SHIVAMOGGA LIVE NEWS | 10 JUNE 2024
ಸುದ್ದಿಯ ಮುಂದಿನ ಭಾಗ ಕೆಳಗಿದೆ
SHIMOGA : ಹಣ ಕೊಡದಿದ್ದರೆ ಖಾಸಗಿ ಫೋಟೊವನ್ನು (Photo) ಕುಟುಂಬದವರು, ಉದ್ಯೋಗಿಗಳಿಗೆ ಕಳುಹಿಸುವುದಾಗಿ ಉದ್ಯಮಿಯೊಬ್ಬರಿಗೆ (ಹೆಸರು ಗೌಪ್ಯ) ಬೆದರಿಕೆ ಒಡ್ಡಲಾಗಿದೆ. ಅಪರಿಚಿತ ನಂಬರ್ನಿಂದ ಉದ್ಯಮಿಯ ವಾಟ್ಸಪ್ಗೆ ಫೋಟೊ ಬಂದಿತ್ತು. ಡೌನ್ ಲೋಡ್ ಮಾಡಿದಾಗ ಅದು ಅವರ ಖಾಸಗಿ ಫೋಟೊ ಎಂಬುದು ಗೊತ್ತಾಗಿತ್ತು. ತಕ್ಷಣ ಆ ಫೋಟೊವನ್ನು ಡಿಲೀಟ್ ಮಾಡಲಾಗಿದೆ.
ಇದನ್ನೂ ಓದಿ – ಶಿವಮೊಗ್ಗದಲ್ಲಿ ವೇಶ್ಯಾವಾಟಿಕೆ, ಮನೆ ಮೇಲೆ ಪೊಲೀಸ್ ದಾಳಿ
ಡೀಲ್ಗೆ ಒಪ್ಪದೆ ಇದ್ದರೆ ಖಾಸಗಿ ಫೋಟೊ ಮತ್ತು ವಿಡಿಯೋವನ್ನು ಉದ್ಯಮಿಯ ಕುಟುಂಬದವರು, ಉದ್ಯೋಗಿಗಳಿಗೆ ಕಳುಹಿಸುವುದಾಗಿ ಬೆದರಿಕೆ ಒಡ್ಡಲಾಗಿದೆ. ಆ ನಂತರ ನ್ಯೂಸ್ ಚಾನಲ್ನಲ್ಲಿ ವರದಿ ಪ್ರಕಟವಾಗಿರುವ ಮಾದರಿ ಬ್ರೇಕಿಂಗ್ ನ್ಯೂಸ್ ಎಂದು ಎಡಿಟ್ ಮಾಡಿ ವಾಟ್ಸಪ್ನಲ್ಲಿ ಕಳುಹಿಸಲಾಗಿದೆ ಎಂದು ಆರೋಪಿಸಲಾಗಿದೆ. ಘಟನೆ ಸಂಬಂಧ ಉದ್ಯಮಿ ಶಿವಮೊಗ್ಗದ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
Messenger
WhatsApp