SHIVAMOGGA LIVE | 1 AUGUST 2023
ANAVATTI : ವರದಾ ನದಿಯಲ್ಲಿ (Varada River) ಮೃತದೇಹ ಪತ್ತೆಯಾಗಿದೆ. ಮೃತನ ಕೈ ಮೇಲೆ ಹೃದಯ ಮತ್ತು ವಿ.ಆರ್. ಅಕ್ಷರಗಳ ಹಚ್ಚೆ ಇದೆ.
ಸೊರಬ ತಾಲೂಕು ಆನವಟ್ಟಿ ಸಮೀಪದ ಬಂಕಸಾಣ – ಮೂಗೂರು ಗ್ರಾಮದ ಬಳಿ ಮೃತದೇಹ ಸಿಕ್ಕಿದೆ. ವರದಾ ನದಿಯಲ್ಲಿ ಮೃತದೇಹ ತೇಲುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದು ಅದೇ ಮೃತದೇಹ ಇರಬಹುದು ಎಂದು ಶಂಕಿಸಲಾಗಿದೆ.
ವಾರದ ಹಿಂದೆ ಈ ವ್ಯಕ್ತಿ ನದಿಗೆ (Varada River) ಬಿದ್ದಿರುವ ಸಾಧ್ಯತೆ ಇದೆ ಎಂದು ಅನುಮಾನಿಸಲಾಗಿದೆ. ನೀರಿನ ಹರಿವು ಕಡಿಮೆಯಾಗಿರುವುದರಿಂದ ಮೃತದೇಹ ಪತ್ತೆಯಾಗಿದೆ. ವ್ಯಕ್ತಿಯ ಗುರುತು ಬಲ್ಲವರು ಆನವಟ್ಟಿ ಪೊಲೀಸ್ ಠಾಣೆಯನ್ನು ಸಂಪರ್ಕಿಸಬಹುದು ಎಂದು ಪಿಎಸ್ಐ ರಾಜು ರೆಡ್ಡಿ ತಿಳಿಸಿದ್ದಾರೆ.