ಶಿವಮೊಗ್ಗ ಲೈವ್.ಕಾಂ | SAGARA | 31 ಅಕ್ಟೋಬರ್ 2019

ಸಾಗರ ತಾಲೂಕಿನ ವಿವಿಧೆಡೆ ಹಾದು ಹೋಗಿರುವ ರೈಲ್ವೆ ಮಾರ್ಗದಲ್ಲಿ ತಾಂತ್ರಿಕ ಪರಿಶೀಲನೆ ಕಾರ್ಯ ನಡೆಯಲಿದೆ. ವಿವಿಧ ಲೆವೆಲ್ ಕ್ರಾಸ್’ಗಳಲ್ಲಿ ಪರಿಶೀಲನೆ ನಡೆಸಲಾಗುತ್ತಿದೆ. ಈ ಹಿನ್ನೆಯಲ್ಲಿ ನ.6ರವರೆಗೆ ವಿವಿಧೆಡೆ ರಸ್ತೆ ಸಂಚಾರಕ್ಕೆ ತೊಡಕಾಗಲಿದೆ. ಹಾಗಾಗಿ ಪರ್ಯಾ ಮಾರ್ಗದಲ್ಲಿ ವಾಹನ ಸಂಚರಿಸುವಂತೆ ಜಿಲ್ಲಾಧಿಕಾರಿ ಆದೇಶ ಹೊರಡಿಸಿದ್ದಾರೆ.

ಎಲ್ಲೆಲ್ಲಿ? ಯಾವಾಗ ಪರಿಶೀಲನೆ ನಡೆಯುತ್ತೆ?

ನ.1ರ ಬೆ.8 ರಿಂದ ಸಂಜೆ 6.30 :  ಬಾಳೆಗುಂಡಿ ರಸ್ತೆಯಲ್ಲಿ ಹಾದು ಹೋಗಿರುವ ಲೆವೆಲ್ ಕ್ರಾಸ್ ಸಂಖ್ಯೆ 121ರ ಪರಿಶೀಲನೆ ಕಾರ್ಯ ನಡೆಯಲಿದೆ. ವಾಹನ ಸವಾರರು ಮಾರ್ಗ-1ರ ಉಳ್ಳೂರು-ಕಾಸ್ಪಾಡಿ- ಅಡ್ಡೇರಿ-ಬಾಳೆಗುಂಡಿ-ನೀಚಡಿ-ತ್ಯಾಗರ್ತಿ-ದೊಡ್ಡಬೈಲ್/ಬಾಳೆಗುಂಡಿ, ಮಾರ್ಗ-2ರ ತ್ಯಾಗರ್ತಿ ಕ್ರಾಸ್-ಎಲ್.ಸಿ 126-ಬೊಮಟ್ಟಿ- ತ್ಯಾಗರ್ತಿ-ಬಾಳೆಗುಂಡಿ ಪರ್ಯಾಯ ಮಾರ್ಗವಾಗಿ ಸಂಚರಿಸಬೇಕಿದೆ.

ನ.2ರ ಬೆ.8 ರಿಂದ ಸಂ.6.30 : ತ್ಯಾಗರ್ತಿ ರಸ್ತೆಯಲ್ಲಿ ಹಾದು ಹೋಗಿರುವ ಎಲ್.ಸಿ 126 ಮಾರ್ಗದ ಪರಿಶೀಲನೆ ನಡೆಯಲಿದೆ. ಆ ದಿನ ವಾಹನ ಸವಾರರು ಮಾರ್ಗ-1 (ಸೊರಬ ರಸ್ತೆ ಮೂಲಕ) ಸಾಗರ-ಕಲಸೆ-ಬೊಮ್ಮತ್ತಿ-ತ್ಯಾಗರ್ತಿ, ಮಾರ್ಗ-2, ರಾಷ್ಟ್ರೀಯ ಹೆದ್ದಾರಿ-206ರ ಮೂಲಕ ಉಳ್ಳೂರು-ಕಾಸ್ಪಡಿ-ಅಡ್ಡೇರಿ-ಬಾಳೆಗುಂಡಿ-ನೀಚಡಿ-ತ್ಯಾಗರ್ತಿ ಮಾರ್ಗ-3ರ, ಬಳಸಗೋಡು-ಮಂಚಾಲೆ-ಬೊಮ್ಮಟ್ಟಿ-ತ್ಯಾಗರ್ತಿ ಮಾರ್ಗವಾಗಿ ಸಂಚರಿಸುವುದು.

ನ.3ರ ರಾತ್ರಿ.8 ರಿಂದ ನ.4ರ ಬೆ.7 ಗಂಟೆ ವರೆಗೆ : ಬೈಪಾಸ್ ರಸ್ತೆಯಲ್ಲಿ ಹಾದು ಹೋಗಿರುವ ಎಲ್‍ಸಿ 129ರಲ್ಲಿ ಪರಿಶೀಲನೆ, ವಾಹನ ಸವಾರರು ಮಾರ್ಗ-1 ರಾಷ್ಟ್ರೀಯ ಹೆದ್ದಾರಿ-2016ರ ಮೂಲಕ ಸಿಗಂದೂರು ಕ್ರಾಸ್-ಸೊರಬ ರಸ್ತೆ, ಮಾರ್ಗ-2ರ ಬೈಪಾಸ್-ಸೊರಬ ರಸ್ತೆ-ಎಲ್.ಸಿ130ಬಿ ಮೂಲಕ ಸಂಚರಿಸಬೇಕು.

ನ.05 ರ ರಾತ್ರಿ 8 ರಿಂದ ನ.06 ರ ಬೆಳಿಗ್ಗೆ 7 ರವರೆಗೆ : ಸೊರಬ ರಸ್ತೆಯಲ್ಲಿ ಹಾದು ಹೋಗಿರುವ ಎಲ್‍ಸಿ-130ಬಿಯಲ್ಲಿ ಪರಿಶೀಲನೆ. ವಾಹನ ಸವಾರರು ಮಾರ್ಗ-1ರ ಬೈಪಾಸ್-ಕೆಳದಿ ಚೆನ್ನಮ್ಮ ಸರ್ಕಲ್-ಅಣಲೆಕೊಪ್ಪ-ಆರ್.ಪಿ.ರಸ್ತೆ, ಮಾರ್ಗ-2ರ ವೆಂಕಟರಮಣ ದೇವಸ್ಥಾನದ ರಸ್ತೆ-ಎಲ್.ಸಿ.132-ಚೆನ್ನಮ್ಮ ವೃತ್ತ-ಸೊರಬ ರಸ್ತೆ ಮಾರ್ಗವಾಗಿ ಸಂಚರಿಸುವುದು. 

ಈ ತಾತ್ಕಾಲಿಕ ಮಾರ್ಗ ಬದಲಾವಣೆಗೆ ಸಾರ್ವಜನಿಕರು ರೈಲ್ವೆ ಇಲಾಖೆ ಹಾಗೂ ಸಂಚಾರ ನಿಯಂತ್ರಣ ಸಿಬ್ಬಂದಿಗಳೊಡನೆ ಸಹಕರಿಸುವಂತೆ ಜಿಲ್ಲಾಧಿಕಾರಿಗಳು ಆದೇಶದಲ್ಲಿ ತಿಳಿಸಿದ್ದಾರೆ. 

ಶಿವಮೊಗ್ಗ ಲೈವ್.ಕಾಂ ವಾಟ್ಸಪ್ ನಂಬರ್ – 7411700200

ಸುದ್ದಿಗಾಗಿ ಕರೆ ಮಾಡಿ – 9964634494

ಈ ಮೇಲ್ ಐಡಿ | [email protected]