ಟೆಕ್ ನ್ಯೂಸ್: ವಾಟ್ಸಾಪ್ ತನ್ನ ಬಳಕೆದಾರರ ಗೌಪ್ಯತೆ ಮತ್ತಷ್ಟು ಬಲಪಡಿಸಲು ಹೊಸ ಪ್ರಯೋಗ ನಡೆಸುತ್ತಿದೆ. ಫೋಟೊ, ವಿಡಿಯೊ ಹಾಗೂ ವಾಯ್ಸ್ ನೋಟ್ಗಳಿಗೆ ಸೀಮಿತವಾಗಿದ್ದ VIEW ONCE (ಒಮ್ಮೆ ಮಾತ್ರ ವೀಕ್ಷಿಸುವ) ಸೌಲಭ್ಯ ಇನ್ಮುಂದೆ ಸಾಮಾನ್ಯ TEXT ಮೆಸೇಜ್ಗಳಿಗೂ ವಿಸ್ತರಿಸಲು ಮುಂದಾಗಿದೆ.➤ ಸುದ್ದಿಯ ಮುಂದಿನ 2 ಪ್ಯಾರಾಗಳು ಕೆಳಗಿವೆ.
ಸದ್ಯ ಆಂಡ್ರಾಯ್ಡ್ನ ಬೀಟಾ ಆವೃತ್ತಿಯಲ್ಲಿ ಈ ಫೀಚರ್ ಅನ್ನು ಪರೀಕ್ಷಿಸಲಾಗುತ್ತಿದೆ. ಈ ಹೊಸ ಫೀಚರ್ ಅನ್ವಯ, ಮೆಸೇಜ್ ಕಳುಹಿಸುವವರು VIEW ONCE ಎಂದು ಮಾರ್ಕ್ ಮಾಡಿದರೆ, ಅದನ್ನು ಸ್ವೀಕರಿಸುವವರು ಕೇವಲ ಒಂದು ಬಾರಿ ಮಾತ್ರ ಓದಬಹುದಾಗಿದೆ. ಆ ಮೆಸೇಜ್ ಓದಿದ ಬಳಿಕ ತಕ್ಷಣ ಅದು ಕಣ್ಮರೆಯಾಗುತ್ತದೆ ಎಂದು ಡಬ್ಲು.ಎ.ಬೀಟಾ ಇನ್ಫೋ ವರದಿ ಮಾಡಿದೆ.
ಬಳಕೆದಾರರ ಸುರಕ್ಷತೆಯ ದೃಷ್ಟಿಯಿಂದ ಈ ಮೆಸೇಜುಗಳ ಸ್ಕ್ರೀನ್ಶಾಟ್ ತೆಗೆದುಕೊಳ್ಳಲು ಅವಕಾಶ ಇರುವುದಿಲ್ಲ. ಅಲ್ಲದೆ ಈ ಮೆಸೇಜುಗಳನ್ನು ಫಾರ್ವರ್ಡ್ ಮಾಡಲು ಸಾಧ್ಯವಿರುವುದಿಲ್ಲ ಎಂದು ವರದಿಯಾಗಿದೆ.
Messenger
WhatsApp