SHIMOGA | ಶಿವಪ್ಪನಾಯಕ ಅರಮನೆಯಲ್ಲಿ ಶುರು ಕುತೂಹಲಕಾರಿ ಗ್ಯಾಲರಿ, ಇದರಲ್ಲಿದೆ ಬ್ರಿಟೀಷರನ್ನೇ ಗಢಗಢ ನಡುಗಿಸಿದ್ದ ರಾಕೆಟ್

ಶಿವಮೊಗ್ಗ ಲೈವ್.ಕಾಂ | SHIMOGA | 01 ಡಿಸೆಂಬರ್ 2019

ಶಿವಮೊಗ್ಗದ ಶಿವಪ್ಪನಾಯಕನ ಅರಮನೆಯಲ್ಲಿ ಮತ್ತೊಂದು ವಿಭಿನ್ನ ಗ್ಯಾಲರಿ ಆರಂಭಿಸಲಾಗಿದೆ. ಅದಕ್ಕೆ ಬಿದನೂರು ಗ್ಯಾಲರಿ ಅಂತಾ ಹೆಸರಿಡಲಾಗಿದೆ. ಭಾರತದ ಇತಿಹಾಸದ ಅತಿ ದೊಡ್ಡ ಕುತೂಹಲಕಾರಿ ಸಂಗತಿಯೊಂದನ್ನು ಈ ಗ್ಯಾಲರಿಯಲ್ಲಿ ಕಣ್ತುಂಬಿಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ.

ಅರಮನೆಯನ್ನು ಕೇವಲ ಪ್ರವಾಸಿ ತಾಣವಾಗಿಸದೆ, ಅಧ್ಯಯನ ಕೇಂದ್ರವಾಗಿಯು ರೂಪಿಸಬೇಕು ಎಂಬ ಉದ್ದೇಶಕ್ಕೆ ಪೂರಕವಾಗಿ ಹೊಸ ಗ್ಯಾಲರಿಯನ್ನು ರೂಪಿಸಲಾಗಿದೆ. ಇದರೊಳಗೆ ಕಾಲಿಟ್ಟರೆ ಟಿಪ್ಪು ಸುಲ್ತಾನ್ ಕಾಲದ ರಾಕೆಟ್ ಟೆಕ್ನಾಲಜಿಯ ಪೂರ್ಣ ಮಾಹಿತಿ ಲಭ್ಯವಾಗಲಿದೆ.

ಏನಿದು ಬಿದನೂರು ಗ್ಯಾಲರಿ?

ಅರಮನೆಯನ್ನು ಪ್ರವೇಶಿಸುತ್ತಿದ್ದಂತೆ ಬಲ ಭಾಗದ ಕೊಠಡಿಯಲ್ಲಿ ಶಿವಪ್ಪನಾಯಕನ ಕಾಲದ ಖಡ್ಗಗಳು, ಬಂದೂಕುಗಳು, ರಾಜರು, ಸೈನಿಕರು ಬಳಸುತ್ತಿದ್ದ ವಸ್ತುಗಳ ಗ್ಯಾಲರಿ ಇತ್ತು. ಅದೇ ಮಾದರಿಯಲ್ಲಿ ಅರಮನೆಯ ಎಡ ಭಾಗದ ಕೊಠಡಿಯಲ್ಲಿ ಬಿದನೂರು ಗ್ಯಾಲರಿ ಸ್ಥಾಪಿಸಲಾಗಿದೆ. ಇತ್ತೀಚೆಗೆ ಬಿದನೂರಿನಲ್ಲಿ ಸಿಕ್ಕಿದ್ದ ಟಿಪ್ಪು ಸುಲ್ತಾನ್ ಕಾಲದ ರಾಕೆಟ್’ಗಳನ್ನು ಈ ಗ್ಯಾಲರಿಯಲ್ಲಿ ಇರಿಸಲಾಗಿದೆ.

ಏನಿದು ರಾಕೆಟ್ ಟೆಕ್ನಾಲಜಿ?

ಬ್ರಿಟೀಷರ ವಿರುದ್ಧದ ಯುದ್ಧದ ಸಂದರ್ಭ ಟಿಪ್ಪು ಸುಲ್ತಾನ್ ರಾಕೆಟ್ ಬಳಕೆ ಮಾಡುತ್ತಿದ್ದ. ಈ ಕುರಿತು ಹಲವು ಐತಿಹಾಸಿಕ ದಾಖಲೆಗಳಿವೆ. ಬಿದನೂರಿನಲ್ಲಿ ಸಿಕ್ಕಿದ್ದ ರಾಕೆಟ್’ಗಳನ್ನು ಜೋಡಿಸಿ, ಅವುಗಳನ್ನು ಷೋಕೇಸ್’ನಲ್ಲಿ ಇರಿಸಲಾಗಿದೆ. ರಾಕೆಟ್’ಗೆ ಬಳಕೆ ಮಾಡುತ್ತಿದ್ದ ಮದ್ದು, ಮದ್ದು ಸುರಿಯಲು ಉಪಯೋಗಿಸುತ್ತಿದ್ದ ಪುಟ್ಟ ಮಡಕೆಗಳನ್ನು ಗ್ಯಾಲರಿಯಲ್ಲಿ ಇರಿಸಲಾಗಿದೆ. ಇನ್ನು, ರಾಕೆಟ್’ಗಳನ್ನು ಟಿಪ್ಪುವಿನ ಸೇನೆ ಹೇಗೆ ಬಳಸುತ್ತಿತ್ತು ಅನ್ನುವ ಮಾಹಿತಿ ಫಲಕವನ್ನು ಹಾಕಲಾಗಿದೆ. ಈ ರಾಕೆಟ್’ಗಳ ಮೇಲೆ ನಡೆದ ಸಂಶೋಧನೆಯ ಟಿಪ್ಪಣಿಯು ಇದೆ.

ಪುರಾತತ್ವ ಸಂಗ್ರಹಾಲಯಗಳು ಮತ್ತು ಪರಂಪರೆ ಇಲಾಖೆಯ ಉಪ ನಿರ್ದೇಶಕ ಶೇಜೇಶ್ವರ ನಾಯಕ ಅವರ ನೇತೃತ್ವದಲ್ಲಿ ಈ ಗ್ಯಾಲರಿ ಸ್ಥಾಪಿಸಲಾಗಿದೆ. ಈಗಾಗಲೇ ಜಿಲ್ಲೆಯ ವಿವಿಧ ಶಾಲೆಯ ಮಕ್ಕಳು, ಇತಿಹಾಸದ ಅಸಕ್ತರು, ಅರಮನೆಗೆ ನಿತ್ಯ ಬರುವ ಪ್ರವಾಸಿಗರು ಈ ಗ್ಯಾಲರಿಗೆ ಭೇಟಿ ನೀಡಿ, ರಾಕೆಟ್ ಟೆಕ್ನಾಲಜಿಯ ಮಾಹಿತಿ ಪಡೆಯುತ್ತಿದ್ದಾರೆ.

ಶಿವಮೊಗ್ಗ ಲೈವ್.ಕಾಂ ವಾಟ್ಸಪ್ ನಂಬರ್ – 7411700200

ಸುದ್ದಿಗಾಗಿ ಕರೆ ಮಾಡಿ – 9964634494

ಈ ಮೇಲ್ ಐಡಿ | shivamoggalive@gmail.com

Bidanuru Gallery has been started in Shimoga Shivappa Nayaka Palace. Rockets which were used by Tippu Sultan’s Army is being displayed it the gallery. These rockets were found near Nagara in Hosanagara recently.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ