ಶಿವಮೊಗ್ಗ: ನಗರದ ನ್ಯೂ ಮಂಡ್ಲಿಯ ಮಿಲಾನ್ ಶಾದಿ ಮಹಲ್ ಹಿಂಭಾಗದ ಮನೆಯೊಂದರ ಬೀಗ ಮುರಿದು ಒಳಗಿದ್ದ ₹1.45 ಲಕ್ಷ ಮೌಲ್ಯದ ಚಿನ್ನಾಭರಣ ಕಳ್ಳತನ ಮಾಡಿರುವ ಘಟನೆ ನಡೆದಿದೆ. ➤ ಸುದ್ದಿಯ ಮುಂದಿನ 3 ಪ್ಯಾರಾಗಳು ಕೆಳಗಿವೆ.
ಇಲ್ಲಿನ ನಿವಾಸಿ ಸೈಯದ್ ಸಿದ್ದಿಕಾ (39) ಎಂಬುವರ ಮನೆಯಲ್ಲಿ ಕಳ್ಳತನವಾಗಿದೆ. ಸೈಯದ್ ಸಿದ್ದಿಕಾ ಅವರು ತಮ್ಮ ಮಕ್ಕಳು ಜೊತೆಗೆ ತಾಯಿಯ ಮನೆಗೆ ಹೋಗಿದ್ದರು. ಮರುದಿನ ಅಂದರೆ ಸಂಜೆ ಮನೆಗೆ ವಾಪಸ್ಸಾದಾಗ ಬಾಗಿಲಿನ ಬೀಗ ಮುರಿದಿರುವುದು ಬೆಳಕಿಗೆ ಬಂದಿದೆ.
##ಏನೇನೆಲ್ಲ ಕಳ್ಳತನವಾಗಿದೆ?
ಕಳ್ಳರು ಬಾಗಿಲಿನ ಚಿಲಕ ಮುರಿದು ಒಳನುಗ್ಗಿರುವ ಕಳ್ಳರು, ಹಾಲ್ನಲ್ಲಿದ್ದ ಬೀರುವಿನ ಬಾಗಿಲು ತೆರೆದಿದ್ದಾರೆ. ಅದರಲ್ಲಿದ್ದ ₹45 ಸಾವಿರ ಮೌಲ್ಯದ 16 ಗ್ರಾಂ ತೂಕದ ಒಂದು ತಾಳಿ ಚೈನ್, ತಲಾ ₹30 ಸಾವಿರ ಮೌಲ್ಯದ ಮೂರು ಜೋಡಿ ಕಿವಿ ಓಲೆ ಮತ್ತು 11.5 ಗ್ರಾಂನ ಮತ್ತೊಂದು ಜೊತೆ ಓಲೆ, ₹20 ಸಾವಿರ ಮೌಲ್ಯದ 8 ಗ್ರಾಂ ತೂಕದ ಲಾಕೆಟ್ ಇರುವ ತಾಳಿ ಚೈನ್ ಹಾಗೂ ₹20 ಸಾವಿರ ಮೌಲ್ಯದ 6 ಗ್ರಾಂ ತೂಕದ ಮೂರು ಚಿನ್ನದ ಉಂಗುರಗಳು ಸೇರಿದಂತೆ ಒಟ್ಟು 51.5 ಗ್ರಾಂ ಚಿನ್ನಾಭರಣಗಳನ್ನು ಕಳವು ಮಾಡಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಘಟನೆ ಸಂಬಂಧ ದೊಡ್ಡಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Messenger
WhatsApp