ಶಿವಮೊಗ್ಗ ಜಿಲ್ಲೆಯಲ್ಲಿ ನಿಲ್ಲದ ಕರೋನ ಸೋಂಕಿತರ ಸಾವು, ಇವತ್ತೆಷ್ಟು ಪಾಸಿಟಿವ್ ಕೇಸ್? ಗುಣ ಆದವರೆಷ್ಟು?

Published : June 18, 2021 at 7:56 PM IST

ಶಿವಮೊಗ್ಗ ಲೈವ್

Nammur News For Website 2 2

ಶಿವಮೊಗ್ಗ ಲೈವ್.ಕಾಂ | SHIMOGA NEWS | 18 JUNE 2021

ಶಿವಮೊಗ್ಗ ಜಿಲ್ಲೆಯಾದ್ಯಂತ ಕರೋನ ಸೋಂಕಿತರ ಪ್ರಮಾಣ ಸಂಪೂರ್ಣ ಕಡಿಮೆಯಾಗಿದೆ. ಜಿಲ್ಲಾಡಳಿತ ಇವತ್ತು ಬಿಡುಗಡೆ ಮಾಡಿರುವ ಕೋವಿಡ್ ರಿಪೋರ್ಟ್‍ ಪ್ರಕಾರ, ಇವತ್ತು 195 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ.

ಇವತ್ತು 4783 ಮಂದಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಈ ಪೈಕಿ 3896 ಮಂದಿಯಲ್ಲಿ ನೆಗೆಟಿವ್ ಬಂದಿದೆ. 195 ಮಂದಿಗೆ ಸೋಂಕು ದೃಢವಾಗಿದೆ.

ಇನ್ನು, ಸೋಂಕಿತರ ಪೈಕಿ ಶಿವಮೊಗ್ಗ ತಾಲೂಕಿನ 87 ಮಂದಿ ಇದ್ದಾರೆ. ಭದ್ರಾವತಿಯ 54, ತೀರ್ಥಹಳ್ಳಿಯ 16, ಶಿಕಾರಿಪುರದ 11, ಸಾಗರದ 6, ಹೊಸನಗರದ 8, ಸೊರಬದ 6, ಇತರೆ ಜಿಲ್ಲೆಯ 7 ಮಂದಿ ಇದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಮತ್ತೊಂದೆಡೆ ಕೋವಿಡ್‍ನಿಂದ ಗುಣವಾಗಿ 724 ಮಂದಿಗೆ ಆಸ್ಪತ್ರೆ ಮತ್ತು ಕೋವಿಡ್ ಕೇರ್ ಸೆಂಟರ್‍ನಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಇದರಿಂದ ಸಕ್ರಿಯ ಪ್ರಕರಣಗಳ ಸಂಖ್ಯೆ 3158ಕ್ಕೆ ಇಳಿಕೆಯಾಗಿದೆ.

ಸೋಂಕಿಗೆ ತುತ್ತಾಗಿದ್ದ ಐವರು ಇವತ್ತು ಮೃತಪಟ್ಟಿದ್ದಾರೆ. ಇದರಿಂದ ಜಿಲ್ಲೆಯಲ್ಲಿ ಕರೋನ ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ 937ಕ್ಕೆ ಏರಿಕೆಯಾಗಿದೆ.