸಂಜೆ ಟಾರ್ಪಲ್ ಮುಚ್ಚಿ, ಬೆಳಗ್ಗೆ ಬಂದು ತೆಗೆದಾಗ ಅಡಕೆ ಬೆಳೆಗಾರನಿಗೆ ಕಾದಿತ್ತು ಶಾಕ್, ಠಾಣೆಗೆ ದೌಡು

Published : January 10, 2023 at 8:30 AM IST

SHIVAMOGGA LIVE NEWS |10 JANUARY 2023

ಸೊರಬ : ಮನೆಯೊಂದರ ಟೆರೇಸ್ ಮೇಲೆ ಒಣಗಿಸಲು ಹಾಕಿದ್ದ ಅಡಕೆ (adike theft) ಕಳ್ಳತನವಾಗಿದೆ. ಪಟ್ಟಣದ ರಾಜೀವ್ ನಗರದಲ್ಲಿ ಘಟನೆ ಸಂಭವಿಸಿದೆ.

Soraba-Police-Station

ನಡಹಳ್ಳಿ ಗ್ರಾಮದ ರಾಜೀವ್ ಎಂಬುವವರು ತಮ್ಮ ತೋಟದಲ್ಲಿ ಬೆಳೆದ ಅಡಕೆಯನ್ನು (adike theft) ಬೇಯಿಸಿ, ರಾಜೀವ್ ನಗರದ ಮನೆಯ ಟೆರೇಸ್ ಮೇಲೆ ಒಣಗಿಸಿದ್ದರು. ಜ.4ರಂದು ಸಂಜೆ ಅಡಕೆಗೆ ಟಾರ್ಪಲ್ ಮುಚ್ಚಿದ್ದರು. ಮರುದಿನ ಬೆಳಗ್ಗೆ ಬಂದು ಟಾರ್ಪಲ್ ತೆಗೆದಾಗ ಅಡಕೆ ನಾಪತ್ತೆಯಾಗಿತ್ತು.

ಇದನ್ನೂ ಓದಿ – ಅಡಕೆ ಧಾರಣೆ | 9 ಜನವರಿ 2023 | ಚೇತರಿಕೆಯತ್ತ ರಾಶಿ ಅಡಕೆ ರೇಟ್

70 ಸಾವಿರ ರೂ. ಮೌಲ್ಯದ ಸುಮಾರು 1.60 ಕ್ವಿಂಟಾಲ್ ಅಡಕೆ ಕಳ್ಳತನವಾಗಿದೆ ಎಂದು ರಾಜೀವ್ ದೂರಿನಲ್ಲಿ ಆರೋಪಿಸಿದ್ದಾರೆ. ಸೊರಬ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ನಡೆಯುತ್ತಿದೆ.