ಶಿವಮೊಗ್ಗ ಲೈವ್.ಕಾಂ | SHIMOGA NEWS | 15 FEBRUARY 2021

ಸದಾ ಗಂಭೀರವಾಗಿರುತ್ತಿದ್ದ ಮುಖ್ಯಮಂತ್ರಿ ಯಡಿಯೂರಪ್ಪ ಇವತ್ತು ಹಸನ್ಮುಖಿಯಾಗಿ ಕಂಡರು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಸಿಎಂ, ಎಲ್ಲೆಡೆ ಲವಲವಿಕೆಯಿಂದ ಇದ್ದರು. ಇದು ಪಕ್ಷದ ಕಾರ್ಯಕರ್ತರು, ಅಧಿಕಾರಿಗಳು, ಜನರನ್ನು ಸೆಳೆಯಿತು.

ಮನೆಯಲ್ಲಿ ಜನರ ಭೇಟಿ

ಶಿಕಾರಿಪುರಕ್ಕೆ ಬಂದಾಗ ಯಡಿಯೂರಪ್ಪ ಅವರು ಜನರ ಅಹವಾಲು ಅಲಿಸುತ್ತಾರೆ. ಮನವಿಗಳನ್ನು ಸ್ವೀಕರಿಸುತ್ತಾರೆ. ಇವತ್ತು ಕೂಡ ಮನವಿಗಳನ್ನು ಸ್ವೀಕರಿಸಿದರು. ಆಗಲೂ ಜನರೊಟ್ಟಿಗೆ ಖುಷಿಯಿಂದಲೇ ಮಾತನಾಡಿದರು.

ಕಾರ್ಯಕ್ರಮಗಳಲ್ಲಿ ಫುಲ್ ಹಸನ್ಮುಖಿ

ಇನ್ನು, ವಿಜಯಪುರ ವಿಮಾನ ನಿಲ್ದಾಣ ಕಾಮಗಾರಿ ಶಂಕುಸ್ಥಾಪನೆ ಸಮಾರಂಭ, ಶಿವಮೊಗ್ಗ ಜಿಲ್ಲೆಯಲ್ಲಿ ಮೂರು ರೈಲ್ವೆ ಮೇಲ್ಸೇತುವೆ ಶಂಕುಸ್ಥಾಪನೆ ಕಾರ್ಯಕ್ರಮಗಳಲ್ಲಿ ಸಿಎಂ ಸಂಪೂರ್ಣ ಹಸನ್ಮುಖಿಯಾಗಿ ಕಂಡರು. ಅದರಲ್ಲೂ ಸಂಸದ ಬಿ.ವೈ.ರಾಘವೇಂದ್ರ ಅವರ ಭಾಷಣ, ವಿಧಾನ ಪರಿಷತ್ ಸದಸ್ಯ ಆಯನೂರು ಮಂಜುನಾಥ್, ಭದ್ರಾವತಿ ಶಾಸಕ ಸಂಗಮೇಶ್ವರ ಅವರು ಮಾತನಾಡುವಾಗ ಹಾಸ್ಯ ಚಟಾಕಿ ಹಾರಿಸಿದಾಗ ಮನಪೂರ್ವಕವಾಗಿ ನಕ್ಕರು.

ರಿಲ್ಯಾಕ್ಸ್ ಮೂಡ್‍ನಲ್ಲಿ ಸಿಎಂ

ಸರ್ಕಾರಿ ಕಾರ್ಯಕ್ರಮಗಳು, ಸಭೆಗಳ ನಡುವೆ ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ತವರು ಜಿಲ್ಲೆಗೆ ಬರುತ್ತಿದ್ದಂತೆ ರಿಲ್ಯಾಕ್ಸ್ ಮೂಡ್‍ನಲ್ಲಿದ್ದಾರೆ. ಖಾಸಗಿ ಕಾರ್ಯಕ್ರಮ ಇರುವುದರಿಂದ ಕುಟುಂಬದವರು, ನೆಂಟರು, ಇಷ್ಟರು ಮನೆಗೆ ಆಗಮಿಸಿದ್ದಾರೆ. ಮಂಗಳವಾರ ಇಡೀ ದಿನ ಖಾಸಗಿ ಕಾರ್ಯಕ್ರಮದಲ್ಲಿ ಸಿಎಂ ಭಾಗಿಯಾಗುತ್ತಿದ್ದಾರೆ.

ಇದನ್ನೂ ಓದಿ | SHIMOGA | ಬೈಕು, ಟಿವಿ ಇದ್ದರೆ ಬಿಪಿಎಲ್ ಕಾರ್ಡು ರದ್ದು, ಸಚಿವರ ಹೇಳಿಕೆಗೆ ಸಿಎಂ ಹೇಳಿದ್ದೇನು?

ಇದನ್ನೂ ಓದಿ | SHIMOGA | 116 ಕೋಟಿಯ ಮೂರು ರೈಲ್ವೆ ಮೇಲ್ಸೇತುವೆ ಕಾಮಗಾರಿಗೆ ಸಿಕ್ತು ಚಾಲನೆ

ಇದನ್ನೂ ಓದಿ | 220 ಕೋಟಿಯ ವಿಮಾನ ನಿಲ್ದಾಣ ಕಾಮಗಾರಿಗೆ ಶಿವಮೊಗ್ಗದಲ್ಲಿ ಸಿಎಂ ಚಾಲನೆ

ಶಿವಮೊಗ್ಗ ಲೈವ್‍ಗೆ ಸುದ್ದಿ ನೀಡಲು ಕರೆ ಮಾಡಿ 9964634494

ವಾಟ್ಸಪ್‍ನಲ್ಲಿ ಸುದ್ದಿಗಾಗಿ 7411700200

ಶಿವಮೊಗ್ಗ ಲೈವ್ ಈ ಮೇಲ್ [email protected]