SHIMOGA | ನಿಗೂಢ ಶಬ್ದದ ಆತಂಕ ದುಪಟ್ಟುಗೊಳಿಸಿದ ಫೇಕ್ ನ್ಯೂಸ್

Published : January 22, 2021 at 3:12 AM IST

ಶಿವಮೊಗ್ಗ ಲೈವ್.ಕಾಂ | SHIMOGA NEWS | 22 JANUARY 2021

ನಿಗೂಢ ಶಬ್ದ, ಭೂಕಂಪನದ ಅನುಭವದ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ಸುಳ್ಳು ಸುದ್ದಿಗಳು ಹಬ್ಬಲು ಆರಂಭವಾಗಿದೆ. ಭೂಮಿ ಕಂಪಿಸಿದ ಸಿಸಿಟಿವಿ ವಿಡಿಯೋಗಳು, ರಸ್ತೆಯಲ್ಲಿ ಭಾರಿ ಗಾತ್ರದ ಬಿರುಕು ಸೇರಿದಂತೆ ವಿವಿಧ ಮಾಹಿತಿ ಹರಿದಾಡುತ್ತಿದೆ.

ವಾಟ್ಸಪ್‍ ಸೇರಿದಂತೆ ಸಾಮಾಜಿಕ ಜಾಲತಾಣದಲ್ಲಿ ಸುಳ್ಳು ಮಾಹಿತಿ ಹರಿದಾಡುತ್ತಿದೆ. ಇದರಿಂದ ಜನರ ಆತಂಕ ದ್ವಿಗುಣಗೊಂಡಿದೆ.

ಇದನ್ನೂ ಓದಿ | BREAKING NEWS | ಜಿಲ್ಲೆಯಾದ್ಯಂತ ಸ್ಫೋಟದ ಶಬ್ದ, ಭೂಕಂಪದ ಅನುಭವ, ಮನೆಯಿಂದ ಹೊರ ಬಂದ ಜನ

ಏನೆಲ್ಲ ಸುಳ್ಳು ಸುದ್ದಿ ಹರಿದಾಡ್ತಿದೆ?

ಜೋರಾದ ಭೂಕಂಪ, ಎಲ್ಲವೂ ಅಲುಗಾಡುತ್ತಿರುವ ಸಿಸಿಟಿವಿ ದೃಶ್ಯ ಅತಿ ಹೆಚ್ಚು ಷೇರ್ ಆಗುತ್ತಿದೆ. ಅದರಲ್ಲಿ ಇರುವ ಸಮಯಕ್ಕೂ, ನಿಗೂಢ ಶಬ್ದ ಮತ್ತು ಭೂಕಂಪನದ ಅನುಭವದ ಸಮಯಕ್ಕೂ ಸಂಬಂಧವಿಲ್ಲ.

ರಸ್ತೆಗಳು ಬಿರುಕು ಗೊಂಡಿರುವ ಫೋಟೊ ಕೂಡ ಷೇರ್ ಆಗುತ್ತಿದೆ. ರಿಕ್ಟರ್ ಮಾಪಕದಲ್ಲಿ ಭೂಕಂಪನದ ವರದಿಯಾಗಿಲ್ಲ. ಹಾಗಿದ್ದಾಗ ಭೂಮಿಯಲ್ಲಿ ಇಷ್ಟೊಂದು ಪ್ರಮಾಣದಲ್ಲಿ ಬಿರುಕು ಕಾಣಿಸಿಕೊಳ್ಳುವುದು ಹೇಗೆ?

ಇದನ್ನೂ ಓದಿ | BREAKING NEWS | ಭಾರಿ ಶಬ್ದದ ಜೊತೆಗೆ ಬೆಳಕು ಕಾಣಿಸಿಕೊಂಡಿದೆ