ಟೋಲ್‌ ವಿರುದ್ಧ ಗರಂ, ಶಿವಮೊಗ್ಗದಲ್ಲಿ ಹೋರಾಟಕ್ಕೆ ದಿನಾಂಕ ಫಿಕ್ಸ್‌, ಸಮಿತಿ ಆರೋಪಗಳೇನು?

ರಾಜ್ಯ ಸರ್ಕಾರವು 2013ರ ರಾಷ್ಟ್ರೀಯ ಹೆದ್ದಾರಿ ಕಾಯ್ದೆ ನಿಯಮಗಳನ್ನು ಉಲ್ಲಂಘಿಸಿದೆ. ಕಾಯ್ದೆ ಅನುಸಾರ ಗೇಟ್‌ಗಳನ್ನು ನಿರ್ಮಿಸಿಲ್ಲ. ಟೋಲ್‌ಗಳ ನಡುವೆ 60 ಕಿ.ಮೀ ಅಂತರ ಇರಬೇಕು. ಆದರೆ ಶಿಕಾರಿಪುರ ರಸ್ತೆಯಲ್ಲಿ ಕಲ್ಲಾಪುರ ಮತ್ತು ಕುಟ್ರವಳ್ಳಿ ನಡುವೆ 30 ಕಿ.ಮೀ ಅಂತರದಲ್ಲಿ ಎರಡು ಟೋಲ್‌ಗಳಿವೆ.

ಟೋಲ್‌ ಪ್ಲಾಜಾದ 20 ಕಿ.ಮೀ ವ್ಯಾಪ್ತಿಯಲ್ಲಿರುವವರಿಗೆ ಪಾಸ್‌ ಕೊಡಬೇಕು. ಆದರೆ ಇಲ್ಲಿ ಆ ನಿಯಮವನ್ನು ಕೂಡ ಉಲ್ಲಂಘಿಸಲಾಗಿದೆ. ಸ್ಥಳೀಯರು ಕೂಡ ನಿತ್ಯ ಕೆಲಸಕ್ಕೆ, ತೋಟ, ಗದ್ದೆಗೆ ತೆರಳಲು ಟೋಲ್‌ನಲ್ಲಿ ಹಣ ಕಟ್ಟುವಂತಾಗಿದೆ.

ಟೋಲ್‌ ಗೇಟ್‌ನಿಂದಾಗಿ ಬಸ್‌ ಪ್ರಯಾಣ ದರ, ಗೂಡ್ಸ್‌ ವಾಹನಗಳ ಬಾಡಿಗೆ ಹೆಚ್ಚಳವಾಗಿದೆ. ಜನರು ತೀವ್ರ ಸಂಕಷ್ಟಕ್ಕೀಡಾಗಿದ್ದಾರೆ. ವಾಹನ ಸವಾರರು ಫಜೀತಿ ಅನುಭವಿಸುತ್ತಿದ್ದಾರೆ. ಇದಕ್ಕೆ ತಡೆಯೊಡ್ಡುವ ಸಲುವಾಗಿ ಪಕ್ಷಾತೀತವಾಗಿ ಹೋರಾಟ ನಡೆಸಲಾಗುತ್ತಿದೆ.