ಶಿವಮೊಗ್ಗ ಲೈವ್.ಕಾಂ | SHIMOGA NEWS | 26 MARCH 2021
ಶಿವಮೊಗ್ಗದಲ್ಲಿ ಮತ್ತೊಬ್ಬ ಮಹಿಳೆಯ ಮಾಂಗಲ್ಯ ಸರ ಕಳ್ಳತನವಾಗಿದೆ. ಹಿಂಬದಿಯಿಂದ ಬೈಕ್ನಲ್ಲಿ ಬಂದ ಕಳ್ಳರು ಈ ಕೃತ್ಯ ಎಸಗಿದ್ದಾರೆ.
ಹೊನ್ನವಿಲೆಯೆ ಪ್ರೇಮಾ ಎಂಬುವವರ ಮಾಂಗಲ್ಯ ಸರವನ್ನು ಕಳ್ಳರು ಕದ್ದೊಯ್ದಿದ್ದಾರೆ. ಪ್ರೇಮಾ ಅವರು ತಮ್ಮ ಪತಿ ಜೊತೆಗೆ ದ್ವಿಚಕ್ರ ವಾಹನದಲ್ಲಿ, ಹೊನ್ನವಿಲೆಯಿಂದ ಮಲವಗೊಪ್ಪಕ್ಕೆ ತೆರಳುತ್ತಿದ್ದರು. ಈ ವೇಳೆ ಭದ್ರಾವತಿ ಕಡೆಯಿಂದ ಬೈಕ್ನಲ್ಲಿ ಬಂದ ಯುವಕರಿಬ್ಬರು ಪ್ರೇಮಾ ಅವರಿದ್ದ ಬೈಕನ್ನು ಸ್ವಲ್ಪ ದೂರ ಫಾಲೋ ಮಾಡಿದ್ದಾರೆ.
ನಿದಿಗೆ ಹುಡ್ಕೊ ಕಾಲೋನಿ ಬಳಿ, ಬೈಕ್ ಸವಾರರು ಪ್ರೇಮಾ ಮತ್ತು ಅವರ ಪತಿ ತೆರಳುತ್ತಿದ್ದ ಬೈಕ್ ಸಮೀಪಕ್ಕೆ ಬಂದು, ಮಾಂಗಲ್ಯ ಸರ ಕಿತ್ತೊಯ್ದಿದ್ದಾರೆ. ಕಳ್ಳರು ಬೈಕ್ನಲ್ಲಿ ಶಿವಮೊಗ್ಗದ ಕಡೆಗೆ ತೆರಳಿದ್ದಾರೆ. ಮಾಂಗಲ್ಯ ಸರವು ಸುಮಾರು 44 ಗ್ರಾಂ ತೂಕವಿತ್ತು. ಇದರ ಮೌಲ್ಯ 1.50 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ. ಮಂಗಳವಾರ ರಾತ್ರಿ ಘಟನೆ ಸಂಭವಿಸಿದೆ.
ತುಂಗಾ ನಗರ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ಸಂಭವಿಸಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
ಶಿವಮೊಗ್ಗ ಲೈವ್ಗೆ ಸುದ್ದಿ ನೀಡಲು ಕರೆ ಮಾಡಿ 9964634494
ವಾಟ್ಸಪ್ನಲ್ಲಿ ಸುದ್ದಿಗಾಗಿ 7411700200
ಶಿವಮೊಗ್ಗ ಲೈವ್ ಈ ಮೇಲ್ shivamoggalive@gmail.com
Messenger
WhatsApp