ಕ್ಷಣ ಕ್ಷಣದ ಸುದ್ದಿಗಳಿಗಾಗಿ ನಮ್ಮನ್ನು ಸೇರಿ
SHIVAMOGGA LIVE NEWS | 11 DECEMBER 2023
BE ALERT : ನಟಿ, ವಕೀಲೆ ಮಾಳವಿಕ ಅವಿನಾಶ್ ಅವರ ಹೆಸರಿನಲ್ಲಿದ್ದ ಸಿಮ್ನಿಂದ ಕಿರುಕುಳದ ಮೆಸೇಜ್ಗಳು ರವಾನೆಯಾಗಿದ್ದರಿಂದ ಮುಂಬೈನ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ತನಿಖೆ ನಡೆಸಿದ ಪೊಲೀಸರು ಮಾಳವಿಕ ಅವಿನಾಶ್ ಅವರ ಹೆಸರಿನಲ್ಲಿದ್ದ ಎಲ್ಲ ಸಿಮ್ ಕಾರ್ಡ್ಗಳನ್ನು ಬ್ಲಾಕ್ ಮಾಡಲು ಟೆಲಿಕಾಂ ರೆಗುಲೇಟರಿ ಅಥಾರಿಟಿ ಆಫ್ ಇಂಡಿಯಾಗೆ (ಟ್ರಾಯ್) ಸೂಚಿಸಿದ್ದರು. ಈ ಹಿನ್ನೆಲೆ ಮಾಳವಿಕ ಅವಿನಾಶ್ ಅವರಿಗೆ ಟ್ರಾಯ್ ಮೆಸೇಜ್ ರವಾನಿಸಿತ್ತು.
ಮೆಸೇಜ್ ಬರುತ್ತಿದ್ದಂತೆ ಮಾಳವಿಕ ಅವಿನಾಶ್ ಅವರು ಟ್ರಾಯ್ ಸಂಸ್ಥೆ ಮತ್ತು ಮುಂಬೈ ಪೊಲೀಸರನ್ನು ಸಂಪರ್ಕಿಸಿದ್ದರು. ಆಗಲೆ ಅವರ ಆಧಾರ್ ಕಾರ್ಡ್ ದುರ್ಬಳಕೆ ಆಗಿರುವ ವಿಷಯ ಗೊತ್ತಾಗಿದ್ದು. ತಮ್ಮ ಪರಿಚಯ ತಿಳಿಸಿ, ವಿಷಯ ಮನವರಿಕೆ ಮಾಡಿದ್ದರಿಂದ ಅವರ ಸಿಮ್ ಕಾರ್ಡ್ ಸಂಪರ್ಕ ಉಳಿಯಿತು.
ನಿಮಗೂ ಇದೆ ಪರಿಸ್ಥಿತಿ ಎದುರಾಗಬಹುದು
ನಟಿ ಮಾಳವಿಕ ಅವಿನಾಶ್ ಅವರ ಸ್ಥಿತಿ ಯಾರಿಗೆ ಬೇಕಿದ್ದರು ಎದುರಾಗಬಹುದು. ಸ್ವಲ್ಪ ಯಾಮಾರಿದರೆ ಕಠಿಣ ಪರಿಸ್ಥಿತಿ ಎದುರಿಸಬೇಕಾಗುತ್ತದೆ. ಆದರೆ ಮುಂಜಾಗ್ರತೆ ವಹಿಸಿದರೆ ಸಂಕಷ್ಟದಿಂದ ಪಾರಾಗಬಹುದು. ನಿಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ ಕಾರ್ಡ್ಗಳು ಕಾರ್ಯನಿರ್ವಹಿಸುತ್ತಿವೆ ಎಂದೆ ಈಗಲೆ ಪತ್ತೆ ಹಚ್ಚಿದರೆ ಸುರಕ್ಷಿತವಾಗಿ ಉಳಿಯಬಹುದು.
ನಮ್ಮ ಹೆಸರಲ್ಲಿ ಎಷ್ಟು ಸಿಮ್ಗಳಿವೆ?
ಕೇಂದ್ರ ಸರ್ಕಾರದ ಸಂಚಾರ ಸಾಥಿ ವೆಬ್ಸೈಟ್ ಮೂಲಕ ನಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ಗಳಿವೆ ಎಂದು ಪತ್ತೆ ಹಚ್ಚಬಹುದು. ಈ ವೆಬ್ಸೈಟ್ಗೆ https://sancharsaathi.gov.in/ ಹೋಗಿ KNOW MOBILE CONNECTIONS IN YOUR NAME ಮೇಲೆ ಕ್ಲಿಕ್ ಮಾಡಬೇಕು. ಮೊಬೈಲ್ ನಂಬರ್ ಮತ್ತು CAPTCHA ದಾಖಲಿಸಿದರೆ ಮೊಬೈಲ್ಗೆ ಒಟಿಪಿ ಬರಲಿದೆ. ಅದನ್ನು ಎಂಟರ್ ಮಾಡದರೆ ನಿಮ್ಮ ಹೆಸರಿನಲ್ಲಿರುವ ಎಲ್ಲ ಮೊಬೈಲ್ ನಂಬರ್ಗಳ ವಿವರ ಬರಲಿದೆ.
ಒಂದು ವೇಳೆ ಯಾವುದಾರು UNKNOWN ನಂಬರ್ ನಿಮ್ಮ ಹೆಸರಿನಲ್ಲಿದ್ದರೆ ಅದನ್ನು ಕೂಡಲೆ ರಿಪೋರ್ಟ್ ಮಾಡಬಹುದು.
ಇದನ್ನೂ ಓದಿ – ಜನ ಶತಾಬ್ದಿ, ಇಂಟರ್ಸಿಟಿ ವಿರುದ್ಧ ದೂರು, ಬಳಕೆದಾರರ ಸಭೆಯಲ್ಲಿ ಏನೇನೆಲ್ಲ ಚರ್ಚೆಯಾಯ್ತು? ಇಲ್ಲಿದೆ 7 ಪಾಯಿಂಟ್
LATEST NEWS
- ಶಿವಮೊಗ್ಗ ಬಸ್ ನಿಲ್ದಾಣದಲ್ಲಿ ವ್ಯಕ್ತಿಗೆ ಬಿಸಿ ಮುಟ್ಟಿಸಿದ ಅಕ್ಕ ಪಡೆ, ಆಗಿದ್ದೇನು?
- ದುರ್ಗಿಗುಡಿಯಲ್ಲಿ ವೈಭವದ ರಥೋತ್ಸವ, ಈ ಬಾರಿ ಉತ್ಸವ ಬೆಳಗ್ಗೆ ನಡೆದಿದ್ದೇಕೆ?
- ₹1,00,000 ಲಂಚದ ಹಣದೊಂದಿಗೆ ಲೋಕಾಯುಕ್ತರಿಗೆ ಸಿಕ್ಕಿಬಿದ್ದ ಅಧಿಕಾರಿ, ಮಧ್ಯವರ್ತಿ
- ಸರಕು ರೇಟ್ ಕುಸಿತ, ಉಳಿದ ಮಾದರಿ ಅಡಿಕೆ ರೇಟ್ ಎಷ್ಟಿದೆ? | 2 ಮಾರ್ಚ್ 2026
- ಮಾರಿಕಾಂಬ ಜಾತ್ರೆಯಲ್ಲಿ ಕಳೆದು ಹೋದ ವೃದ್ಧೆ, ಪತ್ತೆ ಮಾಡಿ ಮನೆಗೆ ಬಿಟ್ಟು ಬಂದ ಪೊಲೀಸ್, ಆಗಿದ್ದೇನು?
About The Editor
ನಿತಿನ್ ಆರ್.ಕೈದೊಟ್ಲು
