ಶಿವಮೊಗ್ಗ: ಯೂಟ್ಯೂಬ್ನಲ್ಲಿ ಫರ್ನಿಚರ್ ಶೋರೂಮ್ ಜಾಹೀರಾತು ವೀಕ್ಷಿಸಿ ಡ್ರೆಸ್ಸಿಂಗ್ ಟೇಬಲ್ ಬುಕ್ ಮಾಡಿದ ಮಹಿಳೆಯೊಬ್ಬರು ₹1,70,000 ಹಣ ಕಳೆದುಕೊಂಡಿದ್ದಾರೆ.
ಶಿವಮೊಗ್ಗ ಜಿಲ್ಲೆಯ ಮಹಿಳೆಯೊಬ್ಬರು ಆಗಸ್ಟ್ 22 ರಂದು ಮೊಬೈಲ್ನಲ್ಲಿ ಪೀಠೋಪಕರಣಗಳ ಯುಟ್ಯೂಬ್ ವೀಡಿಯೊಗಳನ್ನು ವೀಕ್ಷಿಸುತ್ತಿದ್ದರು. ಈ ವೇಳೆ ವಾಟ್ಸಾಪ್ ಮೂಲಕ ಬುಕಿಂಗ್ ಮಾಡುವಂತೆ ನಂಬರ್ ನೀಡಲಾಗಿತ್ತು. ಇದನ್ನು ನಂಬಿ ಮಹಿಳೆ ಡ್ರೆಸ್ಸಿಂಗ್ ಟೇಬಲ್ ಸ್ಕ್ರೀನ್ಶಾಟ್ ಕಳುಹಿಸಿ ಬೆಲೆ ವಿಚಾರಿಸಿದರು. ₹3,500 ಎಂದು ತಿಳಿಸಿ ಶೇ.50ರಷ್ಟು ಮುಂಗಡ ಹಣ ಹಾಕುವಂತೆ ಸ್ಕ್ಯಾನರ್ ಕಳುಹಿಸಿದ್ದರು ಎಂದು ಆರೋಪಿಸಲಾಗಿದೆ.
ನಂತರ ಆರ್ಡರ್ ಬುಕ್ ಆಗಲು ಪೂರ್ಣ ಹಣ ಹಾಕಬೇಕೆಂದು ತಿಳಿಸಲಾಗಿತ್ತು. ಆ ಬಳಿಕ ನಾನಾ ಕಾರಣಗಳನ್ನು ಹೇಳಿ ವಿವಿಧ ಹಂತಗಳಲ್ಲಿ ಹೆಚ್ಚುವರಿ ಹಣ ವರ್ಗಾಯಿಸಿಕೊಳ್ಳಲಾಗಿದೆ. ಅಲ್ಲದೆ ಹಣ ವಾಪಸ್ ನೀಡುವುದಾಗಿ ಮೆಸೇಜ್ಗಳನ್ನು ಕಳುಹಿಸಿ ಒಟ್ಟು ₹1,70,000 ಹಣವನ್ನು ಆನ್ಲೈನ್ ಮೂಲಕ ವರ್ಗಾವಣೆ ಮಾಡಿಸಿಕೊಂಡು ವಂಚಿಸಲಾಗಿದೆ ಎಂದು ಮಹಿಳೆ ಆರೋಪಿಸಿದ್ದಾರೆ. ಈ ಸಂಬಂಧ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Messenger
WhatsApp