ಶಿವಮೊಗ್ಗ ಲೈವ್.ಕಾಂ
ಶಿವಮೊಗ್ಗ ಜಿಲ್ಲೆಯ ನಂಬರ್ 1 ಸುದ್ದಿ ಮಾಧ್ಯಮ
SHIVAMOGGA LIVE NEWS | 13 JULY 2024
SHIMOGA : ಟಿ.ಟಿ. ವಾಹನ ಬಾಡಿಗೆಗೆ ಪಡೆದು ಸ್ವಲ್ಪ ದೂರ ಹೋದ ಬಳಿಕ ಚಾಲಕನ (Driver) ಮೇಲೆ ಹಲ್ಲೆ ಮಾಡಲಾಗಿದೆ. ವಾಹನದ ಒಳಗಿದ್ದ ಟಿವಿ, ಸ್ಪೀಕರ್‌ಗಳ, ಲೈಟ್‌ ಒಡೆದು ಹಾಕಲಾಗಿದೆ.
ಗಾಯಗೊಂಡಿದ್ದ ಚಾಲಕ ದರ್ಶನ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಟಿ.ಟಿ.ವಾಹನದ ಮಾಲೀಕರ ಮಗ ಸೂಚಿಸಿದಂತೆ ಚಾಲಕ ದರ್ಶನ್‌ ಟಿ.ಟಿ.ವಾಹನವನ್ನು ಬೊಮ್ಮನಕಟ್ಟೆ ಬಳಿ ಕೊಂಡೊಯ್ದಿದ್ದ. ಅಲ್ಲಿ ಇಬ್ಬರು ವಾಹನ ಹತ್ತಿದ್ದರು. ಬಸವನಗಂಗೂರು ಕಡೆಗೆ ವಾಹನ ಚಲಾಯಿಸುವಂತೆ ಸೂಚಿಸಿದ್ದು, ಸ್ವಲ್ಪ ದೂರದಲ್ಲಿ 10 ರಿಂದ 12 ಮಂದಿ ಟಿ.ಟಿ.ವಾಹನ ಹತ್ತಿದ್ದರು. ಏಕಾಏಕಿ ಚಾಲಕ ದರ್ಶನ್‌ ಮೇಲೆ ಹಲ್ಲೆ ನಡೆಸಿ, ನಿಮ್ಮ ಮಾಲೀಕನನ್ನು ಕರೆಯಿಸು ಎಂದು ಸೂಚಿಸಿದ್ದರು. ಬಳಿಕ ಕುಂಸಿ ಬಳಿ ವಾಹನ ಕೊಂಡೊಯ್ಯುವಂತೆ ಬೆದರಿಸಿದ್ದರು.
ಕುಂಸಿ ಸಮೀಪ ಬಾರ್‌ ಒಂದರ ಮುಂದೆ ಟಿ.ಟಿ.ವಾಹನ ನಿಲ್ಲಿಸುವಂತೆ ಸೂಚಿಸಿದರು. ಚಾಲಕ ದರ್ಶನ್‌ ಮೇಲೆ ಪುನಃ ಹಲ್ಲೆ ನಡೆಸಿದ್ದಾರೆ. ಅಲ್ಲದೆ ವಾಹನದ ಒಳಗಿದ್ದ ಸ್ಪೀಕರ್‌, ಟಿವಿ, ಲೈಟ್‌, ಡಿ.ಜೆ.ಲೈಟ್‌ ಹಾನಿ ಮಾಡಿ ಕೆಳಗಿಳಿದಿದ್ದಾರೆ ಎಂದು ಆರೋಪಿಸಲಾಗಿದೆ. ಆತಂಕದಲ್ಲೇ ಚಾಲಕ ದರ್ಶನ್‌ ಟಿ.ಟಿ ವಾಹನ ಚಲಾಯಿಸಿಕೊಂಡು ಶಿವಮೊಗ್ಗಕ್ಕೆ ಮರಳಿದ್ದಾರೆ. ಮಾಲೀಕರಿಗೆ ಮಾಹಿತಿ ನೀಡಿ, ವಿನೋಬನಗರ ಠಾಣೆಗೆ ದೂರು ನೀಡಿದ್ದಾರೆ.
ಇದನ್ನೂ ಓದಿ – ಶಿವಮೊಗ್ಗ ಸಿಟಿ ಸೆಂಟರ್‌ ಬಳಿ ಬೈಕ್‌ನಲ್ಲಿ ಬಂದು ಸಿಕ್ಕಿಬಿದ್ದ ಯುವಕ, ಭಾರಿ ದಂಡ ಕಟ್ಟಬೇಕಾಯ್ತು ಮಾಲೀಕ
ಈಗ ಸುಲಭಕ್ಕೆ ಸಿಗಲಿದೆ ಸಾಲ ತುರ್ತು ಸಾಲದ ಅವಶ್ಯಕತೆ ಇದೆಯೇ? ಶಿವಮೊಗ್ಗದಲ್ಲಿ ಗೃಹ ನಿರ್ಮಾಣ ಸಾಲ ಮತ್ತು ಇತರೆ ಸಾಲಗಳು ಸುಲಭಕ್ಕೆ ಸಿಗಲಿದೆ. ಕೂಡಲೆ ಕರೆ ಮಾಡಿ 9972194422
