ಶಿವಮೊಗ್ಗ ಲೈವ್.ಕಾಂ | SHIMOGA NEWS | 30 ಜೂನ್ 2020

ಶಿವಮೊಗ್ಗ ಜಿಲ್ಲೆಯಲ್ಲಿ ಮತ್ತೆ ಐವರಿಗೆ ಕರೋನ ಸೋಂಕು ಕಾಣಿಸಿಕೊಂಡಿದೆ. ಇವರಿಗೆಲ್ಲ ಸೋಂಕು ತಗುಲಲು ಒಂದೇ ಕಾರಣವಾಗಿರುವುದು, ಜಿಲ್ಲೆಯಲ್ಲಿ ಆತಂಕ ಹೆಚ್ಚಿಸಿದೆ.

ಯಾರಿಗೆಲ್ಲ ಸೋಂಕು ತಗುಲಿದೆ?

ಶಿವಮೊಗ್ಗದ ರಾಜೇಂದ್ರನಗರದ 71 ಮತ್ತು 64 ವರ್ಷದ ವೃದ್ಧ ದಂಪತಿಗೆ ಸೋಂಕು ತಗುಲಿದೆ. ಇನ್ನು, ಗಾಡಿಕೊಪ್ಪದ 34 ವರ್ಷದ ಯುವಕ, ಭರ್ಮಪ್ಪನಗರದ 29 ವರ್ಷದ ಮಹಿಳೆ ಮತ್ತು ಪಿಡಬ್ಲುಡಿ ಕ್ವಾರ್ಟರ್ಸ್‍ ರಸ್ತೆಯ 49 ವರ್ಷದ ಪುರುಷನಲ್ಲಿ ಸೋಂಕು ಕಾಣಿಸಿಕೊಂಡಿದೆ.

ಒಂದೇ ಮೂಲದಿಂದ ಸೋಂಕು

ಐವರು ಸೋಂಕಿತರಿಗೂ ಒಂದೇ ಮೂಲದಿಂದ ಕರೋನ ಸೋಂಕು ತಗುಲಿರುವುದು ದೃಢವಾಗಿದೆ. ಇವರಿಗೆಲ್ಲ ಟ್ರಾವಲ್ ಹಿಸ್ಟರಿ ಇರುವುದು ಖಚಿತವಾಗಿದೆ. ಎಲ್ಲರೂ ಬೆಂಗಳೂರಿಗೆ ಹೋಗಿ ಹಿಂತಿರುಗಿದ್ದರು ಎಂದು ತಿಳಿದು ಬಂದಿದೆ. ಬೆಂಗಳೂರಿನಿಂದ ಮರಳುತ್ತಿದ್ದಂತೆ ಆರೋಗ್ಯದಲ್ಲಿ ವ್ಯತ್ಯಾಸ ಕಾಣಿಸಿಕೊಂಡಿದೆ. ಚಿಕಿತ್ಸೆಗೆ ಹೋಗಿದ್ದಾಗ ಕರೋನ ಪರೀಕ್ಷೆ ಮಾಡಲಾಗಿದ್ದು, ಪಾಸಿಟಿವ್ ಬಂದಿದೆ. ಕೂಡಲೇ ಎಲ್ಲರನ್ನು ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಶಿವಮೊಗ್ಗ ಲೈವ್.ಕಾಂನಲ್ಲಿ ಸುದ್ದಿಗಾಗಿ ಕರೆ ಮಾಡಿ 9964634494

ವಾಟ್ಸಪ್ ನಂಬರ್ | 7411700200

ಈ ಮೇಲ್ ಐಡಿ | [email protected]