ಕೆಂಚನಾಲ ಮಾರಿಕಾಂಬ ಜಾತ್ರೆ, ರಾಜ್ಯದ ಎಲ್ಲೆಡೆಗಿಂತಲು ವಿಭಿನ್ನ, ಹೇಗಿರುತ್ತೆ ಮಹೋತ್ಸವ?

ರಿಪ್ಪನ್‌ಪೇಟೆ: ಮಾರಿಕಾಂಬ ಜಾತ್ರೆಗಳು (Marikamba Jatre) ಎರಡು ವರ್ಷಕ್ಕೊ, ಮೂರು ವರ್ಷಕ್ಕೊ ಒಮ್ಮೆ ನಡೆಯುವುದು ವಾಡಿಕೆ. ಆದರೆ ಈ ಊರಿನಲ್ಲಿ ವರ್ಷಕ್ಕೆ ಎರಡು ಬಾರಿ ಜಾತ್ರೆ ನಡೆಯಲಿದೆ. ಸುಮಾರು 800 ವರ್ಷದಿಂದ ಇಲ್ಲಿ ಇದೇ ಪದ್ಧತಿ ಇದೆ. ಅಷ್ಟೆ ಅಲ್ಲ, ಇಲ್ಲಿನ ಮಾರಿಕಾಂಬ ಜಾತ್ರೆ ಹಲವು ವಿಶೇಷತೆಗಳನ್ನು ಒಳಗೊಂಡಿದೆ, ರಾಜ್ಯದ ವಿವಿಧೆಡೆ ಜಾತ್ರೆಗಿಂತಲು ವಿಭಿನ್ನವಾಗಿದೆ.

ಜಾತ್ರೆ ವಿಶೇಷತೆಗಳೇನು? ಇಲ್ಲಿದೆ ಪಾಯಿಂಟ್ಸ್‌

ಕೆಂಚನಾಲದ ಶ್ರೀ ಮಾರಿಕಾಂಬ ದೇವಸ್ಥಾನವು ಮುಜರಾಯಿ ಇಲಾಖೆ ವ್ಯಾಪ್ತಿಗೆ ಒಳಪಟ್ಟಿದೆ. ಈ ದೇವಿಯ ಜಾತ್ರೆಯ ವಿಶೇಷತೆ ಕುರಿತು ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಕಾರ್ಯದರ್ಶಿ ಪರಮೇಶ್ವರಪ್ಪ ಅವರು ಶಿವಮೊಗ್ಗ ಲೈವ್‌ಗೆ ಮಾಹಿತಿಗೆ ನೀಡಿದರು. ಅದರ 10 ಪ್ರಮುಖಾಂಶ ಇಲ್ಲಿದೆ.

2ಅನಾಹುತವಾಗಿತ್ತು: ಸುಮಾರು 800 ವರ್ಷದಿಂದ ಇಲ್ಲಿ ಈ ಪದ್ಧತಿ ಇದೆ. ಹಿಂದೆ ವರ್ಷಕ್ಕೆ ಒಂದು ಬಾರಿ ಮಾತ್ರ ಜಾತ್ರೆ ಮಾಡಲು ಪ್ರಯತ್ನಿಸಿದಾಗ ಅನಾಹುತಗಳಾಗಿದ್ದವು. ಅಂದಿನಿಂದ ವರ್ಷಕ್ಕೆ ಎರಡು ಬಾರಿ ಜಾತ್ರೆ ನಡೆಸುವ ಪದ್ಧತಿ ಮುಂದುವರಿದಿದೆ.

3ಜಾತ್ರೆಯ ಸಮಯವೇನು?: ಬೇಸಿಗೆಯಲ್ಲಿ ಶೂನ್ಯ ಮಾಸದ ಹುಣ್ಣಿಮೆಯ ನಂತರ ಮತ್ತು  ಅಮಾವಾಸ್ಯೆಯ ಒಳಗೆ ಜಾತ್ರೆ ನಡೆಯಲಿದೆ. ಮಳೆಗಾಲದಲ್ಲಿ ಆಷಾಢ ಮಾಸದ ಹುಣ್ಣಿಮೆ ಕಳೆದು ಅಮಾವಾಸ್ಯೆಯೊಳಗೆ ನಡೆಸಲಾಗುತ್ತದೆ.

4ಮೂರ್ತಿ ತಯಾರಿ ಹೇಗೆ?: ಮೊದಲು ಒಂದೇ ರಾತ್ರಿಯಲ್ಲಿ ಮರದ ಮೂರ್ತಿಯನ್ನು ಕೆತ್ತಿ ತರಲಾಗುತ್ತಿತ್ತು. ಈಗ ಮರದ ಕೊರತೆಯಿಂದಾಗಿ ಒಂದು ಶಾಶ್ವತ ಮೂರ್ತಿ ಇಟ್ಟುಕೊಂಡು, ಅದರ ಜೊತೆಗೆ ಪ್ರತಿ ವರ್ಷ ಒಂದು ಸಣ್ಣ ಮರದ ಮೂರ್ತಿಯನ್ನು ಕೆತ್ತಿಸಿಕೊಂಡು ಜಾತ್ರೆ ನಡೆಸಲಾಗುತ್ತದೆ.

ಇದನ್ನೂ ಓದಿ » ಶಬರಿಮಲೈ ಸಮೀಪ ಶಿವಮೊಗ್ಗ, ಭದ್ರಾವತಿ ಮಾಲಾಧಾರಿಗಳಿಂದ ದಿಢೀರ್‌ ಪ್ರತಿಭಟನೆ, ಕಾರಣವೇನು?

5ಆಭರಣದಿಂದ ಅಲಂಕಾರ: ಕೆಂಚನಾಲದ ಮಾರಮ್ಮನಿಗೆ ಬಣ್ಣ ಹಚ್ಚುವುದಿಲ್ಲ. ಬದಲಾಗಿ ಆಭರಣಗಳಿಂದ ದೇವಿಯ ಅಲಂಕಾರ ಮಾಡಲಾಗುತ್ತದೆ. ಆದ್ದರಿಂದ ಈ ಮಾರಿಕಾಂಬೆಯನ್ನು ಶೃಂಗಾರ ಮಾರಮ್ಮ ಎನ್ನಲಾಗುತ್ತದೆ.

6ಪೂಜಾ ವಿಧಿವಿಧಾನ: ಪೂಜಾರಪ್ಪ ಅವರ ಮನೆಯಿಂದ ಬೆಳಗಿನ ಜಾವ ಪೂಜೆ ನೆರವೇರಿಸಿ ದೇವಿಯ ಮೂರ್ತಿಯನ್ನು ಗದ್ದುಗೆಯ ಸ್ಥಳಕ್ಕೆ ತರಲಾಗುತ್ತದೆ. ದೇವಸ್ಥಾನದ ಗರ್ಭಗುಡಿಯ ಹೊರಗಿನ ಗದ್ದುಗೆಯ ಮೇಲೆ ಮೂರ್ತಿಯನ್ನು ಪ್ರತಿಷ್ಠಾಪಿಸಲಾಗುತ್ತದೆ.

7ಕಾಯಿ ಹರಕೆ: ಜಾತ್ರೆ ಸಂದರ್ಭಭಕ್ತರು ತಮ್ಮ ಮನೆಯಲ್ಲಿರುವ ದನಕರುಗಳ ಸಂಖ್ಯೆಗೆ ಅನುಗುಣವಾಗಿ ತೆಂಗಿನಕಾಯಿ ಹರಕೆ ಒಪ್ಪಿಸುತ್ತಾರೆ. ಮನೆಯಲ್ಲಿ 10 ದನಗಳಿದ್ದರೆ 10 ಕಾಯಿ ಅರ್ಪಿಸುವ ಪದ್ಧತಿ ಇದೆ. ಇನ್ನು, ದೇವಸ್ಥಾನದ ಮುಂದೆ ಕೋಳಿಗಳನ್ನು ಕೊಯ್ಯುವ ಪದ್ಧತಿ ಇಲ್ಲ. ಭಕ್ತರು ಹರಕೆಯಾಗಿ ತಂದ ಜೀವಂತ ಕೋಳಿಗಳನ್ನು ದೇವಸ್ಥಾನಕ್ಕೆ ನೀಡುತ್ತಾರೆ. ನಂತರ ಅವುಗಳನ್ನು ಹರಾಜು ಹಾಕಲಾಗುತ್ತದೆ.

8ಸಂಜೆ ಮೆರವಣಿಗೆ, ಹೇಗಿರುತ್ತೆ?: ಸಂಜೆ ದೇವಿಯ ಮೂರ್ತಿಯ ಮೆರವಣಿಗೆ ನಡೆಸಲಾಗುತ್ತದೆ. 5 ಅಡಿಯ ಮರದ ಮೂರ್ತಿಯನ್ನು ಪೂಜಾರಪ್ಪ ತಲೆಯ ಮೇಲೆ ಹೊತ್ತು ಸಾಗುತ್ತಾರೆ. ಹೊಸೂರು -ಅರಸಾಳು ಗಡಿವರೆಗೆ ಮೆರವಣಿಗೆಯಲ್ಲಿ ಕೊಂಡೊಯ್ದು, ಅಲ್ಲಿ ಮೂರ್ತಿಯನ್ನು ಬಿಟ್ಟು ಬರಲಾಗುತ್ತದೆ. ಈ ಸಂದರ್ಭ ನಿರ್ದಿಷ್ಟ ಸಮುದಾಯದವರು ಮಾತ್ರ ದೇವಿಗೆ ಅಲ್ಲಲ್ಲಿ ಹೆಗಲು ಕೊಡಲಬಹದು. ಇದರ ಹೊರತು ಬೇರಾರು ದೇವಿಯನ್ನು ಮುಟ್ಟುವಂತಿಲ್ಲ.

9ಬಾಗಿಲು ಮುಚ್ಚುವ ಪದ್ಧತಿ: ಪ್ರತಿ ಬಾರಿ ಜಾತ್ರೆ ಮುಗಿದ ರಾತ್ರಿ 8.30ಕ್ಕೆ ಗರ್ಭಗುಡಿಯ ಬಾಗಿಲನ್ನು ಸೀಲ್ ಮಾಡಲಾಗುತ್ತದೆ. ಜಾತ್ರೆಯ ನಂತರದ ಶುಕ್ರವಾರದವರೆಗೆ ಬಾಗಿಲು ತೆಗೆಯುವುದಿಲ್ಲ.

10ಸಾವಿರ ಸಾವಿರ ಜನ: ಒಂದು ದಿನದ ಈ ಜಾತ್ರೆಗೆ ಸುತ್ತಮುತ್ತಲಿನ ಹಳ್ಳಿಗಳಿಂದ ಸುಮಾರು 18 ರಿಂದ 22 ಸಾವಿರ ಭಕ್ತರು ಆಗಮಿಸುತ್ತಾರೆ.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ