SHIVAMOGGA LIVE NEWS | 3 NOVEMBER 2023
SHIMOGA : ಪತ್ನಿಗೆ ಹುಷಾರಿಲ್ಲ ಅಕೆಯನ್ನು ಆಸ್ಪತ್ರೆಗೆ ಕರೆದೊಯ್ಯಬೇಕು ಎಂದು ಸ್ನೇಹಿತನ ಇನ್ನೋವಾ (Innova) ಕಾರು ಪಡೆದ ವ್ಯಕ್ತಿಯೊಬ್ಬ ಈಗ ಕಾರು ಸಹಿತ ನಾಪತ್ತೆಯಾಗಿದ್ದಾನೆ. ಜಿಪಿಎಸ್ ಟ್ರ್ಯಾಕರ್ ಪರಿಶೀಲಿಸಿದಾಗ ಕಾರು ತರೀಕೆರೆಯಲ್ಲಿ ಇರುವುದು ಗೊತ್ತಾಗಿದೆ. ಘಟನೆ ಸಂಬಂಧ ದೊಡ್ಡಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕಿರಣ್ ಎಂಬಾತ ಆರ್ಎಂಎಲ್ ನಗರದ ಸಯ್ಯದ್ ಸಾದಿಕ್ ಎಂಬುವವರ ಇನ್ನೋವಾ ಕಾರನ್ನು ಪಡೆದಿದ್ದ. ತನ್ನ ಪತ್ನಿಯನ್ನು ಆಸ್ಪತ್ರೆಗೆ ಕರೆದೊಯ್ಯಬೇಕು ಎಂದು ತಿಳಿಸಿದ್ದರಿಂದ ಸಾದಿಕ್ ಅವರು ಕಾರು ನೀಡಿದ್ದರು. ಕಾರು ಕೊಂಡೊಯ್ದವನು ಹಿಂತಿರುಗಿಸದ ಹಿನ್ನೆಲೆ ಹುಡುಕಾಡಿದ ಸಯ್ಯದ್ ಸಾದಿಕ್ ಅವರಿಗೆ ಕಿರಿಣ್ ಸಿಕ್ಕಿಲ್ಲ. ಬಹು ಸಮಯದಿಂದ ಪರಿಚಯ ಇದ್ದಿದ್ದರಿಂದ ಸಯ್ಯದ್ ಸಾದಿಕ್ ಅವರು ಕಾರು ನೀಡಿದ್ದರು.
ಜಿಪಿಎಸ್ ಟ್ರ್ಯಾಕರ್ ಆನ್ ಮಾಡಿದಾಗ ಕಾರು ತರೀಕೆರೆಯಲ್ಲಿ ಇರುವುದು ಗೊತ್ತಾಗಿದೆ. ಕಾರು ಕೊಂಡೊಯ್ದು ಹಿಂತಿರುಗಿಸದೆ ನಾಪತ್ತೆಯಾಗಿರುವ ಕಿರಣ್ ವಿರುದ್ಧ ಸಯ್ಯದ್ ಸಾದಿಕ್ ದೂರು ನೀಡಿದ್ದಾರೆ. ದೊಡ್ಡಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ – SHIMOGA JOBS | ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ಕೆಲಸ, ಸ್ಟಾರ್ ಏರ್ನಿಂದ ನೇರ ಸಂದರ್ಶನ, ಯಾವಾಗ? ಎಲ್ಲಿ?