ಇನ್ಮುಂದೆ ಶಿವಮೊಗ್ಗ ತಿರುಪತಿ ರೈಲು 2 ದಿನಕ್ಕೆ ವಿಸ್ತರಣೆ, ಯಾವ್ಯಾವತ್ತು ಶಿವಮೊಗ್ಗದಿಂದ ಹೊರಡತ್ತೆ? ಸೇವೆ ಅರಂಭ ಯಾವಾಗ ಗೊತ್ತಾ?

ಶಿವಮೊಗ್ಗ ಲೈವ್.ಕಾಂ | SHIMOGA | 3 ಜನವರಿ 2020

ತಿರುಪತಿಗೆ ಸಂಪರ್ಕ ಕಲ್ಪಿಸುವ ಶಿವಮೊಗ್ಗ – ರೇಣಿಗುಂಟ ರೈಲು ಒಂದು ದಿನದ ಬದಲು ಇನ್ಮುಂದೆ ಎರಡು ದಿನ ಶಿವಮೊಗ್ಗದಿಂದ ಸಂಚರಿಸಲಿದೆ. ಈ ಕುರಿತು ರೈಲ್ವೆ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಕಳೆದ ನವೆಂಬರ್’ನಲ್ಲಿ ಶಿವಮೊಗ್ಗ – ರೇಣಿಗುಂಟ – ಶಿವಮೊಗ್ಗ ರೈಲು ಸೇವೆ ಆರಂಭವಾಗಿತ್ತು. ವಾರದಲ್ಲಿ ಒಂದು ದಿನಕ್ಕಷ್ಟೇ ರೈಲು ಸಂಚಾರ ಸೀಮಿತವಾಗಿತ್ತು. ಪ್ರತಿ ಬುಧವಾರ ಶಿವಮೊಗ್ಗದಿಂದ ರೇಣಿಗುಂಟಕ್ಕೆ ತೆರಳಿ ಬುಧವಾರ ಬೆಳಗ್ಗೆ ಹಿಂತಿರುಗುತಿತ್ತು. ಈಗ ಇದನ್ನು ಎರಡು ದಿನಕ್ಕೆ ವಿಸ್ತರಿಸಲಾಗಿದೆ.

ಇನ್ಮುಂದೆ ಬುಧವಾರ ಮತ್ತು ಗುರುವಾರ ಎರಡು ದಿನವು ಶಿವಮೊಗ್ಗದಿಂದ ರೈಲುಗಳು ತೆರಳಲಿವೆ. ಈ ಸೇವೆ ಜನವರಿ 9ರಿಂದ ಆರಂಭವಾಗಲಿದೆ ಎಂದು ನೈಋತ್ಯ ರೈಲ್ವೆಯ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 2020ರ ಆಗಸ್ಟ್ 20ರವರೆಗೆ ಈ ಸೇವೆ ಇರಲಿದೆ ಎಂದು ತಿಳಿಸಲಾಗಿದೆ.

ಶಿವಮೊಗ್ಗದಿಂದ ಎಷ್ಟೊತ್ತಿಗೆ ಹೊರಡುತ್ತೆ?

ಶಿವಮೊಗ್ಗ ಬೆಳಗ್ಗೆ 6.15ಕ್ಕೆ, ಭದ್ರಾವತಿ ಬೆಳಗ್ಗೆ 6.28, ತರೀಕೆರೆ ಬೆಳಗ್ಗೆ 6.49, ಬೀರೂರು ಬೆಳಗ್ಗೆ 7.15, ಅಜ್ಜಂಪುರ ಬೆಳಗ್ಗೆ 7.46, ಹೊಸದುರ್ಗ ರೋಡ್ ಬೆಳಗ್ಗೆ 8.16, ಚಿಕ್ಕಜಾಜೂರು ಬೆಳಗ್ಗೆ 8.43, ಚಿತ್ರದುರ್ಗ ಬೆಳಗ್ಗೆ 9.26, ಮೊಳಕಾಲ್ಮೂರು ಬೆಳಗ್ಗೆ 11, ರಾಯದುರ್ಗ ಬೆಳಗ್ಗೆ 11.29, ಬಳ್ಳಾರಿ ಮಧ್ಯಾಹ್ನ 1.10, ಗುಂಟಕಲ್ ಮಧ್ಯಾಹ್ನ 2.05, ಗೂಟಿ ಮಧ್ಯಾಹ್ನ 2.25, ತಡಿಪಾತ್ರಿ ಮಧ್ಯಾಹ್ನ 3.24, ಕೊಂಡಾಪುರಂ ಸಂಜೆ 4, ಯರ್ರಾಗುಂಟ್ಲಾ ಸಂಜೆ 4.40, ಕುಡ್ಡಾಪ ಸಂಜೆ 5.28, ರಾಜಂಪೇಟಾ ಸಂಜೆ 6.30, ರೇಣಿಗುಂಟಾ ರಾತ್ರಿ 8.05.

ರೇಣಿಗುಂಟಾದಿಂದ ಹಿಂತಿರುವುದು ಎಷ್ಟೊತ್ತಿಗೆ?

ರೇಣಿಗುಂಟಾ 9.45, ರಾಜಂಪೇಟಾ 10.56, ಕುಡ್ಡಾಪ 11.50, ಯರ್ರಾಗುಂಟ್ಲಾ 12.25, ಕೊಂಡಾಪುರಂ 1.07, ತಡಿಪಾತ್ರಿ 1.35, ಗೂಟಿ 2.25, ಗುಂಟಕಲ್ 3.10, ಬಳ್ಳಾರಿ 4.450, ರಾಯದುರ್ಗ 6.15, ಮೊಳಕಾಲ್ಮೂರು 6.31, ಚಿತ್ರದುರ್ಗ 8, ಚಿಕ್ಕಜಾಜೂರು 8.45, ಹೊಸದುರ್ಗ ರೋಡ್ 9.02, ಅಜ್ಜಂಪುರ 9.19, ಬೀರೂರು 9.40, ತರೀಕೆರೆ 10.39, ಭದ್ರಾವತಿ 11, ಶಿವಮೊಗ್ಗ ಬೆಳಗ್ಗೆ 11.45ಕ್ಕೆ ತಲುಪಲಿದೆ.

ಶಿವಮೊಗ್ಗ ರೇಣಿಗುಂಟ ರೈಲಿನಲ್ಲಿ 2 ಟೈರ್ ಒಂದು ಎಸಿ ಕೋಚ್, 3 ಟೈರ್ ಒಂದು ಎಸಿ ಕೋಚ್, ಏಳು ಸೆಕೆಂಡ್ ಕ್ಲಾಸ್ ಸ್ಲೀಪರ್ ಕೋಚ್, ಮೂರು ಸೆಕೆಂಡ್ ಕ್ಲಾಸ್ ಜನರಲ್ ಕೋಚ್, ಎರಡು ಲಗೇಜ್ ಮತ್ತು ಸೆಕೆಂಡ್ ಕ್ಲಾಶ್ ಬ್ರೇಕ್ ವ್ಯಾನ್ ಕೋಚ್ ಇರಲಿದೆ.

ಈ ಮೇಲ್ ಐಡಿ | shivamoggalive@gmail.com

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ