SHIVAMOGGA LIVE NEWS | 19 MARCH 2024
SHIMOGA : ಸಾಲು ಸಾಲು ಆಸ್ಪತ್ರೆಗಳಿರುವ ರಸ್ತೆಯ ಮೇಲೆ ಚರಂಡಿ ನೀರು ಹರಿಯುತ್ತಿದೆ. ಕಾಯಿಲೆ ಗುಣಪಡಿಸಿಕೊಂಡು ಮನೆಗೆ ಹೋಗುವವರು ಹೊಸತೊಂದು ರೋಗ ಹೊತ್ತು ತೆರಳುವಂತಾಗಿದೆ. ಇದು ಶಿವಮೊಗ್ಗದ ಸರ್ಜಿ ಮಕ್ಕಳ ಆಸ್ಪತ್ರೆ ಇರುವ ರತ್ನಮ್ಮ ಮಾಧವರಾವ್ ರಸ್ತೆಯಲ್ಲಿನ ದುಸ್ಥಿತಿ.
ಕಳೆದ ಎರಡು ದಿನದಿಂದ ಆರ್ಎಂಆರ್ ರಸ್ತೆಯಲ್ಲಿ ಯುಜಿಡಿ ನೀರು ಉಕ್ಕಿ ರಸ್ತೆ ಮೇಲೆ ಹರಿಯುತ್ತಿದೆ. ಸರ್ಜಿ ಮಕ್ಕಳ ಆಸ್ಪತ್ರೆ, ಹೊಸತಾಗಿ ನಿರ್ಮಾಣವಾಗಿರುವ ಮ್ಯಾಕ್ಸ್ ಆಸ್ಪತ್ರೆ, ಹೊಟೇಲ್ಗಳು, ಮಳಿಗೆಗಳು, ಅಕ್ಕಪಕ್ಕ ಮನೆಗಳ ಮುಂದೆ ಚರಂಡಿ ನೀರು ನಿಂತಿದೆ. ಆಸ್ಪತ್ರೆಗೆ ಬರುವವರು ಮತ್ತು ಆಸ್ಪತ್ರೆಯಿಂದ ತೆರಳುವವರು ಚರಂಡಿ ನೀರನ್ನು ಮೆಟ್ಟಿಕೊಂಡು ಸಾಗುವಂತಾಗಿದೆ.
ಮಹಾನಗರ ಪಾಲಿಕೆಗೆ ವಿಷಯ ತಿಳಿಸಿದ್ದೇವೆ. ಆದರೆ ಪ್ರಯೋಜನವಾಗಿಲ್ಲ. ರಸ್ತೆಯಲ್ಲಿ ವಾಹನಗಳು ಓಡಾಡಿದರೆ ಚರಂಡಿ ನೀರು ಸಿಡಿಯುತ್ತಿದೆ. ರೋಗಿಗಳು, ಅವರ ಸಂಬಂಧಿಕರು ಚರಂಡಿ ನೀರು ಮಟ್ಟಿಕೊಂಡೆ ಓಡಾಡುವಂತಾಗಿದೆ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ – ಪೆಟ್ರೋಲ್ ಟ್ಯಾಂಕರ್ ಪಲ್ಟಿ, ಕೆಲಕಾಲ ಸ್ಥಳದಲ್ಲಿ ಭೀತಿ, ದೌಡಾಯಿಸಿದ ಅಗ್ನಿಶಾಮಕ ಸಿಬ್ಬಂದಿ