ಕ್ಷಣ ಕ್ಷಣದ ಸುದ್ದಿಗಳಿಗಾಗಿ ನಮ್ಮನ್ನು ಸೇರಿ
ಶಿವಮೊಗ್ಗ: ಕೇರಳ ಲಾಟರಿಯಲ್ಲಿ (Lottery) 12 ಲಕ್ಷ ರೂ. ಗೆದ್ದಿದ್ದೀರ ಎಂದು ನಂಬಿಸಿ ಶಿವಮೊಗ್ಗದ ರಿಯಲ್ ಎಸ್ಟೇಟ್ ಉದ್ಯಮಿಯೊಬ್ಬರಿಗೆ 17.55 ಲಕ್ಷ ರೂ. ವಂಚಿಸಲಾಗಿದೆ. ಫೇಸ್ಬುಕ್ನಲ್ಲಿ ಕೇರಳ ಲಾಟರಿ ಟಿಕೆಟ್ ಆನ್ಲೈನ್ ಮಾರಾಟ ಎಂದು ನಂಬಿಸಲಾಗಿತ್ತು.
ರಿಯಲ್ ಎಸ್ಟೇಟ್ ಉದ್ಯಮಿಯು ಫೇಸ್ಬುಕ್ ವೀಕ್ಷಿಸುತ್ತಿದ್ದಾಗ ಕೇರಳ ಬಂಪರ್ ಲಾಟರಿ ಖರೀದಿಸಿದರೆ ಮೊದಲ ಬಹುಮಾನ 50 ಲಕ್ಷ ರೂ., ಎರಡನೇ ಬಹುಮಾನ 25 ಲಕ್ಷ ರೂ., ಮೂರನೇ ಬಹುಮಾನ 12 ಲಕ್ಷ ರೂ. ಎಂದು ಜಾಹೀರಾತು ಪ್ರಕಟಿಸಲಾಗಿತ್ತು. ಅದನ್ನು ಕ್ಲಿಕ್ ಮಾಡಿ, 80 ರೂ. ಪಾವತಿಸಿ ಎರಡು ಟಿಕೆಟ್ ಖರೀದಿಸಿದ್ದರು.
ಬಳಿಕ 510 ರೂ.ಗೆ 10 ಲಾಟರಿ ಟಿಕೆಟ್ ಖರೀದಿಸಬಹುದು ಎಂದು ನಂಬಿಸಿ ಫೋನ್ ಪೇ ಮೂಲಕ ರಿಯಲ್ ಎಸ್ಟೇಟ್ ಉದ್ಯಮಿಯಿಂದ ಹಣ ಪಡೆಯಲಾಗಿತ್ತು.
12 ಲಕ್ಷದ ಲಾಟರಿ ಗೆದ್ದಿದ್ದೀರ
ಲಾಟರಿ ಟಿಕೆಟ್ ಖರೀದಿಸಿದ ದಿನವೇ ಮಧ್ಯಾಹ್ನದ ವೇಳೆಗೆ ರಿಯಲ್ ಎಸ್ಟೇಟ್ ಉದ್ಯಮಿಯ ವಾಟ್ಸಪ್ಗೆ, ನೀವು ಮೂರನೇ ಬಹುಮಾನ 12 ಲಕ್ಷ ರೂ. ಗೆದ್ದಿದ್ದೀರ ಎಂದು ಮೆಸೇಜ್ ಬಂದಿತ್ತು. ಬಹುಮಾನದ ಹಣ ಪಡೆಯಲು ಸೇವಾ ತೆರಿಗೆ, ಜಿಎಸ್ಟಿ ಕಟ್ಟಬೇಕು ಎಂದು ತಿಳಿಸಿ ಮೊದಲಿಗೆ 12 ಸಾವಿರ ರೂ. ಹಣವನ್ನು ಫೋನ್ ಪೇ ಮೂಲಕ ಕಟ್ಟಿಸಿಕೊಂಡಿದ್ದರು.
ಇದನ್ನೂ ಓದಿ » ಯುವತಿಯ ಫೇಸ್ಬುಕ್ ರಿಕ್ವೆಸ್ಟ್ ಒಪ್ಪಿದ ಶಿವಮೊಗ್ಗದ ಉದ್ಯಮಿಗೆ ಮುಂದೆ ಕಾದಿತ್ತು ಶಾಕ್
20 ದಿನದ ಅಂತರದಲ್ಲಿ ನಾನಾ ಕಾರಣಗಳನ್ನು ಹೇಳಿಕೊಂಡು ರಿಯಲ್ ಎಸ್ಟೇಟ್ ಉದ್ಯಮಿಯಿಂದ 17.55 ಲಕ್ಷ ರೂ. ಹಣ ಪಡೆಯಲಾಗಿದೆ. ಪುನಃ 4 ಲಕ್ಷ ರೂ. ಹಣ ಹಾಕುವಂತೆ ಒತ್ತಾಯಿಸಿದಾಗ ಅನುಮಾನಗೊಂಡು ವಿಚಾರಿಸಿದಾಗ ತಾನು ಮೋಸ ಹೋಗಿರುವುದು ರಿಯಲ್ ಎಸ್ಟೇಟ್ ಉದ್ಯಮಿಯ ಅರಿವಿಗೆ ಬಂದಿದೆ.
ಘಟನೆ ಸಂಬಂಧ ಶಿವಮೊಗ್ಗದ ಸಿ.ಇ.ಎನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
LATEST NEWS
- ಬೊಮ್ಮನಕಟ್ಟೆಯಲ್ಲಿ ನಿರ್ಮಾಣ ಹಂತದ ಮನೆಗೆ ಬೆಳಗ್ಗೆ ಬಂದ ಇಂಜಿನಿಯರ್ಗೆ ಕಾದಿತ್ತು ಶಾಕ್, ಆಗಿದ್ದೇನು?
- ದೀವರ ಕ್ಷೇಮಾಭಿವೃದ್ಧಿ ಸಂಘ; ಕಾರ್ಯಕಾರಿ ಸಮಿತಿ ಪುನರ್ ರಚನೆ, ಯಾರಿಗೆ ಯಾವ ಜವಾಬ್ದಾರಿ?
- ಶಿವಮೊಗ್ಗದ ಶಕ್ತಿ ಟೊಯೊಟಾ ಶೋ ರೂಂನಲ್ಲಿ ಕೆಲಸ ಖಾಲಿ ಇದೆ
- ಶಿವಮೊಗದ ಸಿಟಿ ಬಸ್ಸಿನಲ್ಲಿ ಶಿಕ್ಷಕಿಯ ₹4,00,000 ದ ಮಾಂಗಲ್ಯ ಸರ ಕಳ್ಳತನ, ಹೇಗಾಯ್ತು ಘಟನೆ?
- ಶಿವಮೊಗ್ಗದ ಜಿಲ್ಲೆಯ ಮೂವರು ಪೊಲೀಸರಿಗೆ ಮುಖ್ಯಮಂತ್ರಿ ಪದಕ
About The Editor
ನಿತಿನ್ ಆರ್.ಕೈದೊಟ್ಲು
ಮಾಜಿ ಸಚಿವ ಕಿಮ್ಮನೆ ರತ್ನಾಕರ್ ವಿರುದ್ಧ ಕಾಮೆಂಟ್ ಹಾಕಿದ ವ್ಯಕ್ತಿಗೆ ಸಂಕಷ್ಟ, ಆಗಿದ್ದೇನು?