ಶಿವಮೊಗ್ಗ ಲೈವ್.ಕಾಂ
ಶಿವಮೊಗ್ಗ ಜಿಲ್ಲೆಯ ನಂಬರ್ 1 ಸುದ್ದಿ ಮಾಧ್ಯಮ
SHIVAMOGGA LIVE NEWS | 17 JANUARY 2023
SHIMOGA | ಹುಡುಗಿ ವಿಚಾರವಾಗಿ ನಡು ರಸ್ತೆಯಲ್ಲೇ ಸ್ಟೀಲ್ ಪೈಪಿನಿಂದ ಯುವಕನೊಬ್ಬನ ತಲೆ, ಕಾಲಿಗೆ ಹೊಡೆದು ಹಲ್ಲೆ (attack) ನಡೆಸಲಾಗಿದೆ. ಶಿವಮೊಗ್ಗದ ಬೆಂಕಿ ನಗರದಲ್ಲಿ ಘಟನೆ ಸಂಭವಿಸಿದೆ.
ನಿರಂಜನ್ (24) ಎಂಬಾತನ ಮೇಲೆ ಬೆಂಕಿ ನಗರದ ಸಮುದಾಯ ಭವನದ ಬಳಿ ದಾಳಿಯಾಗಿದೆ. ರಾತ್ರಿ ಊಟದ ಬಳಿಕ ನಿರಂಜನ್ ಮನೆಯಿಂದ ಸ್ವಲ್ಪ ದೂರಕ್ಕೆ ವಾಕಿಂಗ್ ಮಾಡಲು ಬಂದಿದ್ದ. ಆಗ ಅಲ್ಲಿಗೆ ಬೈಕಿನಲ್ಲಿ ಬಂದ ಇಬ್ಬರು, ‘ಇನ್ನೊಂದು ಸರ್ತಿ ಆ ಹುಡುಗಿ ವಿಚಾರಕ್ಕೆ ಹೋಗಬೇಡ’ ಎಂದು ಎಚ್ಚರಿಕೆ ಕೊಟ್ಟಿದ್ದಾರೆ. ಅಲ್ಲಿಂದ ಬೈಕಿನಲ್ಲಿ ಮರಳಿ ಹೋಗಿದ್ದಾರೆ. ಸ್ವಲ್ಪ ದೂರ ಹೋಗಿ ಹಿಂತಿರುಗಿ ಬಂದ ಇಬ್ಬರು, ಹಿಂಬದಿಯಿಂದ ನಿರಂಜನ್ ಕುತ್ತಿಗೆ ಹಿಡಿದುಕೊಂಡಿದ್ದಾರೆ.
ಇದನ್ನೂ ಓದಿ – ಶಿವಮೊಗ್ಗದಲ್ಲಿ ಹಿಂದೆ ಮುಂದೆ ನೋಡದೆ ಕಾರು ಬಾಗಿಲು ತೆಗೆದ ಚಾಲಕನಿಗೆ ಈಗ ಸಂಕಷ್ಟ
ತಮ್ಮ ಬಳಿ ಇದ್ದ ಸ್ಟೀಲ್ ರಾಡ್ ಒಂದರಿಂದ ತಲೆಗೆ ಹೊಡೆದಿದ್ದಾರೆ (attack). ನಿರಂಜನ್ ಕೆಳಗೆ ಬೀಳುತ್ತಿದ್ದಂತೆ ಕಾಲಿನ ಮೇಲೂ ಹೊಡೆದಿದ್ದಾರೆ ಎಂದು ಆರೋಪಿಸಲಾಗಿದೆ. ಅಷ್ಟು ಹೊತ್ತಿಗೆ ಸ್ಥಳೀಯರು ಬಂದಿದ್ದನ್ನು ಗಮನಿಸಿ ಸ್ಟೀಲ್ ರಾಡ್ ಬಿಸಾಡಿ ಇಬ್ಬರು ಪರಾರಿಯಾಗಿದ್ದಾರೆ. ಗಾಯಗೊಂಡಿದ್ದ ನಿರಂಜನ್ ನನ್ನು ಮೆಗ್ಗಾನ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
ಘಟನೆ ಸಂಬಂಧ ವಿನೋಬನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
CLICK HERE TO JOIN SHIVAMOGGA LIVE WHATSAPP GROUP ಈಗ ಸುಲಭಕ್ಕೆ ಸಿಗಲಿದೆ ಸಾಲ ತುರ್ತು ಸಾಲದ ಅವಶ್ಯಕತೆ ಇದೆಯೇ? ಶಿವಮೊಗ್ಗದಲ್ಲಿ ಗೃಹ ನಿರ್ಮಾಣ ಸಾಲ ಮತ್ತು ಇತರೆ ಸಾಲಗಳು ಸುಲಭಕ್ಕೆ ಸಿಗಲಿದೆ. ಕೂಡಲೆ ಕರೆ ಮಾಡಿ 9972194422
