ಶಿವಮೊಗ್ಗ: ಜಿಲ್ಲೆಯಲ್ಲಿ ವಿಘ್ನನಿವಾರಕನ ಸ್ವಾಗತಕ್ಕೆ ಸಿದ್ಧತೆ ಜೋರಾಗಿದೆ. ಶಿವಮೊಗ್ಗ ನಗರದ ಸೈನ್ಸ್ ಮೈದಾನದಲ್ಲಿ ಮಾರಾಟಕ್ಕಿದ್ದ ಗಣೇಶ ಮೂರ್ತಿಗಳನ್ನು ಭಕ್ತರು ಶ್ರದ್ಧಾಭಕ್ತಿಯಿಂದ ಖರೀದಿಸಿ ಕೊಂಡೊಯ್ಯುತ್ತಿದ್ದಾರೆ.
ಮನೆಯಲ್ಲಿ ಪೂಜಿಸಲು ಸಾರ್ವಜನಿಕರು ಸಣ್ಣ ಮೂರ್ತಿಗಳನ್ನು ಖರೀದಿಸಿದರೆ, ಯುವಕ ಮಂಡಳಿಗಳು ಪೆಂಡಾಲ್ನಲ್ಲಿ ಪ್ರತಿಷ್ಠಾಪಿಸಲು ದೊಡ್ಡ ಗಾತ್ರದ ಮೂರ್ತಿಗಳನ್ನು ವಾಹನಗಳಲ್ಲಿ ಸಾಗಿಸಿದರು.
ವಿವಿಧ ಭಂಗಿಯ ಗಣಪತಿ ಮೂರ್ತಿಗಳು
ಈ ಬಾರಿ ವಿವಿಧ ಭಂಗಿಯ ಗಣಪತಿ ಮೂರ್ತಿಗಳು ಮಾರಾಟಕ್ಕಿಡಲಾಗಿದೆ. ಉಗ್ರ ನರಸಿಂಹನ ತೊಡೆಯ ಮೇಲೆ ಆಸೀನನಾದ ಗಣಪ ಹಾಗೂ ನಂದಿಯ ಮೇಲೆ ಕುಳಿತಿರುವ ವಿನಾಯಕ ಸೇರಿ ವಿವಿಧ ಭಂಗಿಯ ಪರಿಸರ ಸ್ನೇಹಿ ಮೂರ್ತಿಗಳು ಗಮನ ಸೆಳೆದವು. ಮೂರ್ತಿಗಳ ಗಾತ್ರ ಮತ್ತು ಅಲಂಕಾರಕ್ಕೆ ತಕ್ಕಂತೆ ₹400 ರಿಂದ ಗರಿಷ್ಠ ₹15,000 ವರೆಗೆ ದರ ನಿಗದಿಪಡಿಸಲಾಗಿತ್ತು.
ಗಾಂಧಿ ಬಜಾರ್ನಲ್ಲಿ ಜನಸಾಗರ
ಒಂದೇ ದಿನ ಗೌರಿ ಮತ್ತು ಗಣೇಶ ಚತುರ್ಥಿ ಹಬ್ಬಗಳು ಬಂದಿವೆ. ಈ ಹಿನ್ನೆಲೆ ಹಬ್ಬದ ಖರೀದಿ ಬಿರುಸು ಪಡೆದಿದೆ. ಗಾಂಧಿ ಬಜಾರ್ನಲ್ಲಿ ಜನಸಂದಣಿ ಹೆಚ್ಚಿತ್ತು. ಹೂವು, ಹಣ್ಣು, ತರಕಾರಿ, ಅಲಂಕಾರಿಕ ವಸ್ತುಗಳ ಖರೀದಿ ಜೋರಿತ್ತು.
Messenger
WhatsApp