ಶಿವಮೊಗ್ಗ ವಿಮಾನ ನಿಲ್ದಾಣ, ಒಂದೇ ದಿನ 400 ಮಂದಿ ಪ್ರಯಾಣ, ಎಲ್ಲೆಲ್ಲಿಗೆ ಎಷ್ಟು ಜನ ತೆರಳಿದರು?

Published : November 21, 2023 at 6:55 PM IST

SHIVAMOGGA LIVE NEWS | 21 NOVEMBER 2023

SHIMOGA : ಹೈದರಾಬಾದ್‌, ತಿರುಪತಿ ಮತ್ತು ಗೋವಾ ವಿಮಾನಯಾನ ಸೇವೆ ಆರಂಭವಾಗುತ್ತಿದ್ದಂತೆ ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಳವಾಗಿದೆ. ಇವತ್ತು 400ಕ್ಕೂ ಹೆಚ್ಚು ಪ್ರಯಾಣಿಕರು ವಿಮಾನ ನಿಲ್ದಾಣಕ್ಕೆ ಬಂದು ಹೋಗಿದ್ದಾರೆ.

ಸುತ್ತಮುತ್ತಲ ಜಿಲ್ಲೆಗಳಿಂದ ಜನ

ಇಂಡಿಗೋ ಸಂಸ್ಥೆ ಈವರೆಗೂ ಶಿವಮೊಗ್ಗ ಮತ್ತು ಬೆಂಗಳೂರು ಮಾರ್ಗದಲ್ಲಿ ವಿಮಾನಯಾನ ಸೇವೆ ಒದಗಿಸುತ್ತಿತ್ತು. ಮಂಗಳವಾರದಿಂದ ಸ್ಟಾರ್‌ ಏರ್‌ ಸಂಸ್ಥೆ ಶಿವಮೊಗ್ಗದಿಂದ ಹೈದರಾಬಾದ್‌, ತಿರುಪತಿ ಮತ್ತು ಗೋವಾಗೆ ಹಾರಾಟ ಆರಂಭಿಸಿದೆ. ಶಿವಮೊಗ್ಗ ಸೇರಿದಂತೆ ಸುತ್ತಮುತ್ತಲ ಜಿಲ್ಲೆಯ ಜನರು ಇದೆ ವಿಮಾನ ನಿಲ್ದಾಣಕ್ಕೆ ಆಗಮಿಸಿ ವಿಮಾಯಾನ ಕೈಗೊಳ್ಳುತ್ತಿದ್ದಾರೆ.

ಈವರೆಗೂ ವಿಮಾನಯಾನಕ್ಕೆ ಬೆಂಗಳೂರಿಗೆ ತೆರಳಬೇಕಿತ್ತು. ಶಿವಮೊಗ್ಗದಲ್ಲಿಯೇ ವಿಮಾನ ನಿಲ್ದಾಣದ ಆಗಿರುವುದು ಖುಷಿ. ಚಿತ್ರದುರ್ಗದಿಂದ ಕುಟುಂಬ ಸಹಿತ ಆಗಮಿಸಿದ್ದೇವೆ. ವಿಮಾನದ ಮೂಲಕ ತಿರುಪತಿಗೆ ಪ್ರಯಾಣ ಮಾಡುತ್ತಿದ್ದೇವೆ.ಡಾ.ಅಮೂಲ್ಯ, ಚಿತ್ರದುರ್ಗ ನಿವಾಸಿ

ವಯಸ್ಸಾಗಿರುವುದರಿಂದ ತಾಯಿ ಹೆಚ್ಚು ದೂರ ವಾಹನಗಳಲ್ಲಿ ಪ್ರಯಾಣ ಮಾಡಲು ಅಸಾಧ್ಯ. ನಮ್ಮೂರಿನಿಂದಲೆ ತಿರುಪತಿಗೆ ವಿಮಾನಯಾನ ಆರಂಭವಾಗಿದೆ. ಹಾಗಾಗಿ ತಾಯಿ ಮತ್ತು ಅಕ್ಕನನ್ನು ಕರೆದೊಯ್ಯುತ್ತಿದ್ದೇನೆ.ಗುರುಮೂರ್ತಿ, ಚನ್ನಗಿರಿಯ ನಲ್ಲೂರು ನಿವಾಸಿ

Passangers from Shimoga Airport

400ಕ್ಕೂ ಹೆಚ್ಚು ಪ್ರಯಾಣಿಕರು

ಇಂದು 400ಕ್ಕೂ ಹೆಚ್ಚು ಪ್ರಯಾಣಿಕರು ಶಿವಮೊಗ್ಗ ವಿಮಾನ ನಿಲ್ದಾಣದ ಮೂಲಕ ವಿವಿಧೆಡೆಗೆ ತೆರಳಿದ್ದಾರೆ.

ಇದನ್ನೂ ಓದಿ – ಶಿವಮೊಗ್ಗದಿಂದ ತಿರುಪತಿ, ಗೋವಾ, ಹೈದರಾಬಾದ್‌ ವಿಮಾನಯಾನ ಶುರು, ಹೇಗಿತ್ತು ಮೊದಲ ದಿನ?

‘ಇವತ್ತು ಶಿವಮೊಗ್ಗದಿಂದ ತಿರುಪತಿಗೆ 63 ಪ್ರಯಾಣಿಕರು, ಬೆಂಗಳೂರಿಗೆ 63, ಹೈದರಾಬಾದ್‌ಗೆ 45, ಗೋವಾಗೆ 55 ಮಂದಿ ಪ್ರಯಾಣಿಸಿದ್ದಾರೆ. ತಿರುಪತಿಯಿಂದ 25 ಮಂದಿ, ಗೋವಾದಿಂದ 33, ಹೈದರಾಬಾದ್‌ನಿಂದ 43 ಮಂದಿ ಆಗಮಿಸಿದ್ದಾರೆʼ ಎಂದು ಸಂಸದ ರಾಘವೇಂದ್ರ ತಿಳಿಸಿದರು.

ವಿವಿಧೆಡೆಗೆ ವಿಮಾನಯಾನ ಸೇವೆ ಆರಂಭವಾಗುತ್ತಿದ್ದಂತೆ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಳವಾಗುತ್ತಿದೆ.

Star Air flight from Shimoga