ಭದ್ರಾ ಜಲಾಶಯದ ಒಳ ಹರಿವು ಹಂತ ಹಂತವಾಗಿ ಏರಿಕೆ, ಇವತ್ತು ಎಷ್ಟಿದೆ ನೀರಿನ ಮಟ್ಟ?

SHIVAMOGGA LIVE NEWS | 26 JUNE 2024

DAM LEVEL : ಮಲೆನಾಡು ಭಾಗದಲ್ಲಿ ಮಳೆ ಬಿರುಸಾಗುತ್ತಿದೆ. ಹಾಗಾಗಿ ಭದ್ರಾ ಜಲಾಶಯದ ಒಳ ಹರಿವು ಹಂತ ಹಂತವಾಗಿ ಏರಿಕೆಯಾಗುತ್ತಿದೆ. ಇದೇ ರೀತಿ ಮಳೆ ಪ್ರಮಾಣ ಮತ್ತು ಒಳ ಹರಿವು ಏರಿಕೆಯಾದರೆ ಈ ಬಾರಿ ಜಲಾಶಯ ಭರ್ತಿಯಾಗಲಿದೆ.

ಇವತ್ತು ಬೆಳಗ್ಗೆ 6 ಗಂಟೆಗೆ ಭದ್ರಾ ಜಲಾಶಯದ ಒಳ ಹರಿವು 2276 ಕ್ಯೂಸೆಕ್‌ ದಾಖಲಾಗಿತ್ತು. ಇನ್ನು ನೀರಿನ ಮಟ್ಟ 120 ಅಡಿಗೆ ತಲುಪಿದೆ. 343 ಕ್ಯೂಸೆಕ್‌ ಹೊರಹರಿವು ಇದೆ. ಕಳೆದ ವರ್ಷ ಈ ದಿನ ಜಲಾಶಯದ ನೀರಿನ ಮಟ್ಟ 137.5 ಅಡಿ ಇತ್ತು.

ಮೂರ್ನಾಲ್ಕು ದಿನದಿಂದ ಹಿನ್ನೀರು ಭಾಗದಲ್ಲಿ ಉತ್ತಮ ಮಳೆಯಾಗುತ್ತಿದೆ. ಆದ್ದರಿಂದ ಜಲಾಶಯದ ಒಳ ಹರಿವು ಹಂತ ಹಂತವಾಗಿ ಏರಿಕೆಯಾಗುತ್ತಿದೆ. ಸೋಮವಾರ ಬೆಳಗ್ಗೆ ಒಳ ಹರಿವು 771 ಕ್ಯೂಸೆಕ್‌ ಇತ್ತು. ಮಂಗಳವಾರ ಬೆಳಗ್ಗೆ 1419 ಕ್ಯೂಸೆಕ್‌ ಇತುತ. ಇವತ್ತು 2276 ಕ್ಯೂಸೆಕ್‌ ದಾಖಲಾಗಿದೆ.

ಇದನ್ನೂ ಓದಿ – ಶಿವಮೊಗ್ಗ ಜಿಲ್ಲೆಯ ವಿವಿಧೆಡೆ ಇವತ್ತು ಸಾಧಾರಣದಿಂದ ಭಾರಿ ಮಳೆಯ ಸಾಧ್ಯತೆ