ಕ್ಷಣ ಕ್ಷಣದ ಸುದ್ದಿಗಳಿಗಾಗಿ ನಮ್ಮನ್ನು ಸೇರಿ
ಶಿವಮೊಗ್ಗದ ಲೈವ್.ಕಾಂ | SHIMOGA NEWS | 1 ಜನವರಿ 2022
ನೈಟ್ ಕರ್ಫ್ಯೂ, ಬಿಗಿ ಪೊಲೀಸ್ ಬಂದೋಬಸ್ತ್ ನಡುವೆಯು ಶಿವಮೊಗ್ಗದಲ್ಲಿ ಹೊಸ ವರ್ಷಾಚರಣೆ ನಡೆಯಿತು. ಹಿಂದಿನ ವರ್ಷಗಳಷ್ಟು ಕಳೆಗಟ್ಟದಿದ್ದರೂ, ಮನೆ, ತೋಟಗಳಿಗೆ ಸಂಭ್ರಮಾಚರಣೆ ಸೀಮಿತವಾಯಿತು. ರಾತ್ರಿ ಹನ್ನೆರೆಡು ಗಂಟೆಗೆ ಕೆಲವು ಕಡೆ ಪಟಾಕಿ ಸಿಡಿಸಿ ಹೊಸ ವರ್ಷವನ್ನು ಸ್ವಾಗತಿಸಲಾಯಿತು.
ಕರೋನ ಸೋಂಕು ಹರಡುವುದನ್ನು ತಡೆಯಲು ಹೊಸ ವರ್ಷಾಚರಣೆಗೆ ತಡೆಯೊಡ್ಡಿ ರಾಜ್ಯ ಸರ್ಕಾರ ನೈಟ್ ಕರ್ಫ್ಯೂ ವಿಧಿಸಿದೆ. ಈ ಹಿನ್ನೆಲೆಯಲ್ಲಿ ಶಿವಮೊಗ್ಗದಲ್ಲಿಯೂ ಬಿಗಿ ಪೊಲೀಸ್ ಬಂದೋಬಸ್ತ್ ಕೈಗೊಳ್ಳಲಾಗಿತ್ತು. ರಾತ್ರಿ 10 ಗಂಟೆಗೆ ಬಾರ್, ಹೊಟೇಲ್, ಕ್ಲಬ್’ಗಳನ್ನು ಬಂದ್ ಮಾಡಲಾಯಿತು. ಹಾಗಾಗಿ ಹಿಂದಿನ ವರ್ಷಗಳಲ್ಲಿ ಇದ್ದ ಸಂಭ್ರಮಾಚರಣೆ ಕಣ್ಮರೆಯಾಗಿತ್ತು.
ಮನೆಗಳಲ್ಲಿ ಕೇಕ್ ಕಟ್
ಈ ಹೊಸ ವರ್ಷಾಚರಣೆ ಮನೆಗಳಿಗೆ ಸೀಮಿತವಾಗಿತ್ತು. ಕರ್ಫ್ಯೂ ಅವಧಿ ಮುಗಿಯುವ ಮೊದಲೆ ಕೇಕ್, ಮದ್ಯ, ಮಾಂಸ ಸೇರಿದಂತೆ ಸಂಭ್ರಮಾಚರಣೆಗೆ ಅಗತ್ಯವಿದ್ದ ತಿಂಡಿ, ತಿನಿಸುಗಳನ್ನು ಜನರು ಖರೀದಿಸಿದ್ದರು. 12 ಗಂಟೆಯಾಗುತ್ತಿದ್ದಂತೆ ಮನೆಗಳಲ್ಲಿ ಕೇಕ್ ಕತ್ತರಿಸಿ, ಹೊಸ ವರ್ಷವನ್ನು ಸ್ವಾಗತಿಸಲಾಯಿತು. ಪಾರ್ಟಿಗಳು ಕೂಡ ಮನೆಗಳಿಗೆ ಸೀಮಿತವಾಯಿತು.
ಪಟಾಕಿ ಸಿಡಿಸಿ ಖುಷಿಪಟ್ಟರು
ಪ್ರಮುಖ ರಸ್ತೆಗಳಲ್ಲಿ ಪೊಲೀಸರು ನಾಖಾಬಂಧಿ ಹಾಕಿದ್ದರು. ನಗರದ ವಿವಿಧೆಡೆ ಗಸ್ತು ತಿರುಗುತ್ತಿದ್ದರು. ಆದರೆ ಹೊರವಲಯ ಮತ್ತು ವಿವಿಧ ಬಡಾವಣೆಗಳಲ್ಲಿ ನೈಟ್ ಕರ್ಫ್ಯೂ ಉಲ್ಲಂಘಿಸಿ ‘ಹೊಸ ವರ್ಷದ ಶುಭಾಶಯ’ ಎಂದು ಘೋಷಣೆಗಳನ್ನು ಕೂಗುತ್ತ ರಾತ್ರಿ 12 ಗಂಟೆಗೆ ಬೈಕ್ ಯುವಕರು ಬೈಕ್’ನಲ್ಲಿ ರೌಂಡ್ಸ್ ಹೊಡೆದರು. ಕೆಲವು ಕಡೆ ಪಟಾಕಿ ಸಿಡಿಸಿ ಹೊಸ ವರ್ಷವನ್ನು ಸ್ವಾಗತಿಸಲಾಯಿತು.
ಪಾರ್ಟಿ ಅಡ್ಡೆಗಳಾದ ತೋಟಗಳು
ಶಿವಮೊಗ್ಗ ನಗರದ ಕ್ಲಬ್’ಗಳು, ಹೊಟೇಲ್’ಗಳನ್ನು ಬಂದ್ ಮಾಡಿಸಿದ್ದರಿಂದ ಜನರು ಪಾರ್ಟಿ ಸ್ಥಳವನ್ನು ಹೊರ ವಲಯ ಮತ್ತು ಗ್ರಾಮೀಣ ಭಾಗದ ತೋಟಗಳಿಗೆ ಶಿಫ್ಟ್ ಮಾಡಿಕೊಂಡಿದ್ದರು. ತೋಟ, ತೋಟದ ಮನೆಗಳಲ್ಲಿ ಭರ್ಜರಿ ಪಾರ್ಟಿಗಳು ನಡೆದಿವೆ.
ವೀಕೆಂಡ್’ಗೆ ಪಾರ್ಟಿ ಶಿಫ್ಟ್
ವೀಕೆಂಡ್ ಸಂದರ್ಭ ಹೊಸ ವರ್ಷ ಬಂದಿದೆ. ಹಾಗಾಗಿ ಶನಿವಾರ, ಭಾನುವಾರದಂದು ಪಾರ್ಟಿಗಳನ್ನು ಆಯೋಜಿಸಲಾಗಿದೆ. ಕ್ಲಬ್’ಗಳು, ಹೊಟೇಲ್’ಗಳಲ್ಲಿ ಪಾರ್ಟಿಗಳು ನಿಗದಿಯಾಗಿವೆ.
ನೈಟ್ ಕರ್ಫ್ಯೂ, ಬಿಗಿ ಬಂದೋಬಸ್ತ್ ನಡುವೆಯು ಶಿವಮೊಗ್ಗದಲ್ಲಿ ಹೊಸ ವರ್ಷವನ್ನು ಸಂಭ್ರಮದಿಂದ ಸ್ವಾಗತಿಸಲಾಯಿತು.
LATEST NEWS
- ಶಿವಮೊಗ್ಗ ಡಿ.ಸಿ ಎದುರು ಮೈದಾನಕ್ಕೆ ಬ್ಯಾರಿಕೇಡ್, ಹಿಂದೂ ಸಂಘಟನೆಗಳು ಗರಂ, ಕಾರಣವೇನು?
- ಬೆಳಗ್ಗೆ ಲೇಔಟ್ಗೆ ಬಂದ ಲೆಕ್ಚರರ್ಗೆ ಕಾದಿತ್ತು ಆಘಾತ, ರಾತ್ರಿ 11.15ರ CCTV ದೃಶ್ಯ ಕಂಡು ಶಾಕ್
- ಶಿವಮೊಗ್ಗ TO ಬೆಂಗಳೂರು ಇನ್ನಷ್ಟು ವೇಗ, ದ್ವಿಪಥ ಯೋಜನೆಗೆ ಒತ್ತಾಯ
- ಜಮೀನಿಗೆ ನೀರು ಹರಿಸಲು ಹೋಗಿದ್ದ ವ್ಯಕ್ತಿಗೆ ಕಾದಿತ್ತು ಸಾವು, ಆಗಿದ್ದೇನು?
- ನಾಳೆಯಿಂದ SSLC ಪರೀಕ್ಷೆ, ಹೇಗಿದೆ ಸಿದ್ಧತೆ? ಯಾವ್ಯಾವ ತಾಲೂಕಿನಲ್ಲಿ ಎಷ್ಟು ಪರೀಕ್ಷಾ ಕೇಂದ್ರಗಳಿವೆ?
About The Editor
ನಿತಿನ್ ಆರ್.ಕೈದೊಟ್ಲು
