ಶಾಲಾ ಬಸ್‌ ಡಿಕ್ಕಿಯಾಗಿ ಸೈಕಲ್‌ ಸಹಿತ ನಾಲೆಗೆ ಬಿದ್ದ ವ್ಯಕ್ತಿ

SHIVAMOGGA LIVE NEWS | 11 NOVEMBER 2023

SHIMOGA : ಶಾಲಾ ಬಸ್‌ (School Bus) ಡಿಕ್ಕಿಯಾಗಿ ಸೈಕಲ್‌ ಸವಾರರೊಬ್ಬರು ಕಾಲುವೆಗೆ ಬಿದ್ದು ಗಾಯಗೊಂಡಿದ್ದಾರೆ. ಶಿವಮೊಗ್ಗ ತಾಲೂಕಿನ ಮತ್ತೂರಿನಲ್ಲಿ ಘಟನೆ ಸಂಭವಿಸಿದೆ.

ಗಾಜನೂರು ಇಂದಿರಾನಗರದ ಪರಶುರಾಮ ಎಂಬುವವರು ಸೈಕಲ್‌ನಲ್ಲಿ ತೆರಳುತ್ತಿದ್ದಾಗ ಹಳೇಹೊನ್ನಾಪುರದಿಂದ ಮತ್ತೂರು ಕಡೆಗೆ ಬರುತ್ತಿದ್ದ ಶಾಲಾ ಬಸ್‌ ಡಿಕ್ಕಿ ಹೊಡೆದಿದೆ. ಅಪಘಾತದಲ್ಲಿ ಪರಶುರಾಮ ಅವರು ಸೈಕಲ್‌ ಸಹಿತ ಕಾಲುವೆಗೆ ಬಿದ್ದಿದ್ದಾರೆ. ಬಲಗಾಲು ಮತ್ತು ಸೊಂಟಕ್ಕೆ ಪೆಟ್ಟು ಬಿದ್ದಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಸ್ಥಳೀಯರು ಪರಶುರಾಮ ಅವರನ್ನು ಮೆಗ್ಗಾನ್‌ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ತುಂಗಾ ನಗರ ಠಾಣೆ ಶಾಲೆ ಬಸ್‌ ಚಾಲಕ ಸಮೀವುಲ್ಲಾ ಎಂಬಾತನ ವಿರುದ್ಧ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ- ರಾತ್ರೋರಾತ್ರಿ ಸ್ನೇಹಿತನ ಮನೆ ಮುಂದೆ ನಿಲ್ಲಿಸಿದ್ದ ಪಲ್ಸರ್‌ 220 ಬೈಕ್‌ ನಾಪತ್ತೆ