SHIVAMOGGA LIVE | 26 JULY 2023

SHIMOGA : ಜೆಸಿಬಿ ಬಳಸಿ ಎಟಿಎಂ ಮೆಷಿನ್ (ATM Machine) ಕಳ್ಳತನಕ್ಕೆ ವಿಫಲ ಯತ್ನ ನಡೆಸಲಾಗಿದೆ. ಘಟನೆಯಲ್ಲಿ ಎಟಿಎಂ ಮೆಷಿನ್ ಹಾನಿಗೀಡಾಗಿದೆ. ಮಹಾರಾಷ್ಟ್ರದ ಸಾಂಗ್ಲಿ ಜಿಲ್ಲೆಯಲ್ಲಿ ಇದೆ ಮಾದರಿ ಎಟಿಎಂ ದರೋಡೆ ನಡೆದಿತ್ತು.

ನೂರಡಿ ರಸ್ತೆಯಲ್ಲೆ ಎಟಿಎಂಗೆ ಜೆಸಿಬಿ

ಶಿವಮೊಗ್ಗದ ನೂರು ಅಡಿ ರಸ್ತೆಯಲ್ಲಿರುವ ಆಕ್ಸಿಸ್ ಬ್ಯಾಂಕ್ ಎಟಿಎಂ ದರೋಡೆಗೆ ಪ್ರಯತ್ನಿಸಲಾಗಿದೆ. ಶಿವಾಲಯ ಮುಂಭಾಗ ಇರುವ ಎಟಿಎಂಗೆ ತಡರಾತ್ರಿ ಕಳ್ಳನೊಬ್ಬ ಜೆಸಿಬಿ ನುಗ್ಗಿಸಿದ್ದಾನೆ. ಎಟಿಎಂ ಕೇಂದ್ರದ ರೋಲಿಂಗ್ ಶಟರ್ ಮುರಿದು, ಗಾಜಿನ ಬಾಗಿಲು ಹಾನಿಗೊಳಿಸಿ ಎಟಿಎಂ ಕೇಂದ್ರದ ಒಳಗೆ ಜೆಸಿಬಿ ನುಗ್ಗಿಸಿದ್ದಾನೆ.

ಎಟಿಎಂ ಮೆಷಿನ್‌ಗೆ ಹಾನಿ

ಜೆಸಿಬಿ ನುಗ್ಗಿಸಿದ್ದರಿಂದ ಮೆಷಿನ್‌ಗೆ (ATM Machine) ಹಾನಿಯಾಗಿದೆ. ಜೆಸಿಬಿಯಿಂದ ಎಟಿಎಂ ಮೆಷಿನನ್ನೆ ಕೀಳಲು ಪ್ರಯತ್ನಿಸಲಾಗಿದೆ. ಶಿವಾಲಯ ಮುಂದೆ ನಿಲ್ಲಿಸಿದ್ದ ಜೆಸಿಬಿ ಬಳಸಿ ಈ ಕೃತ್ಯ ಎಸಗಲಾಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ – ಶಿವಮೊಗ್ಗ ಸ್ಮಾರ್ಟ್‌ ಸಿಟಿ ಯೋಜನೆ ವಿರುದ್ಧ ಸರ್ವ ಪಕ್ಷದ ಪಾಲಿಕೆ ಸದಸ್ಯರು ಗರಂ, ಎಲ್ಲೆಲ್ಲಿ ಏನೇನು ಅವಾಂತರ ಅಗಿದೆ?

ಗಸ್ತು ತಿರುಗುತ್ತಿದ್ದ ವಿನೋಬನಗರ ಠಾಣೆ ಪೊಲೀಸರನ್ನು ಕಂಡು ಕಳ್ಳ ಜೆಸಿಬಿ ಬಿಟ್ಟು ಪರಾರಿಯಾಗಿದ್ದಾನೆ.

ಮಹಾರಾಷ್ಟ್ರದಲ್ಲಿ ಇದೆ ಮಾದರಿ ದರೋಡೆ

ಮಹಾರಾಷ್ಟ್ರ ರಾಜ್ಯದ ಸಾಂಗ್ಲಿ ಜಿಲ್ಲೆಯಲ್ಲಿ ಜೆಸಿಬಿ ಬಳಸಿ ಇದೆ ಮಾದರಿ ಎಟಿಎಂ ದರೋಡೆ ಮಾಡಲಾಗಿತ್ತು. 2022ರ ಏಪ್ರಿಲ್‌ನಲ್ಲಿ ಕಳ್ಳನೊಬ್ಬ ಜೆಸಿಬಿ ಬಳಸಿ ಜೆಸಿಬಿ ಎಟಿಎಂ ಮೆಷಿನನ್ನೆ ಹೊತ್ತೊಯ್ದಿದ್ದ.