ಶಿವಮೊಗ್ಗ ಜಿಲ್ಲೆಗೆ ಮತ್ತೆ ರೆಡ್‌ ಅಲರ್ಟ್‌, ಕಳೆದ 24 ಗಂಟೆಯಲ್ಲಿ ಎಲ್ಲೆಲ್ಲಿ ಎಷ್ಟಾಗಿದೆ ಮಳೆ?

Published : July 19, 2024 at 6:20 PM IST

SHIVAMOGGA LIVE NEWS | 19 JULY 2024

RAINFALL NEWS : ಶಿವಮೊಗ್ಗ ಜಿಲ್ಲೆಯಾದ್ಯಂತ ಮಳೆ ಮುಂದುವರೆದಿದೆ. ಕಳೆದ 24 ಗಂಟೆಯಲ್ಲಿ ಸರಾಸರಿ 68.31 ಮಿ.ಮೀ ಮಳೆಯಾಗಿದೆ. ಇನ್ನೊಂದೆಡೆ, ಜು.20ರಂದು ರೆಡ್‌ ಅಲರ್ಟ್‌ (Red Alert) ಪ್ರಕಟಿಸಲಾಗಿದೆ.

ಎಲ್ಲೆಲ್ಲಿ ಎಷ್ಟು ಮಳೆಯಾಗಿದೆ?

ಶಿವಮೊಗ್ಗದಲ್ಲಿ 37.80 ಮಿ.ಮಿ., ಭದ್ರಾವತಿಯಲ್ಲಿ 27.10 ಮಿ.ಮಿ., ತೀರ್ಥಹಳ್ಳಿಯಲ್ಲಿ 83.60 ಮಿ.ಮಿ., ಸಾಗರ 97.20 ಮಿ.ಮಿ., ಶಿಕಾರಿಪುರದಲ್ಲಿ 52.60 ಮಿ.ಮಿ., ಸೊರಬದಲ್ಲಿ 77.40 ಮಿ.ಮಿ., ಹೊಸನಗರದಲ್ಲಿ 102.50 ಮಿ.ಮಿ. ಮಳೆಯಾಗಿದೆ.

ನಾಳೆಯೂ ರೆಡ್‌ ಅಲರ್ಟ್‌

ಶಿವಮೊಗ್ಗ ಜಿಲ್ಲೆಯಾದ್ಯಂತ ಪುನರ್ವಸು ಮಳೆ ಅಬ್ಬರ ಮುಂದುವರೆದಿದೆ. ಕಳೆದ ನಾಲ್ಕು ದಿನದಿಂದ ಹವಾಮಾನ ಇಲಾಖೆ ರೆಡ್‌ ಅಲರ್ಟ್‌ ಪ್ರಕಟಿಸಿತ್ತು. ಜು.20ರಂದು ಪುನಃ ರೆಡ್‌ ಅಲರ್ಟ್‌ ಘೋಷಿಸಲಾಗಿದೆ. ಉತ್ತರ ಕನ್ನಡ, ಉಡುಪಿ, ದಕ್ಷಿಣ ಕನ್ನಡ, ಶಿವಮೊಗ್ಗ, ಚಿಕ್ಕಮಗಳೂರು, ಕೊಡಗು ಜಿಲ್ಲೆಗಳಲ್ಲಿ ರೆಡ್‌ ಅಲರ್ಟ್‌ ಘೋಷಿಸಲಾಗಿದೆ. ಹಾಸನದಲ್ಲಿ ಆರೆಂಜ್‌ ಅಲರ್ಟ್‌ ಇದೆ.