SHIVAMOGGA LIVE NEWS | 25 DECEMBER 2023

ಮೇಷ

ಎಲ್ಲಾ ಮೂಲಗಳಿಂದಲೂ ಧನಾಗಮನ. ಪಿತ್ರಾರ್ಜಿತ ಆಸ್ತಿ ಲಭಿಸುವ ಯೋಗ. ಮನೆಯಲ್ಲಿ ಬಂಧು ಮಿತ್ರರ ಆಗಮನ. ಸುಖ ಪ್ರಯಾಣ ಯೋಗ. ಪ್ರಾಪ್ತ ವಯಸ್ಕರಿಗೆ ವಿವಾಹ ಯೋಗ ಕೂಡಿ ಬರುವುದು.

ವೃಷಭ

ಉದ್ಯೋಗ ಸ್ಥಾನದಲ್ಲಿ ಕಿರಿಕಿರಿ. ಹಿರಿಯ ಅಧಿಕಾರಿಗಳ ಕೆಂಗಣ್ಣಿಗೆ ಗುರಿಯಾಗುವ ಸಾಧ್ಯತೆ. ಬಾಳ ಸಂಗಾತಿಯೊಡನೆ ಮನಸ್ತಾಪ. ಮಕ್ಕಳ ಆರೋಗ್ಯದ ಬಗ್ಗೆ ಚಿಂತೆ. ಹಣ ವಿಪರೀತ ಖರ್ಚಾಗುವ ಸಾಧ್ಯತೆ.

ಮಿಥುನ

ತಂದೆಯ ಆರೋಗ್ಯದ ಬಗ್ಗೆ ವಿಶೇಷ ಗಮನವಿರಲಿ. ವ್ಯವಹಾರದಲ್ಲಿ ಉತ್ತಮ ಲಾಭ ಪ್ರಾಪ್ತವಾಗುವುದು. ಭೂಮಿಯ ಸಂಬಂಧಿತ ವ್ಯವಹಾರಗಳಲ್ಲಿ ಅಡೆತಡೆಗಳು ಆಗುವ ಸಾಧ್ಯತೆ. ಮಕ್ಕಳಿಂದ ಸಂತೋಷ. ಹೆಂಡತಿಯೊಡನೆ ಮನಸ್ತಾಪ.

ಕರ್ಕ

ಅಷ್ಟಮ ಶನಿಯ ಬಾಧೆಯು ನಿಮ್ಮನ್ನು ವಿಪರೀತವಾಗಿ ಕಾಡುವುದು. ಮಕ್ಕಳು ಹೇಳಿದ ಮಾತನ್ನು ಕೇಳುವುದಿಲ್ಲ. ಆರ್ಥಿಕ ತೊಂದರೆಯು ಹೆಚ್ಚಾಗುವುದು. ವಾಹನ ಖರೀದಿ ಯೋಗ ಇದೆ. ನೌಕರಿ ಬದಲಾವಣೆ ಆಗುವ ಸಾಧ್ಯತೆಗಳು ದಟ್ಟವಾಗಿವೆ.

ಸಿಂಹ

ಗುರುವಿನ ಪೂರ್ಣ ಅನುಗ್ರಹದಿಂದ ಏನೇ ತೊಂದರೆಗಳು ಬಂದರು ಅವುಗಳನ್ನು ಸಮರ್ಥವಾಗಿ ನಿಭಾಯಿಸುವಿರಿ. ಖರ್ಚಿನ ಬಗ್ಗೆ ಹೆಚ್ಚಿನ ಜಾಗರೂಕತೆ ವಹಿಸಿ. ಅಕ್ಕ ತಂಗಿಯರನ್ನು ಭೇಟಿಯಾಗುವ ಯೋಗ. ಭೂ ಸಂಬಂಧಿತ ವ್ಯಾಜ್ಯಗಳು ತಲೆದೂರುವ ಸಂಭವವಿದೆ. ವಾಹನಗಳನ್ನು ಚಲಾಯಿಸುವಾಗ ಹೆಚ್ಚಿನ ಜಾಗರೂಕತೆ ವಹಿಸಿ.

ಕನ್ಯಾ

ಆರನೇ ಶನಿ ಹಾಗೂ ಮೂರನೇ ಮಂಗಳ ನಿಮಗೆ ಅಪರಿಮಿತವಾದ ಧೈರ್ಯವನ್ನು ತುಂಬುವರು. ಹೊಸ ಬಂಡವಾಳ ಹೂಡಿಕೆ ಹಾಗೂ ಹೊಸ ಉದ್ಯೋಗ ಪ್ರಾರಂಭಿಸಲು ಉತ್ತಮವಾದ ಸಮಯ. ವಾಹನಗಳ ರಿಪೇರಿಗೆ ಹೆಚ್ಚಿನ ಹಣ ಖರ್ಚಾಗುವುದು. ಸೇವಾ ಶುಲ್ಕಗಳನ್ನು ಕಟ್ಟುವ ಅನಿವಾರ್ಯತೆ ಉಂಟಾಗುವುದು.

ತುಲಾ

ಆರ್ಥಿಕ ದೃಷ್ಟಿಯಿಂದ ಈ ಸಪ್ತಾಹವು ನಿಮಗೆ ಅತ್ಯಂತ ಅಶುಭವಾಗಿದೆ. ನಾನಾ ಕಾರಣಗಳಿಂದ ಹಣ ಖರ್ಚಾಗುವುದು. ಬರಬೇಕಾದ ಹಣವು ಬರುವುದಿಲ್ಲ. ಆದರೆ ಆರೋಗ್ಯದ ದೃಷ್ಟಿಯಿಂದ ಇದು ಅತ್ಯಂತ ಒಳ್ಳೆಯ ಸಮಯ. ದೀರ್ಘಾವಧಿ ಅನಾರೋಗ್ಯಗಳು ಪರಿಹಾರವಾಗುವುವು. ಕಣ್ಣಿನ ಶಸ್ತ್ರಚಿಕಿತ್ಸೆಯು ಯಶಸ್ವಿಯಾಗುವುದು.

ವೃಶ್ಚಿಕ

ಉದ್ಯೋಗ ಸ್ಥಾನದಲ್ಲಿ ಕಿರಿಕಿರಿ ಹೆಚ್ಚಾಗುವುದು. ಹಿತಶತ್ರುಗಳ ಬಾಧೆಯು ಕಾಡುವುದು. ಆದರೆ ಆರ್ಥಿಕ ದೃಷ್ಟಿಯಿಂದ ಈ ಸಪ್ತಾಹ ನಿಮಗೆ ಅತ್ಯಂತ ಶುಭ ಪ್ರದವಾಗಲಿದೆ. ನಾನಾ ಮೂಲಗಳಿಂದ ಹಣದ ಒಳಹರಿವನ್ನು ಕಾಣುವಿರಿ. ಹೂಡಿದ ಬಂಡವಾಳ ಅತ್ಯಧಿಕ ಲಾಭ ತಂದು ಕೊಡುವುದು.

ಧನು

ಈ ವಾರ ಮನೆ ಅಥವಾ ನಿವೇಶನ ಖರೀದಿ ಯೋಗ ಅತ್ಯಂತ ಪ್ರಬಲವಾಗಿರುವುದು. ನೀವು ಬಯಸಿದಂತಹ ಆಸ್ತಿ ನಿಮ್ಮ ಕೈಗೆಟಕುವ ದರದಲ್ಲಿ ಲಭ್ಯವಾಗುವುದು. ಆರ್ಥಿಕವಾಗಿಯೂ ಈ ಸಪ್ತಾಹ ನಿಮಗೆ ಉತ್ತಮವಾಗಿದೆ. ಎಲ್ಲಾ ಮೂಲಗಳಿಂದಲೂ ಲಾಭವನ್ನು ಪಡೆಯುವಿರಿ. ಉದ್ಯೋಗಿಗಳಿಗೆ ಬೋನಸ್ ಪ್ರಾಪ್ತವಾಗುವ ಸಾಧ್ಯತೆಗಳಿವೆ.

ಮಕರ

ಉದ್ಯೋಗದಲ್ಲಿ ಬಡ್ತಿಯಾಗುವ ಯೋಗವಿದೆ. ಆರ್ಥಿಕವಾಗಿ ಪ್ರಯೋಜನ ಆಗದಿದ್ದರೂ ನಿಮ್ಮ ಸ್ಥಾನಮಾನಗಳು ಹೆಚ್ಚಲಿವೆ. ಸೋದರರೊಡನೆ ಮನಸ್ತಾಪ ಸಾಧ್ಯತೆ. ವಾರಾಂತ್ಯದಲ್ಲಿ ಮಗಳಿಂದ ಶುಭ ಸುದ್ದಿ ಪ್ರಾಪ್ತಿ.

ಕುಂಭ

ಶನಿ ಮತ್ತು ರಾಹುವನ್ನು ಹೊರತುಪಡಿಸಿ ಬಾಕಿ ಎಲ್ಲ ಗ್ರಹಗಳು ನಿಮಗೆ ಉತ್ತಮ ಸ್ಥಾನದಲ್ಲಿವೆ. ಆ ಎಲ್ಲ ಗ್ರಹಗಳ ಶುಭಾಶೀರ್ವಾದ ದಿಂದ ನಿಮ್ಮ ಉದ್ಯೋಗ ಆರೋಗ್ಯ ವ್ಯವಹಾರಗಳು ಉತ್ತಮವಾಗಿ ನಡೆಯಲಿದೆ. ಆದರೂ ಜನ್ಮ ರಾಶಿಯಲ್ಲಿದ್ದ ಶನಿಯ ಪ್ರಭಾವದಿಂದ ಮನಸ್ಸು ಧೈರ್ಯಗೊಳ್ಳುವುದು. ಶನಿ ಜಪ ಹೋಮ ಶಾಂತಿಗಳನ್ನು ಮಾಡಿಸಿ ನೆಮ್ಮದಿ ಪಡೆಯಿರಿ.

ಮೀನ

ಆರ್ಥಿಕವಾಗಿ ಅತ್ಯಂತ ಕಷ್ಟದ ಸಮಯ. ದುಂದು ವೆಚ್ಚ ಮಾಡದಿದ್ದರೂ ತಪ್ಪಿಸಲಾಗದಂತಹ ಖರ್ಚುಗಳು ನಿಮಗೆ ಒದಗಿ ಬಂದು ಆರ್ಥಿಕ ಸ್ಥಿತಿ ಡೋಲಾಯಮಾನ ಗೊಳಿಸುವುವು. ಗುತ್ತಿಗೆದಾರರಿಗೆ ಹೊಸ ಗುತ್ತಿಗೆ ದೊರೆಯುವುವು. ಸರ್ಕಾರಿ ಅಧಿಕಾರಿಗಳು ನಿಮಗೆ ಅನುಕೂಲ ಮಾಡಿಕೊಡುವರು.

ಇದನ್ನೂ ಓದಿ – ಶಿವಮೊಗ್ಗದಲ್ಲಿ ಕ್ರಿಸ್‌ಮಸ್‌ಗೆ ಸಿದ್ಧತೆ ಜೋರು, ಹೇಗಿದೆ ಈ ಬಾರಿಯ ಅಲಂಕಾರ?