ಶಿವಮೊಗ್ಗ ಲೈವ್.ಕಾಂ | ಶಿವಮೊಗ್ಗ ಜಿಲ್ಲೆಯ ನಂಬರ್ 1 ಸುದ್ದಿ ಮಾಧ್ಯಮ
ಶಿವಮೊಗ್ಗದ ಲೈವ್.ಕಾಂ | SHIMOGA NEWS | 2 ಫೆಬ್ರವರಿ 2022
ಮಾಂಗಲ್ಯ ಸರ ಮತ್ತು ಚಿನ್ನದ ಚೈನ್ ತೆಗೆದು ದೇವರ ಮನೆಯಲ್ಲಿಟ್ಟು, ಸ್ನಾನ ಮುಗಿಸಿ ಬರುವಷ್ಟರಲ್ಲಿ ಕಳ್ಳತನವಾಗಿದೆ. ಮನೆ ಕೆಲಸಕ್ಕೆ ಬರುವ ಮಹಿಳೆಯ ಮಗನ ಮೇಲೆಯೆ ಅನುಮಾನ ಮೂಡಿದ್ದು, ಪ್ರಕರಣ ದಾಖಲಾಗಿದೆ.
ಜಾಹೀರಾತು ಶಿವಮೊಗ್ಗದಲ್ಲಿ ಮನೆ ಸಾಲ ಮತ್ತು ಇತರೆ ಲೋನ್ಗಳನ್ನು ಪಡೆಯುವುದು ಈಗ ಸುಲಭ. ಕರೆ ಮಾಡಿ 9972194422
ಗೋಪಾಳದಲ್ಲಿ ಘಟನೆ ಸಂಭವಿಸಿದೆ. ರಾಧಾ ಎಂಬುವವರು ಮಾಂಗಲ್ಯ ಸರ ಮತ್ತು ಚಿನ್ನ ಚೈನ್ ಕಳೆದುಕೊಂಡಿದ್ದಾರೆ.
ಹೇಗಾಯ್ತು ಚೈನ್ ಕಳ್ಳತನ?
ಸ್ನಾನಕ್ಕೆ ತೆರಳುವ ಮೊದಲು ರಾಧಾ ಅವರು ತಮ್ಮ ಮನೆಯ ದೇವರ ಮನೆಯಲ್ಲಿ ಮಾಂಗಲ್ಯ ಸರ, ಚಿನ್ನದ ಚೈನ್ ಇಟ್ಟು ಹೋಗಿದ್ದರು. ಅವರ ಪತಿ ಮನೆಯ ಟೆರೇಸ್ ಮೇಲೆ ಗಿಡಗಳಿಗೆ ನೀರು ಹಾಕಲು ತೆರಳಿದ್ದರು. ಈ ವೇಳೆ ಮನೆ ಕೆಲಸದ ಮಹಿಳೆಯ ಪುತ್ರ ಮನೆಗೆ ಬಂದಿದ್ದು, ದಿಢೀರ್ ವಾಪಸ್ ಬೈಕ್ ಹತ್ತಿ ಹೋಗಿದ್ದ.
ರಾಧಾ ಅವರು ಸ್ನಾನ ಮುಗಿಸಿ ಬಂದು ನೋಡಿದಾಗ ದೇವರ ಮನೆಯಲ್ಲಿದ್ದ ಮಾಂಗಲ್ಯ ಸರ, ಚಿನ್ನದ ಚೈನ್ ನಾಪತ್ತೆಯಾಗಿತ್ತು. ಮನೆ ಕೆಲಸದ ಮಹಿಳೆಯ ಮಗ ಬಂದು ಹೋಗಿದ್ದರಿಂದ, ಆತನ ಮೇಲೆ ಅನುಮಾನ ಮೂಡಿದೆ.
2 ಲಕ್ಷ ಮೌಲ್ಯದ ಚಿನ್ನಾಭರಣ ಕಳ್ಳತನವಾಗಿರುವ ಸಂಬಂಧ ತುಂಗಾ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Shimoga District Profile | About Shivamogga Live
ಶಿವಮೊಗ್ಗ ಲೈವ್.ಕಾಂ