SHIVAMOGGA LIVE NEWS | 19 FEBRUARY 2024

THIRTHAHALLI : ಮನೆಯಲ್ಲಿದ್ದ ಒಂದು ಮೂಟೆ ಅಡಿಕೆ ಕಳ್ಳತನ ಮಾಡಲಾಗಿದೆ. ನಡುರಾತ್ರಿ ಮನೆಯಲ್ಲಿದ್ದವರು ಎಚ್ಚರವಾದಾಗ ಕಳ್ಳತನ ಬೆಳಕಿಗೆ ಬಂದಿದೆ. ತೀರ್ಥಹಳ್ಳಿ ತಾಲೂಕು ಕೀಗಡಿಯಲ್ಲಿ ಘಟನೆ ಸಂಭವಿಸಿದೆ.

ರುದ್ರಪ್ಪ ಎಂಬುವವರ ಮನೆಯಲ್ಲಿ ಮೂರು ಮೂಟೆ ಅಡಿಕೆ ಇಡಲಾಗಿತ್ತು. ಫೆ.15ರ ರಾತ್ರಿ ಕುಟುಂಬದವರು ಮಲಗುವಾಗ ಅಡಿಕೆ ಇತ್ತು. ಮಧ್ಯರಾತ್ರಿ 2 ಗಂಟೆಗೆ ರುದ್ರಪ್ಪ ಅವರು ಎಚ್ಚರವಾಗಿ, ಕೊಟ್ಟಿಗೆಯಲ್ಲಿದ್ದ ಹಸು ಕರು ಹಾಕಿದೆಯೇ ಎಂದು ಪರಿಶೀಲಿಸಲು ತೆರಳಿದಾಗ ಅಡಿಕೆ ಚೀಲ ನಾಪತ್ತೆಯಾಗಿತ್ತು. ಕಳುವಾದ ಅಡಿಕೆ ಮೂಟೆಯಲ್ಲಿ ಸುಮಾರು 25 ಸಾವಿರ ರೂ. ಮೌಲ್ಯದ 60 ಕೆ.ಜಿ.ಅಡಿಕೆ ಇತ್ತು ಆರೋಪಿಸಲಾಗಿದೆ. ಘಟನೆ ಸಂಬಂಧ ಮಾಳೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ – ಪೊಲೀಸ್‌ ಸಿಬ್ಬಂದಿ ಮನೆಯಲ್ಲಿ ಬೀರು ತೆಗೆದ ಕುಟುಂಬದವರಿಗೆ ಕಾದಿತ್ತು ಆಘಾತ, ಏನಾಗಿತ್ತು?