ದೇಶದ ಟಾಪ್‌ 10 ನಗರಗಳ ಪಟ್ಟಿಯಲ್ಲಿ ಶಿವಮೊಗ್ಗಕ್ಕೆ 6ನೇ ಸ್ಥಾನ, ಮೈಸೂರು, ಬೆಂಗಳೂರಿಗಿಂತಲು ಉತ್ತಮ

ನವದೆಹಲಿ: ಭಾರತದ ಟಾಪ್‌ 10 (Top 10 Cities) ಸ್ವಚ್ಛ ಗಾಳಿಯ ನಗರದಲ್ಲಿ ಕರ್ನಾಟಕದ 6 ನಗರಗಳು ಸ್ಥಾನ ಪಡೆದಿವೆ. ಈ ಪೈಕಿ ಶಿವಮೊಗ್ಗ ಸಿಟಿ ಟಾಪ್‌ 6ರಲ್ಲಿ ಇದೆ.

ಸೆಂಟರ್‌ ಫಾರ್‌ ರಿಸರ್ಚ್‌ ಆನ್‌ ಎನರ್ಜಿ ಆಂಡ್‌ ಕ್ಲೀನ್‌ ಏರ್‌ (CREA) ನವೆಂಬರ್‌ 2025ರ ವರದಿ ಬಿಡುಗಡೆ ಮಾಡಿದೆ. ಇದರಲ್ಲಿ ಸ್ವಚ್ಛ ಗಾಳಿ ಮತ್ತು ಕುಲುಷಿತ ವಾತಾವರಣ ಹೊಂದಿರುವ ಟಾಪ್‌ 10 ನಗರಗಳನ್ನು ಗುರುತಿಸಲಾಗಿದೆ. ಈ ಪೈಕಿ, ಕರ್ನಾಟಕದ ಆರು ನಗರಗಳಲ್ಲಿ ಕಳೆದ ತಿಂಗಳು ಸ್ವಚ್ಛ ಗಾಳಿ ಇತ್ತು ಎಂದು ತಿಳಿಸಲಾಗಿದೆ.

ಟಾಪ್‌ 10 ಸ್ವಚ್ಛ ಗಾಳಿಯ ನಗರಗಳು

1. ಶಿಲ್ಲಾಂಗ್ (ಮೇಘಾಲಯ), 2. ಗ್ಯಾಂಗ್ಟಕ್ (ಸಿಕ್ಕಿಂ), 3. ಪಾಲ್ಕಲೈಪೆರೂರ್ (ತಮಿಳುನಾಡು), 4. ಕೊಪ್ಪಳ (ಕರ್ನಾಟಕ), 5. ಚಾಮರಾಜನಗರ (ಕರ್ನಾಟಕ), 6. ಶಿವಮೊಗ್ಗ (ಕರ್ನಾಟಕ), 7. ತಿರುವನಂತಪುರಂ (ಕೇರಳ), 8. ಗದಗ (ಕರ್ನಾಟಕ), 9. ಮೈಸೂರು (ಕರ್ನಾಟಕ), 10. ಬಾಗಲಕೋಟೆ (ಕರ್ನಾಟಕ).

ಇದನ್ನೂ ಓದಿ » ಕೋಟೆ ದೇವಸ್ಥಾನದಲ್ಲಿ 30 ದಿನ ಸೀತಾಕಲ್ಯಾಣ ಶತಮಾನೋತ್ಸವ, ಏನೇನೆಲ್ಲ ಕಾರ್ಯಕ್ರಮ ಇರಲಿದೆ?

225 ನಗರಗಳಲ್ಲಿ ಸಮೀಕ್ಷೆ

ಭಾರತದ 225 ನಗರಗಳನ್ನು ಪರಿಗಣಿಸಲಾಗಿತ್ತು. ಅದರಲ್ಲಿ 114 ನಗರಗಳು ಉತ್ತಮ ವಾಯು ಮಾನದಂಡ ಪೂರೈಸಿದೆ. ಉಳಿದ ನಗರಗಳಲ್ಲಿ (Top 10 Cities) ಉಸಿರಾಡಲು ಉತ್ತಮ ಗಾಳಿ (Air Pollution) ಇಲ್ಲ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಉತ್ತರ ಪ್ರದೇಶದ ಗಾಜಿಯಾಬಾದ್ ದೇಶದ ಅತಿ ಕಲುಷಿತ ನಗರವಾಗಿದೆ. ನೋಯ್ಡಾ, ಬಹಾದ್ದೂರ್‌ಗಢ, ದೆಹಲಿ, ಹಾಪುರ್, ಗ್ರೇಟರ್ ನೋಯ್ಡಾ, ಬಾಘಪತ್, ಸೋನಿಪತ್, ಮೇರಠ್‌, ರೋಹ್ಟಕ್ ಟಾಪ್‌ 10 ಕಲುಷಿತ ಗಾಳಿ ಹೊಂದಿರುವ ನಗರಗಳಾಗಿವೆ.

ಶಿವಮೊಗ್ಗದ ಗಾಳಿ ಹೇಗಿದೆ?

ಸ್ವಚ್ಛ ಗಾಳಿ ಹೊಂದಿರುವ ನಗರಗಳ ಪೈಕಿ ದೇಶದ 225 ನಗರಗಳ ಪೈಕಿ ಶಿವಮೊಗ್ಗ ನಗರ ಟಾಪ್‌ 6ನೇ ಸ್ಥಾನದಲ್ಲಿದೆ. ವಾಯು ಗುಣಮಟ್ಟ ಸೂಚ್ಯಂಕದಲ್ಲಿ (AIR QUALITY INDEX) ಶಿವಮೊಗ್ಗ ನಗರ 30 ಪಾಯಿಂಟ್‌ ಹೊಂದಿದೆ. ಇದು ಕನಿಷ್ಠ ಅಥವಾ ಯಾವುದೇ ಅಪಾಯವಿಲ್ಲದ ಗಾಳಿ ಎಂದು ಸೂಚಿಸುತ್ತದೆ ಎಂದು CREA ವರದಿಯಲ್ಲಿ ತಿಳಿಸಿದೆ. ಶುದ್ಧ ಗಾಳಿ ಹೊಂದಿರವ ಟಾಪ್‌ 1 ನಗರ ಶಿಲ್ಲಾಂಗ್‌ನ ವಾಯು ಗುಣಮಟ್ಟ ಸೂಚ್ಯಂಕ 24 ಪಾಯಿಂಟ್‌ ಇದೆ. ಇನ್ನು, ಕಲುಷಿತ ನಗರಗಳ ಸೂಚ್ಯಂಕ 61 ರಿಂದ 90 ಪಾಯಿಂಟ್‌ಗಳಲ್ಲಿದೆ. ಇವುಗಳಿಗೆ ಹೋಲಿಸಿದರೆ ಶಿವಮೊಗ್ಗ ನಗರದಲ್ಲಿ ಸ್ವಚ್ಛ ಮತ್ತು ಶುದ್ಧ ಗಾಳಿ ಇದೆ.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ