ಶಿಕಾರಿಪುರ: ಗ್ರಾಮೀಣ ಪ್ರದೇಶಗಳಲ್ಲಿ ಟಗರು ಕಾಳಗದಂತಹ ಜಾನಪದ ಕ್ರೀಡೆಗಳು (Folk sports) ಹೆಚ್ಚು ನಡೆಯಬೇಕೇ ಹೊರತು, ಜನರ ನಡುವೆ ಕಾಳಗ ನಡೆಯಬಾರದು ಎಂದು ಸಾಗರ ಶಾಸಕ ಬೇಳೂರು ಗೋಪಾಲಕೃಷ್ಣ ಅಭಿಪ್ರಾಯಪಟ್ಟರು.
ಶಿಕಾರಿಪುರ ಪಟ್ಟಣದ ಮಾರಿಕಾಂಬ ಬಯಲು ರಂಗಮಂದಿರದಲ್ಲಿ ಹಮ್ಮಿಕೊಳ್ಳಲಾಗಿದ್ದ ರಾಷ್ಟ್ರ ಮಟ್ಟದ (National level) ಟಗರು ಕಾಳಗ ಸ್ಪರ್ಧೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಗ್ರಾಮೀಣ ಭಾಗದ ಜನರು ಜಾತಿ, ಧರ್ಮ ಅಥವಾ ರಾಜಕೀಯ ಕಾರಣಗಳಿಗಾಗಿ ಪರಸ್ಪರ ದ್ವೇಷ ಸಾಧನೆ ಮಾಡಬಾರದು. ಅದರ ಬದಲಿಗೆ ಜಂಗೀ ಕುಸ್ತಿ, ಟಗರು ಕಾಳಗ, ಹೋರಿ ಹಬ್ಬ, ಕಬಡ್ಡಿ ಹಾಗೂ ವಾಲಿಬಾಲ್ನಂತಹ ಕ್ರೀಡೆಗಳಲ್ಲಿ (Sports activities) ತೊಡಗಿಸಿಕೊಳ್ಳುವ ಮೂಲಕ ಸ್ನೇಹ ಬಾಂಧವ್ಯ ವೃದ್ಧಿಸಿಕೊಳ್ಳಬೇಕು.
– ಬೇಳೂರು ಗೋಪಾಲಕೃಷ್ಣ, ಶಾಸಕ
ಜಂಗೀ ಕುಸ್ತಿಗೆ ಹೆಸರಾಗಿದ್ದ ಈ ಭಾಗದಲ್ಲಿ ಈಗ ಹೋರಿ ಹಬ್ಬ ಮತ್ತು ಟಗರು ಕಾಳಗಕ್ಕೂ ಅಸಂಖ್ಯಾತ ಜನರು ಸೇರುತ್ತಿರುವುದು ಶ್ಲಾಘನೀಯ.
– ಗೋಣಿ ಪ್ರಕಾಶ್, ಮಾರಿಕಾಂಬ ದೇವಸ್ಥಾನ ಸಮಿತಿ ಅಧ್ಯಕ್ಷ
ಹೇಗಿತ್ತು ಟಗರು ಕಾಳಗ?
ದೇಶದ ವಿವಿಧೆಡೆಯ ಟಗರುಗಳು ಕಾಳಗದಲ್ಲಿ ಭಾಗವಹಿಸಿದ್ದವು. ಈ ರೋಚಕ ಸ್ಪರ್ಧೆಯನ್ನು (Exciting competition) ಕಣ್ತುಂಬಿಕೊಂಡು ಜನರು ಖುಷಿಪಟ್ಟರು. ಕ್ರೀಡಾ ಅಭಿಮಾನಿಗಳಿಗೆ ಇದೊಂದು ಉತ್ತಮ ಮನರಂಜನೆಯಾಗಿತ್ತು (Entertainment event). ಶಿವಶಂಕರ ಸಂದಿಮನೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಪ್ರಮುಖರಾದ ಎನ್.ವಿ. ಈರೇಶ್, ಮುಖಂಡರಾದ ಭಂಡಾರಿ ಮಾಲತೇಶ್, ಬಡಗಿ ಫಾಲಾಕ್ಷಪ್ಪ, ಪ್ರಶಾಂತ್ ಜೀನಳ್ಳಿ, ಗೋಣಿ ಯಶವಂತ್ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
Messenger
WhatsApp