ಶಿವಮೊಗ್ಗದ ಲೈವ್.ಕಾಂ |  SHIMOGA NEWS |  22 ಡಿಸೆಂಬರ್ 2021

ಶಿವಮೊಗ್ಗ ಮೆಡಿಕಲ್ ಕಾಲೇಜಿನ ಅಸೋಸಿಯೇಟೆಡ್ ಪ್ರೊಫೆಸರ್ ಡಾ.ಹೇಮಾಮೋಹನ್ ಅವರಿಗೆ ರಾಜ್ಯಸರಕಾರ ಉತ್ತಮ ವೈದ್ಯೆ ಪ್ರಶಸ್ತಿ ಪ್ರದಾನ ಮಾಡಿದೆ.

ಬೆಳಗಾವಿಯಲ್ಲಿ ನಡೆದ ಸಮಾರಂಭದಲ್ಲಿ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಹಾಗೂ ಆರೋಗ್ಯ ಸಚಿವರ ಸಮ್ಮುಖದಲ್ಲಿ ಈ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಡಾ. ಹೇಮಾ ಮೋಹನ್ ಅವರು ಶಿವಮೊಗ್ಗ ಮೆಡಿಕಲ್ ಕಾಲೇಜಿನ ಹೆಚ್.ಐ.ವಿ. ವಿಭಾಗದ ಮುಖ್ಯ ವೈದ್ಯಾಧಿಕಾರಿಯೂ ಆಗಿದ್ದು, ಹೆಚ್ಐವಿ ಪೀಡಿತ ಗರ್ಭಿಣಿಗೆ ನೀಡಿದ್ದ ಚಿಕಿತ್ಸೆಗಾಗಿ ಈ ಪ್ರಶಸ್ತಿಗೆ ಅವರನ್ನು ಆಯ್ಕೆ ಮಾಡಲಾಗಿದೆ. ರಾಜ್ಯ ಸರಕಾರ ರಾಜ್ಯದ ಮೂವರು ಉತ್ತಮ ಸರಕಾರಿ ವೈದ್ಯರನ್ನು ಈ ಪ್ರಶಸ್ತಿಗೆ ಆಯ್ಕೆ ಮಾಡಿದ್ದು, ಅದರಲ್ಲಿ ಡಾ.ಹೇಮಾಮೋಹನ್ ಆಯ್ಕೆಯಾಗಿರುವುದು ಶಿವಮೊಗ್ಗಕ್ಕೆ ತಂದ ಗೌರವವಾಗಿದೆ.

ಹೇಮಾಮೋಹನ್ ಅವರು ಶಿವಮೊಗ್ಗದ ಹಿರಿಯ ವೈದ್ಯ ಡಾ.ವೆಂಕಟಗಿರಿಯಪ್ಪ ಅವರ ಸೊಸೆಯಾಗಿದ್ದಾರೆ. ಹೇಮಾ ಮೋಹನ್ ಅವರ ಸಾಧನೆಗೆ ಶಿವಮೊಗ್ಗ ಮೆಡಿಕಲ್ ಕಾಲೇಜು ಆಡಳಿತ ಮಂಡಳಿ ಅಭಿನಂದಿಸಿದೆ.