ತೀರ್ಥಹಳ್ಳಿ ಬಾಲಕ ಸಾವು ಪ್ರಕರಣ, ತನಿಖೆ ನಡೆಸಿ ವರದಿ ನೀಡುವಂತೆ ಜಿಲ್ಲಾಧಿಕಾರಿ ಆದೇಶ

ಇಲ್ಲಿದೆ ಪ್ರಕರಣದ ಪ್ರಮುಖಾಂಶ

• ಏ.4ರಂದು ತೀವ್ರ ಜ್ವರದ ಹಿನ್ನೆಲೆ ರಚಿತ್‌ ಸಹೋದರಿ ರಮ್ಯಾಳನ್ನು ತೀರ್ಥಹಳ್ಳಿಯ ಜೆ.ಸಿ.ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಯಿತು. ಪರೀಕ್ಷಿಸಿದಾಗ ಕೆಎಫ್‌ಡಿ ಪಾಸಿಟಿವ್‌ ಬಂದಿತ್ತು.

• ಏ.5ರಂದು ರಚಿತ್‌ಗೆ ಸುಸ್ತು ಮತ್ತು ವಾಂತಿಯಾದ ಹಿನ್ನೆಲೆ ಆತನನ್ನು ಜೆ.ಸಿ.ಆಸ್ಪತ್ರೆಗೆ ದಾಖಲಿಸಿದಾಗ ಕೆ.ಎಪ್‌.ಡಿ ದೃಢವಾಗಿತ್ತು.

• ಏ.6ರಂದು ರಮ್ಯಾ ಮತ್ತು ರಚಿತ್‌ರನ್ನು ಮಣಿಪಾಲದ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಎಬಿಎಆರ್‌ಕೆ ಯೋಜನೆ ಅಡಿ ಇಬ್ಬರಿಗು ಉಚಿತ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

• ಗುಣವಾದ ಹಿನ್ನೆಲೆ ರಮ್ಯಾಳನ್ನು ಡಿಸ್ಚಾರ್ಜ್‌ ಮಾಡಲಾಯಿತು. ಆಕೆ ಮನೆಗೆ ಮರಳಿದ್ದಳು. ಏ.17ರ ರಾತ್ರಿ ಚಿಕಿತ್ಸೆ ಫಲಿಸದೆ ರಚಿತ್‌ ಕೊನೆ ಉಸಿರೆಳೆದಿದ್ದಾನೆ.

• ಸಚಿವ ಮಧು ಬಂಗಾರಪ್ಪ, ಶಾಸಕ ಆರಗ ಜ್ಞಾನೇಂದ್ರ ಅವರು ರಚಿತ್‌ ಆರೋಗ್ಯದ ಕುರಿತು ವಿಚಾರಿಸಿದ್ದರು. ವೈದ್ಯರೊಂದಿಗು ಚರ್ಚೆ ನಡೆಸಿದ್ದರು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

• ಏ.18ರಂದು ರಚಿತ್‌ ಸಾವಿನ ಕುರಿತು ಸಮಗ್ರ ವರದಿ ನೀಡುವಂತೆ ಜಿಲಾಧಿಕಾರಿ ಗುರುದತ್ತ ಹೆಗಡೆ ಅವರು ಆರೋಗ್ಯ ಇಲಾಖೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು.