ಹೊಸನಗರ: ಬಹುಮಾನದ ಸ್ಕೀಮ್ ಯೋಜನೆಯಡಿ ಗ್ರಾಹಕರಿಗೆ ಅಂದಾಜು ₹3 ಕೋಟಿ ಮೋಸ (scam) ಮಾಡಿದ ಪ್ರಕರಣ ಸಂಬಂಧ ಉಡುಪಿ ಮೂಲದ ಒಬ್ಬನನ್ನು ಪಟ್ಟಣದ ಪೊಲೀಸರು ಬಂಧಿಸಿದ್ದಾರೆ. (ಈ ಸುದ್ದಿಯನ್ನು ಇನ್ನು 48 ಸೆಕೆಂಡ್ಗಳಲ್ಲಿ ಓದಿ ಮುಗಿಸಬಹುದು)
ಅಬ್ದುಲ್ ರಜಾಕ್ ಬಂಧಿತ ಆರೋಪಿ. ಪಟ್ಟಣದ ನಿವಾಸಿ ನಿಹಾಲ್ ಎಂಬುವವರು ಇಲ್ಲಿನ ಠಾಣೆಗೆ ದೂರು ನೀಡಿದ್ದರು.

ಏನಿದು ಸ್ಕೀಮ್?
ಅಯಾನ್ ಗ್ರೂಪ್ ಎಂಬ ಸಂಸ್ಥೆಯ ಮಾಲೀಕರಾಗಿರುವ ಅಬ್ದುಲ್ ರಜಾಕ್ ಮತ್ತು ಶೇಖ್ ಮಹಮದ್ ಫಜಲ್ ಎಂಬುವವರು ತಮಗೆ 2023ರಲ್ಲಿ ಪರಿಚಯವಾಗಿದ್ದರು. ತಮ್ಮ ಸಂಸ್ಥೆಯಲ್ಲಿ ಕೆಲ ತಿಂಗಳುಗಳಿಗೆ ಹಣ ಕಟ್ಟಿದಲ್ಲಿ ಕೊನೆಯಲ್ಲಿ ಉತ್ತಮ ಬಹುಮಾನ ದೊರೆಲಿದೆ ಹಾಗೂ ಗೃಹೋಪಯೋಗಿ ವಸ್ತುಗಳನ್ನು ನೀಡಲಾಗುತ್ತದೆ ಎಂದು ತಿಳಿಸಿದ್ದರು.

ತಾವು ತಮ್ಮ ಗ್ರಾಹಕರಿಂದ ಹಣ ಕಟ್ಟಿಸಿದ್ದು ಒಟ್ಟು ₹24 ಲಕ್ಷ ಸಂದಾಯ ಮಾಡಲಾಗಿದೆ. ಸ್ಕೀಮ್ ಅವಧಿ ಮುಗಿದ ಬಳಿಕವೂ ಹಣ ನೀಡಿರುವುದಿಲ್ಲ. ಸಂಸ್ಥೆಯ ಕಚೇರಿಯನ್ನು ಮುಚ್ಚಲಾಗಿದೆ. ಇದೇ ರೀತಿ ಸುಮಾರು 1900ಕ್ಕೂ ಹೆಚ್ಚು ಮಂದಿಗೆ ಹಣ ನೀಡಬೇಕಾಗಿದ್ದು ಒಟ್ಟು ಅಂದಾಜು ₹3 ಕೋಟಿ ಅವ್ಯವಹಾರ ನಡೆದಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ ಎಂದು ಪೊಲೀಸ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಇದನ್ನೂ ಓದಿ : ಶಿವಮೊಗ್ಗದ ಬೈಪಾಸ್ ರಸ್ತೆಯ ಸೇತುವೆ ಬಳಿ ತುಂಗಾ ಹೊಳೆಗೆ ಹಾರಲು ಯತ್ನಿಸಿದ ಬಾಲಕ
