AIDS DAY| ಶಿವಮೊಗ್ಗದಲ್ಲಿ ಕಡಿಮೆಯಾಗ್ತಿದೆ HIV ಪಾಸಿಟಿವ್ ಕೇಸ್, ಯಾವ್ಯಾವ ತಾಲೂಕಲ್ಲಿ ಸೋಂಕಿತರ ಸಂಖ್ಯೆ ಎಷ್ಟಿದೆ ಗೊತ್ತಾ?

ಶಿವಮೊಗ್ಗ ಲೈವ್.ಕಾಂ | SHIMOGA | 01 ಡಿಸೆಂಬರ್ 2019

ಶಿವಮೊಗ್ಗ ಜಿಲ್ಲೆಯಾದ್ಯಂತ ಹೆಚ್ಐವಿ ಪಾಸಿಟಿವ್ ಪ್ರಕರಣಗಳಲ್ಲಿ ಗಣನೀಯ ಇಳಿಕೆ ಕಂಡಿದೆ. ಹಾಗಾಗಿ ಜಿಲ್ಲಾ ಏಡ್ಸ್ ತಡೆ ಮತ್ತು ನಿಯಂತ್ರಣ ಘಟಕವನ್ನು ಸರ್ಕಾರ ಅತ್ಯುತ್ತಮ ಘಟಕ ಎಂದು ಘೋಷಿಸಿದೆ.

ನಿರಂತರ ಜಾಗೃತಿ ಕಾರ್ಯಕ್ರಮಗಳಿಂದಾಗಿ ಜಿಲ್ಲೆಯಾದ್ಯಂತ ಏಡ್ಸ್’ಗೆ ತುತ್ತಾಗುತ್ತಿರುವವ ಸಂಖ್ಯೆಯಲ್ಲಿ ಇಳಿಕೆಯಾಗುತ್ತಿದೆ. ಅಲ್ಲದೆ ಹೆಚ್ಐವಿ ಪಾಸಿಟಿವ್’ನಿಂದ ಸಾವನ್ನಪ್ಪುತ್ತಿರುವವರ ಪ್ರಮಾಣವು ತಗ್ಗಿದೆ.

ಶಿವಮೊಗ್ಗದಲ್ಲಿ ಎಷ್ಟಿತ್ತು ಏಡ್ಸ್ ಪ್ರಮಾಣ?

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮತ್ತು ರಾಜ್ಯ ಏಡ್ಸ್‌ ನಿಯಂತ್ರಣ ಸಂಸ್ಥೆ ಮಾಹಿತಿ ಪ್ರಕಾರ, ಶಿವಮೊಗ್ಗದಲ್ಲಿ 1987 ರಿಂದ 2002ರ ನಡುವೆ 1,170 ಎಚ್‌ಐಡಿ ಪೀಡಿತರು ಪತ್ತೆಯಾಗಿದ್ದರು. 2003ರಲ್ಲಿ 209, 2004ರಲ್ಲಿ 313, 2005ರಲ್ಲಿ 363ಕ್ಕೆ ಏರಿಕೆಯಾಗಿತ್ತು.

ಆರಂಭದಲ್ಲಿ ಮಾಹಿತಿ ಕೊರತೆ

ಆರಂಭದಲ್ಲಿಮಾಹಿತಿ ಕೊರತೆಯಿಂದಾಗಿ ಪರೀಕ್ಷೆಗೆ ಒಳಪಡುವವರ ಸಂಖ್ಯೆ ಬಹಳ ಕಡಿಮೆ ಇತ್ತು. ಸೂಕ್ತ ಸಮಯದಲ್ಲಿಚಿಕಿತ್ಸೆ ಪಡೆಯದೆ ಮೃತಪಡುವವರ ಸಂಖ್ಯೆ ಭಯ ಹುಟ್ಟುವಂತಿತ್ತು. 1987ರಿಂದ 2002ರ ವರೆಗೆ ಮೃತಪಟ್ಟವರ ಸಂಖ್ಯೆ 7 ಇದ್ದರೆ, 2002ರಿಂದ 2005ರ ನಡುವೆ ಸತ್ತರ ಸಂಖ್ಯೆ 484ಕ್ಕೆ ಏರಿಕೆಯಾಗಿತ್ತು.

ವಿವಾಹಿತರಲ್ಲೇ ಹೆಚ್ಐವಿ ಪಾಸಿಟಿವ್ ಹೆಚ್ಚು

2019ರಲ್ಲಿಪತ್ತೆಯಾದ ಎಚ್‌ಐವಿ ಒಟ್ಟು ಪ್ರಕರಣಗಳಲ್ಲಿ96 ವಿವಾಹಿತರಿದ್ದರೆ, ವಿಧವೆ ಮತ್ತು ಗಂಡ ಅಥವಾ ಹೆಂಡತಿಯಿಂದ ದೂರವಾದವರಲ್ಲಿಸೇರಿ 50 ಪಾಸಿಟಿವ್‌ ಪ್ರಕರಣಗಳು ಕಂಡುಬಂದಿವೆ. ಕೂಲಿ ಕೆಲಸ ಮಾಡುವವರಲ್ಲಿಯೇ ಅತಿ ಹೆಚ್ಚು 130 ಸೋಂಕು ಪತ್ತೆಯಾಗಿದೆ. ರಾಜ್ಯದ ಅಂಕಿ ಅಂಶದಲ್ಲಿ ಹೆಣ್ಣು ಮಕ್ಕಳಲ್ಲಿ ಹೆಚ್ಚು ಏಡ್ಸ್‌ ಕಂಡುಬಂದರೆ, ಶಿವಮೊಗ್ಗದಲ್ಲಿ 96 ಗಂಡಸರಲ್ಲಿ ಪತ್ತೆಯಾಗಿದೆ. 26-49 ವಯೋಮಾನದವರಲ್ಲಿ110 ಪ್ರಕರಣಗಳು ಕಂಡುಬಂದಿವೆ.

ಇಲಾಖೆಯಿಂದ ನಿರಂತರ ಜಾಗೃತಿ

ನಿರಂತರ ಜಾಗೃತಿಯ ಫಲವಾಗಿ ಶಿವಮೊಗ್ಗದಲ್ಲಿಹೆಚ್‌ಐವಿ ಸೋಂಕಿತರ ಸಂಖ್ಯೆಯಲ್ಲಿಇಳಿಕೆಯಾಗಿದೆ. ಇದನ್ನು ಗುರುತಿಸಿ ಸರಕಾರ ನಮ್ಮ ಡಿಎಪಿಸಿಯನ್ನು ಅತ್ಯುತ್ತಮ ಘಟಕವೆಂದು ಘೋಷಿಸಿದೆ. ಹದಿಹರೆಯ ಆರೋಗ್ಯ ಶಿಕ್ಷಣ ನೀಡುವ ಮೂಲಕವೂ ಏಡ್ಸ್‌ನಿಂದಾಗುವ ಅನಾಹುತಗಳ ಬಗ್ಗೆ ತಿಳಿಹೇಳಲಾಗುತ್ತಿದೆ. ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆಯೂ ನಿಗಾ ವಹಿಸಲಾಗುತ್ತಿದೆ. ನಿರಂತರವಾಗಿ ಜಾಗೃತಿ ಕಾರ್ಯಕ್ರಮಗಳ ಮೂಲಕ ಎಚ್‌ಐವಿ ಬಗ್ಗೆ ಅರಿವು ಮೂಡಿಸಲಾಗುತ್ತಿದೆ ಅನ್ನುತ್ತಾರೆ ಜಿಲ್ಲಾ ಕ್ಷಯ ಮತ್ತು ಏಡ್ಸ್‌ ನಿಯಂತ್ರಣ ಅಧಿಕಾರಿ ಡಾ. ಮಂಜುನಾಥ್‌ ನಾಗಲೀಕರ್‌.

ಸ್ಕೂಲು, ಕಾಲೇಜುಗಳಲ್ಲಿ ಶಿಕ್ಷಣ

ಶಿವಮೊಗ್ಗದ 240 ಪ್ರೌಢ ಶಾಲೆ, ಪಿಯುಸಿ ಕಾಲೇಜುಗಳಲ್ಲಿಜಾಗೃತಿ ಮೂಡಿಸಲಾಗುತ್ತಿದೆ. ಜತೆಗೆ, ಐಟಿಐ, ಡಿಪ್ಲೋಮಾ, ಪದವಿ ಸೇರಿ ಇನ್ನಿತರ 58 ಕಾಲೇಜುಗಳಲ್ಲಿರೆಡ್‌ ರಿಬ್ಬನ್‌ ಕ್ಲಬ್‌ (ಆರ್‌ಆರ್‌ಸಿ) ಸ್ಥಾಪಿಸಿ ಅದರ ಮೂಲಕ ಯುವಪೀಳಿಗೆಯಲ್ಲಿಹದಿಹರೆಯ ಆರೋಗ್ಯ ಶಿಕ್ಷಣ ನೀಡಲಾಗುತ್ತಿದೆ.

ವೀರಗಾಸೆ ಮೂಲಕ ಜಾಗೃತಿ

ಭದ್ರಾವತಿಯ ಬಸವೇಶ್ವರ ವೀರಗಾಸೆ ಹವ್ಯಾಸಿ ಕಲಾ ತಂಡವು ಎಚ್‌ಐವಿ ಏಡ್ಸ್‌ ಕುರಿತು ಅರಿವು ಮೂಡಿಸುವ 20 ಕಾರ್ಯಕ್ರಮ ಕೈಗೊಳ್ಳಲಿದೆ. 2020ರ ಹೊತ್ತಿಗೆ ಶೇ.90ರಷ್ಟು ಸೋಂಕು ತಗುಲಿದವರಿಗೆ ಎಚ್‌ಐವಿ ಸ್ಥಿತಿಯ ಬಗ್ಗೆ ತಿಳಿಸುವುದು, ಶೇ.90ರಷ್ಟು ಸೋಂಕಿತರಿಗೆ ಎಆರ್‌ಟಿ ಚಿಕಿತ್ಸೆಯ ನೀಡುವುದು ಹಾಗೂ ಶೇ.90ರಷ್ಟು ವೈರಸ್‌ಗಳ ಸಂಖ್ಯೆಯನ್ನು ಎಆರ್‌ಟಿ ಚಿಕಿತ್ಸೆ ಪಡೆಯುತ್ತಿರುವವರಲ್ಲಿಕಡಿಮೆಗೊಳಿಸುವುದು. ಈ ನಿಟ್ಟಿನಲ್ಲಿನಿರಂತರ ಕೆಲಸ ಮಾಡಲಾಗುತ್ತಿದೆ.

ಶಿವಮೊಗ್ಗ ಲೈವ್.ಕಾಂ ವಾಟ್ಸಪ್ ನಂಬರ್ – 7411700200

ಸುದ್ದಿಗಾಗಿ ಕರೆ ಮಾಡಿ – 9964634494

ಈ ಮೇಲ್ ಐಡಿ | shivamoggalive@gmail.com

HIV Positive cases in Shimoga District has come down due to various awareness campaigns by the government. Now the number of infected and deaths due to Aids has decreased in Shimoga.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ