SHIVAMOGGA LIVE NEWS | 8 MAY 2024

ELECTION NEWS : ಶಿವಮೊಗ್ಗ ಲೋಕಸಭೆ ಚುನಾವಣೆಯ ಮತ ಯಂತ್ರಗಳು ಸಹ್ಯಾದ್ರಿ ಕಾಲೇಜಿನ ಸ್ಟ್ರಾಂಗ್‌ ರೂಂ (Strong Room) ಸೇರಿವೆ. ಜಿಲ್ಲಾ ಚುನಾವಣ ಅಧಿಕಾರಿಗಳು, ರಾಜಕೀಯ ಪಕ್ಷಗಳ ಮುಖಂಡರ ಸಮ್ಮುಖದಲ್ಲಿ ಸ್ಟ್ರಾಂಗ್‌ ರೂಂ ಸೀಲ್‌ ಮಾಡಲಾಯಿತು.

ವಿಧಾನಸಭೆ ಕ್ಷೇತ್ರವಾರು ಕೊಠಡಿಗಳನ್ನು ಮೀಸಲಿಟ್ಟು, ಮತ ಯಂತ್ರಗಳನ್ನು ಇರಿಸಲಾಗಿದೆ. ಕೊಠಡಿ ಬಾಗಿಲಿಗೆ ಬೀಗ ಹಾಕಿ, ಸೀಲ್‌ ಮಾಡಲಾಗಿದೆ. ಇನ್ನು ಕೊಠಡಿ ಬಾಗಿಲು, ಕಿಟಕಿಗಳಿಗೆ ಪ್ಲೈವುಡ್‌ಗಳನ್ನು ಹಾಕಿ ಬಂದ್‌ ಮಾಡಲಾಗಿದೆ. ರಾಜಕೀಯ ಮುಖಂಡರು, ಚುನಾವಣ ಅಧಿಕಾರಿಗಳ ಸಮ್ಮುಖದಲ್ಲಿ ಈ ಕಾರ್ಯ ನಡೆಸಲಾಯಿತು.

ಇನ್ನು, ಸಹ್ಯಾದ್ರಿ ಕಲಾ ಕಾಲೇಜು ಆವರಣದ ಸುತ್ತಲು ಬಿಗಿ ಬಂದೋಬಸ್ತ್‌ ಕೈಗೊಳ್ಳಲಾಗಿದೆ. 24 ಗಂಟೆ ಭದ್ರತೆ ಒದಗಿಸಲು ಅಗತ್ಯ ವ್ಯವಸ್ಥೆ ಮಾಡಲಾಗಿದೆ.

ಇದನ್ನೂ ಓದಿ – ಶಿವಮೊಗ್ಗ ಕ್ಷೇತ್ರದಲ್ಲಿ ಮಹಿಳೆಯರಿಂದಲೇ ಹೆಚ್ಚು ಮತದಾನ, ಹೊರಬಿತ್ತು ಕಂಪ್ಲೀಟ್‌ ವರದಿ