ಟ್ರ್ಯಾಕ್ಟರ್‌ ಚಾಲಕರ ನಿರ್ಲಕ್ಷ್ಯ, ಪ್ರತ್ಯೇಕ ಕೇಸ್‌ಗಳಲ್ಲಿ 2 ಸಾವು, ಹೊಳಲೂರು, ಹೊಳೆಬೆನವಳ್ಳಿಯಲ್ಲಿ ಪ್ರಕರಣ

SHIVAMOGGA LIVE NEWS | 30 NOVEMBER 2023

ಹೊಳಲೂರಿನಲ್ಲಿ ಟ್ರಾಕ್ಟರ್‌ಗೆ ಡಿಕ್ಕಿ, ಬೈಕ್‌ ಸವಾರ ಸಾವು

SHIMOGA : ಹೊಳಲೂರಿನಲ್ಲಿ ನಿಲ್ಲಿಸಿದ್ದ ಟ್ರಾಕ್ಟರ್‌ಗೆ ಹಿಂಬದಿಯಿಂದ ಬೈಕ್‌ ಡಿಕ್ಕಿಯಾಗಿ (mishap) ಸವಾರ ಮೃತಪಟ್ಟಿದ್ದಾರೆ. ಹರಿಹರದ ಕೊಕ್ಕನೂರಿನ ಆಂಜನೇಯ (45) ಮೃತ ದುರ್ದೈವಿ. ಸನ್ಯಾಸಿ ಕೊಡಮಗ್ಗಿ ಗ್ರಾಮದಲ್ಲಿ ಅಡಿಕೆ ಖೇಣಿ ಕೆಲಸಕ್ಕೆ ಆಂಜನೇಯ ಬಂದಿದ್ದರು. ನ.25ರ ರಾತ್ರಿ ಕೆಲಸ ಮುಗಿಸಿ ತಮ್ಮೂರಿಗೆ ಬೈಕಿನಲ್ಲಿ ತೆರಳುತ್ತಿದ್ದಾಗ ಘಟನೆ ಸಂಭವಿಸಿದೆ. ಟ್ರಾಕ್ಟರ್‌ಗೆ ಪಾರ್ಕಿಂಗ್‌ ಲೈಟ್‌ ಹಾಕದೆ ನಿಲ್ಲಿಸಿದ್ದರಿಂದ ಆಂಜನೇಯ ಅವರ ಬೈಕ್‌ ಡಿಕ್ಕಿಯಾಗಿದೆ ಎಂದು ಆರೋಪಿಸಲಾಗಿದೆ. ತಲೆಗೆ ತೀವ್ರ ಪೆಟ್ಟು ಬಿದ್ದು ಅಸುನೀಗಿದ್ದಾರೆ. ಶಿವಮೊಗ್ಗ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ- ಹಸುಗಳು ಹಿಂತಿರುಗುತ್ತಿಲ್ಲ, ಜಮೀನಿನಲ್ಲಿ ಬೆಳೆ ಉಳಿಯುತ್ತಿಲ್ಲ, ಹೊರಗೆ ಓಡಾಡಲು ಜನರಿಗೆ ಜೀವ ಭಯ

ಹೊಳೆಬೆನವಳ್ಳಿಯಲ್ಲಿ ಟ್ರಾಕ್ಟರ್‌ ಡಿಕ್ಕಿ, ಬೈಕ್‌ ಸವಾರ ಸಾವು

SHIMOGA : ಟ್ರಾಕ್ಟರ್‌ ಡಿಕ್ಕಿಯಾಗಿ (mishap) ಗಂಭೀರ ಗಾಯಗೊಂಡಿದ್ದ ದ್ವಿಚಕ್ರ ವಾಹನ ಸವಾರ ಮೃತಪಟ್ಟಿದ್ದಾರೆ. ಹೊಸಮನೆ ತಾಂಡಾದ ರೇವಾನಾಯ್ಕ (61) ಮೃತ ದುರ್ದೈವಿ. ರೇವಾನಾಯ್ಕ ಅವರು ನ.23ರ ಸಂಜೆ ಹೊಳೆಬೆನವಳ್ಳಿಯಿಂದ ಟಿವಿಎಸ್‌ ಎಕ್ಸೆಲ್‌ನಲ್ಲಿ ತಮ್ಮೂರಿಗೆ ತೆರಳುತ್ತಿದ್ದರು. ಎದುರಿನಿಂದ ಬಂದ ಟ್ರಾಕ್ಟರ್‌ ಟಿವಿಎಸ್‌ ಎಕ್ಸೆಲ್‌ಗೆ ಡಿಕ್ಕಿ ಹೊಡೆದಿದೆ. ಗಂಭೀರ ಗಾಯಗೊಂಡಿದ್ದ ರೇವಾನಾಯ್ಕ ಅವರು ನ.25ರಂದು ಮೃತಪಟ್ಟಿದ್ದಾರೆ. ಈ ಹಿನ್ನೆಲೆ ಟ್ರಾಕ್ಟರ್‌ ಮಾಲೀಕ ಮತ್ತು ಚಾಲಕನ ವಿರುದ್ಧ ಶಿವಮೊಗ್ಗ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.